December 3, 2021

Future Kerala

Future Kerala : Daily On Business , Economy and Society | Latest Malayalam News | FK Special | Kerala | India | Politics | Sports | Movie | Lifestyle | E Paper | Malayalam News | Breaking News | Kerala News

ലെക്‌സസ് വിറ്റത് ഇരുപത് ലക്ഷം ഇലക്ട്രിക് വാഹനങ്ങള്‍

2005 ലാണ് ലെക്‌സസ് ആര്‍എക്‌സ്400എച്ച് ഹൈബ്രിഡ് വാഹനം അവതരിപ്പിച്ചത്  

ആഗോളതലത്തില്‍ ഇതുവരെയായി ഇരുപത് ലക്ഷം വൈദ്യുത വാഹനങ്ങള്‍ വിറ്റതായി ടൊയോട്ടയുടെ കീഴിലെ ആഡംബര കാര്‍ നിര്‍മാതാക്കളായ ലെക്‌സസ് പ്രഖ്യാപിച്ചു. 2005 ലാണ് ലെക്‌സസ് ആര്‍എക്‌സ്400എച്ച് ഹൈബ്രിഡ് വാഹനം അവതരിപ്പിച്ചത്. ഇതേതുടര്‍ന്ന് നിരവധി ഹൈബ്രിഡ് ഇലക്ട്രിക് വാഹനങ്ങള്‍ (എച്ച്ഇവി) വിപണിയിലെത്തിച്ചു. കഴിഞ്ഞ വര്‍ഷത്തെ മാത്രം കാര്യമെടുത്താല്‍, 2020 ല്‍ വിറ്റ ആകെ വാഹനങ്ങളുടെ മൂന്നിലൊന്ന് ഇലക്ട്രിക് വാഹനങ്ങളാണ്. ഏഷ്യന്‍ വിപണിയില്‍, കഴിഞ്ഞ വര്‍ഷത്തെ വില്‍പ്പനയുടെ 20 ശതമാനം ഇലക്ട്രിക് വാഹനങ്ങളാണ്. കൂടാതെ, വില്‍പ്പന നടത്തിയ ഇലക്ട്രിക് വാഹനങ്ങളുടെ 25 ശതമാനത്തോളം ആര്‍എക്‌സ് ബാഡ്ജ് നല്‍കിയ വാഹനങ്ങളാണ്.

നിലവില്‍ ലോകത്തെ 90 ലധികം രാജ്യങ്ങളിലും മേഖലകളിലുമായി എച്ച്ഇവി, ബിഇവി (ബാറ്ററി ഇലക്ട്രിക് വാഹനം) വിഭാഗങ്ങളിലായി ഒമ്പത് ഇലക്ട്രിക് മോഡലുകളാണ് വില്‍ക്കുന്നത്. 2025 ഓടെ പുതിയതും പരിഷ്‌കരിച്ചതുമായ 20 മോഡലുകള്‍ അവതരിപ്പിക്കുകയാണ് ലക്ഷ്യം. ഇവയില്‍ പത്തിലധികം ബാറ്ററി ഇലക്ട്രിക് വാഹനങ്ങള്‍(ബിഇവി), പ്ലഗ് ഇന്‍ ഹൈബ്രിഡ് ഇലക്ട്രിക് വാഹനങ്ങള്‍ (പിഎച്ച്ഇവി), ഹൈബ്രിഡ് ഇലക്ട്രിക് വാഹനങ്ങള്‍ (എച്ച്ഇവി) എന്നിവ ഉണ്ടായിരിക്കും. ഈ വര്‍ഷം ആദ്യ ആഡംബര പിഎച്ച്ഇവി അവതരിപ്പിക്കും. അടുത്ത വര്‍ഷം പുതിയ ബിഇവി പുറത്തിറക്കും. 2019 ലാണ് ലെക്‌സസിന്റെ ആദ്യ ഓള്‍ ഇലക്ട്രിക് വാഹനമായ യുഎക്‌സ് 300ഇ അവതരിപ്പിച്ചത്.

