November 27, 2021

Future Kerala

Future Kerala : Daily On Business , Economy and Society | Latest Malayalam News | FK Special | Kerala | India | Politics | Sports | Movie | Lifestyle | E Paper | Malayalam News | Breaking News | Kerala News

പുതിയ ജില്ലകളിലെ തദ്ദേശതെരഞ്ഞെടുപ്പിന് തമിഴ്നാട് ഒരുങ്ങുന്നു

1 min read

ചെന്നൈ: കാഞ്ചീപുരം, ചെംഗല്‍പേട്ടു, വെല്ലൂര്‍, തിരുപ്പത്തൂര്‍, റാണിപേട്ട്, വില്ലുപുരം, കല്ലകുറിചി, തിരുനെല്‍വേലി, തെങ്കാശി എന്നിവിടങ്ങളിലെ തദ്ദേശ സ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പിന് തമിഴ്നാട് ഒരുങ്ങുന്നു.

ഏപ്രിലില്‍ നടന്ന നിയമസഭാ തെരഞ്ഞെടുപ്പിന് ശേഷം തെരഞ്ഞെടുപ്പിന് അരങ്ങൊരുങ്ങുമ്പോള്‍ അത് ഡിഎംകെയ്ക്കും പ്രതിപക്ഷമായ എഐഎഡിഎംകെയ്ക്കും ഒരു പോലെ പ്രാധാന്യമുള്ളതാണ്.പുതുതായി രൂപീകരിച്ച ഒമ്പത് ജില്ലകളിലാണ് തദ്ദേശ സ്വയംഭരണ തെരഞ്ഞെടുപ്പ് നടക്കുന്നത്. പുതിയ ജില്ലകളിലെ തദ്ദേശ സ്ഥാപനങ്ങളിലേക്കുള്ള തെരഞ്ഞെടുപ്പ് നടത്താനും സെപ്റ്റംബര്‍ 15 ന് മുമ്പ് ഫലം പ്രഖ്യാപിക്കാനും ജസ്റ്റിസ് ഹേമന്ത് ഗുപ്ത, ജസ്റ്റിസ് അനിരുദ്ധ ബോസ് എന്നിവരടങ്ങിയ സുപ്രീം കോടതി അവധിക്കാല ബെഞ്ച് തമിഴ്നാട് സംസ്ഥാന തെരഞ്ഞെടുപ്പ് കമ്മീഷന് നിര്‍ദേശം നല്‍കി.ഡീലിമിറ്റേഷന്‍ പ്രക്രിയ പൂര്‍ത്തിയാക്കിയ ശേഷം 2019 ഡിസംബറിന് മുമ്പ് അവരുടെ തദ്ദേശ സ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പ് നടത്തേണ്ടതായിരുന്നു, ഇതിനായി ഇപ്പോള്‍ ഒരു സമയം നീട്ടി നല്‍കിയിട്ടുണ്ട്.

  നവംബര്‍ 26-ന് രാഷ്ട്രം ഭരണഘടനാ ദിനം ആഘോഷിക്കുന്നു

രാഷ്ട്രീയ പാര്‍ട്ടികള്‍ ഇതിനകം ഒരുക്കങ്ങള്‍ ആരംഭിച്ചു, കഴിഞ്ഞദിവസം പാര്‍ട്ടി സംസ്ഥാന ആസ്ഥാനത്ത് ഡിഎംകെ ജില്ലാ സെക്രട്ടറി തല യോഗങ്ങള്‍ നടത്തി. അതില്‍ മുഖ്യമന്ത്രിയും ഡിഎംകെ പ്രസിഡന്‍റുമായ എം.കെ.സ്റ്റാലിന്‍ പങ്കെടുത്തു. പ്രതിപക്ഷത്തിന് ഇടമില്ലാതെ എല്ലാ സീറ്റുകളിലും ഡിഎംകെ സഖ്യം വിജയിക്കണമെന്ന് യോഗത്തില്‍ സ്റ്റാലിന്‍ പാര്‍ട്ടി ജില്ലാ സെക്രട്ടറിമാരെ ഉദ്ബോധിപ്പിച്ചു. അടിത്തട്ടിലുള്ള ദ്രാവിഡ പാര്‍ട്ടിയുമായുള്ള അഭിപ്രായവ്യത്യാസങ്ങള്‍ പരിഹരിക്കാനും അവര്‍ക്ക് മത്സരിക്കാന്‍ പരമാവധി സീറ്റുകള്‍ ന്ല്‍കാനും ഡിഎംകെ സഖ്യ പങ്കാളി കോണ്‍ഗ്രസ് ആഗ്രഹിക്കുന്നു.