  ടൂറിസ്റ്റ് കാരവനുകള്‍ക്കും പാര്‍ക്കുകള്‍ക്കും അഞ്ചുകോടി രൂപവരെ വായ്പയുമായി കെഎസ്ഐഡിസി

2005 മുതല്‍ 2021 ഏപ്രില്‍ അവസാനം വരെയുള്ള പതിനഞ്ച് വര്‍ഷ കാലയളവില്‍ ഏകദേശം 19 ദശലക്ഷം ടണ്‍ കാര്‍ബണ്‍ ബഹിര്‍ഗമനം കുറയ്ക്കാന്‍ ഈ ഇലക്ട്രിക് വാഹനങ്ങള്‍ക്ക് കഴിഞ്ഞതായി ജാപ്പനീസ് കാര്‍ നിര്‍മാതാക്കള്‍ അവകാശപ്പെട്ടു. ഓരോ വര്‍ഷവും മൂന്ന് ലക്ഷം പാസഞ്ചര്‍ കാറുകള്‍ പുറന്തള്ളുന്ന കാര്‍ബണ്‍ ഡൈഓക്‌സൈഡിന് തുല്യമാണിത്. 2050 ഓടെ കാര്‍ബണ്‍ സന്തുലനം കൈവരിക്കുകയാണ് കമ്പനിയുടെ ലക്ഷ്യം.

ലെക്‌സസ് ഏറ്റവും കൂടുതല്‍ വാഹനങ്ങള്‍ വിറ്റത് യുഎസിലാണ്. തൊട്ടുപിറകില്‍ യൂറോപ്പ്. ലെക്‌സസിന്റെ ആകെ വില്‍പ്പനയുടെ പകുതിയിലധികം ഈ രണ്ട് വിപണികളിലാണ്. ഏഷ്യയില്‍ ഉറച്ച കാല്‍വെപ്പ് നടത്താന്‍ കമ്പനിക്ക് ഇനിയും കഴിഞ്ഞിട്ടില്ലെന്ന് തോന്നുന്നു. 2017 ലാണ് ലെക്‌സസ് ഇന്ത്യന്‍ വിപണിയില്‍ പ്രവേശിച്ചത്. നിലവില്‍ എന്‍എക്‌സ് 300എച്ച്, ആര്‍എക്‌സ് 450എച്ച്എല്‍, ഇഎസ് 300എച്ച്, എല്‍എസ് 500എച്ച്, എല്‍സി 500എച്ച് എന്നീ മോഡലുകള്‍ ഇന്ത്യയില്‍ വില്‍ക്കുന്നു. ഇവയില്‍ ഏറ്റവും താങ്ങാവുന്ന മോഡല്‍ 56.55 ലക്ഷം രൂപ മുതല്‍ എക്‌സ് ഷോറൂം വിലയുള്ള ഇഎസ് 300എച്ച് ആഡംബര സെഡാനാണ്. ലെക്‌സസ് എല്‍സി 500എച്ച് 2 ഡോര്‍ കൂപ്പെയാണ് ഏറ്റവും വിലപ്പിടിപ്പുള്ളവന്‍. 2.09 കോടി രൂപ മുതലാണ് എക്‌സ് ഷോറൂം വില.

  ടൂറിസ്റ്റ് കാരവനുകള്‍ക്കും പാര്‍ക്കുകള്‍ക്കും അഞ്ചുകോടി രൂപവരെ വായ്പയുമായി കെഎസ്ഐഡിസി

ഭാവിയിലെ ഇലക്ട്രിക് മോഡലുകളില്‍ ഡയറക്റ്റ് 4, സ്റ്റിയര്‍ ബൈ വയര്‍ സംവിധാനങ്ങള്‍ നല്‍കുമെന്ന് ലെക്‌സസ് അറിയിച്ചു. ടോര്‍ക്ക് വെക്ടറിംഗ് സഹിതം 4 വീല്‍ ഡ്രൈവ് സിസ്റ്റത്തിന് ലെക്‌സസ് നല്‍കിയ പേരാണ് ഡയറക്റ്റ് 4. നിലവിലേതിനേക്കാള്‍ മികച്ച ഹാന്‍ഡ്‌ലിംഗ്, കൂടുതല്‍ റെസ്‌പോണ്‍സീവ് റൈഡ് എന്നിവ ലഭിക്കുന്നതായിരിക്കും ഈ രണ്ട് ഫീച്ചറുകളെന്ന് ലെക്‌സസ് പ്രസ്താവിച്ചു.

Maintained By : Studio3