‘അടുത്തിടെ നടന്ന നിയമസഭാ തെരഞ്ഞെടുപ്പില്‍ കോണ്‍ഗ്രസ് വളരെ മികച്ച പ്രകടനം കാഴ്ചവച്ചിട്ടുണ്ടെന്നും തദ്ദേശ സ്വയംഭരണ തെരഞ്ഞെടുപ്പിലെ മൊത്തം സീറ്റുകളുടെ 10 ശതമാനമെങ്കിലും വോട്ടെടുപ്പില്‍ മത്സരിക്കാന്‍ ഞങ്ങള്‍ക്ക് അനുവദിക്കുമെന്നും’ സംസ്ഥാന കോണ്‍ഗ്രസ് മേധാവി കെ എസ് അളഗിരി പറഞ്ഞു.അതേസമയം സംസ്ഥാനത്ത് കോണ്‍ഗ്രസിന് അടിത്തറയില്ലെന്നും തെരഞ്ഞെടുപ്പ് ലാഭവിഹിതം കൊയ്യുന്നതിനായി അവര്‍ ഡിഎംകെയെ ആശ്രയിക്കുകയുമാണെന്ന് ഡിഎംകെ വൃത്തങ്ങള്‍ പറഞ്ഞു. ഈ ജില്ലകളില്‍ വിടുതലൈ ചിരുതൈഗല്‍ കച്ചിക്ക് നല്ല അടിത്തറയുള്ളതിനാല്‍ അവര്‍ക്ക് കൂടുതല്‍ സീറ്റുകള്‍ നല്‍കുന്നത് ഡിഎംകെ പരിഗണിക്കും.അധികാരം നഷ്ടപ്പെട്ടതിനെത്തുടര്‍ന്ന് എ.ഐ.എ.ഡി.എം.കെ ഇപ്പോള്‍ പ്രതിരോധത്തിലാണ്.

  നവംബര്‍ 26-ന് രാഷ്ട്രം ഭരണഘടനാ ദിനം ആഘോഷിക്കുന്നു

മുതിര്‍ന്ന നേതാക്കളായ കെ പളനിസ്വാമിയും ഒ പനീര്‍സെല്‍വവും ഒരു മുന്നണി ഉയര്‍ത്തിക്കൊണ്ടിരിക്കുമ്പോള്‍, എ.ഐ.എ.ഡി.എം.കെ പ്രവര്‍ത്തകരുമായുള്ള സംഭാഷണത്തിന്‍റെ ഓഡിയോ ക്ലിപ്പിംഗുകള്‍ പുറത്തുവിട്ടുകൊണ്ട് ശശികല പ്രസക്തമായി തുടരാന്‍ ശ്രമിക്കുകയാണ്. ശശികലയുടെ അനന്തരവന്‍ ടിടിവി ദിനകരന്‍റെ നേതൃത്വത്തിലുള്ള അമ്മ മക്കള്‍ മുന്നേറ്റ കഴകം (എഎംഎംകെ) തങ്ങളുടെ വോട്ട് വിഹിതം വര്‍ധിപ്പിച്ച് പ്രശ്നങ്ങള്‍ സൃഷ്ടിക്കുമെന്നും എഐഎഡിഎംകെ കരുതുന്നു.

Maintained By : Studio3