December 4, 2021

Future Kerala

Future Kerala : Daily On Business , Economy and Society | Latest Malayalam News | FK Special | Kerala | India | Politics | Sports | Movie | Lifestyle | E Paper | Malayalam News | Breaking News | Kerala News

ഹോങ്കോംഗില്‍ അറസ്റ്റിലായവര്‍ പതിനായിരത്തിനുമുകളില്‍

കഴിഞ്ഞ ഇരുപത് മാസത്തിനുള്ളിലെ കണക്കാണിത്. നിരവധിപേര്‍ശിക്ഷിക്കപ്പെട്ടു. ബാക്കിയുള്ളവര്‍ വിധികാത്തുകഴിയുന്നു. കുറ്റം പിന്‍വലിക്കപ്പെട്ടത് 50പേര്‍ക്കെതിരെ മാത്രം

ഹോങ്കോംഗ്: കഴിഞ്ഞ 20 മാസത്തിനിടെ സര്‍ക്കാര്‍ വിരുദ്ധ പ്രക്ഷോഭവുമായി ബന്ധപ്പെട്ട് 10,200 ഓളം പേരെ ഹോങ്കോംഗ് പോലീസ് അറസ്റ്റ് ചെയ്തതായി റിപ്പോര്‍ട്ട്.600 ഓളം പേര്‍ ഇതിനകം ശിക്ഷിക്കപ്പെട്ടുവെന്ന് സൗത്ത് ചൈന മോണിംഗ് പോസ്റ്റ് റിപ്പോര്‍ട്ട് ചെയ്യുന്നു. ഈ കാലയളവില്‍, സാമൂഹ്യ അസ്വസ്ഥതകളില്‍ പങ്കുണ്ടെന്ന് സംശയിക്കുന്ന 26 ജീവനക്കാരെ അറസ്റ്റ് ചെയ്യുകയോ കുറ്റം ചുമത്തുകയോ ചെയ്തിട്ടുമുണ്ട്. ജസ്റ്റിസ് ഡിപ്പാര്‍ട്ട്മെന്‍റ്, സിവില്‍ സര്‍വീസ് ബ്യൂറോ, കോണ്‍സ്റ്റിറ്റ്യൂഷണല്‍ ആന്‍റ് മെയിന്‍ ലാന്‍റ് അഫയേഴ്സ് ബ്യൂറോ എന്നിവ നിയമസഭാംഗങ്ങള്‍ക്ക് നല്‍കിയ രേഖകളിലാണ് കണക്കുകള്‍ വെളിപ്പെടുത്തിയത്.

അറസ്റ്റിലായ 10,242 പേരില്‍ കലാപക്കുറ്റം ചുമത്തപ്പെട്ട 720 പേര്‍ഉള്‍പ്പെടെ 2,521 പേര്‍ ജുഡീഷ്യല്‍ നടപടികള്‍ക്ക് വിധേയരായിരുന്നു. നിയമവിരുദ്ധമായ കൂട്ടംചേരല്‍, തീവെയ്പ്, ദേശീയ പതാക തടയല്‍, ആക്രമണായുധം കൈവശം വയ്ക്കുക, പോലീസ് ഉദ്യോഗസ്ഥരെ ആക്രമിക്കുക, എക്സ്പ്രസ് ഹൈവേയില്‍ വാഹനം തടയുക തുടങ്ങിയ കുറ്റങ്ങളാണ് ബാക്കിയുള്ളവര്‍ക്കെതിരെ ചുമത്തിയിരിക്കുന്നത്.

“ജുഡീഷ്യല്‍ നടപടികള്‍ക്ക് വിധേയരായ അല്ലെങ്കില്‍ അറസ്റ്റിലായ 2,521 പേരില്‍ 883 പേര്‍ക്ക് നിയമപരമായ പ്രത്യാഘാതങ്ങള്‍ നേരിടേണ്ടിവരുന്നു – ഇതില്‍ 614 പേര്‍ ശിക്ഷിക്കപ്പെട്ടു, 261 പേര്‍ തടവിലാണ്.നാലുപേരെ കോടതി അവഹേളനത്തിന് സിവില്‍ നടപടികളില്‍ ശിക്ഷിക്കുന്നു, “നീതിന്യായ വകുപ്പ് പറഞ്ഞു. 50 പേര്‍ക്കെതിരായ കുറ്റങ്ങള്‍ പിന്‍വലിക്കുകയും 186 പേരെ വിചാരണയ്ക്ക് ശേഷം കുറ്റവിമുക്തരാക്കുകയും ചെയ്തു. ബാക്കിയുള്ളവര്‍ ജുഡീഷ്യല്‍ നടപടികളിലാണ്.

സിവില്‍ സര്‍വീസ് ബ്യൂറോയുടെ കണക്കനുസരിച്ച്, നഗരത്തിലെ 170,000 സിവില്‍ സര്‍വീസുകാരില്‍ 26 പേര്‍ക്കെതിരെ അന്വേഷണം ഉണ്ടാകുകയോ കുറ്റം ചുമത്തുകയോ ചെയ്തു. അതേസമയം ‘സിവില്‍ സര്‍വീസ് റെഗുലേഷന്‍സ് പ്രകാരം എട്ട് പ്രൊബേഷണര്‍മാര്‍ സേവനം അവസാനിപ്പിച്ചു. കുറ്റവാളികളെ കൈമാറുന്നതുസംബന്ധിച്ച ബില്‍ അവതരിപ്പിച്ചതാണ് ഹോങ്കോംഗില്‍ കലാപം പൊട്ടിപ്പുറപ്പെടാന്‍ കാരണമായത്.

ഹോങ്കോംഗില്‍ ചൈനീസ് സ്വാധീനം വര്‍ദ്ധിക്കുന്നതിന്‍റെ ഉദാഹരണമായി ബില്‍ കണക്കാക്കപ്പെട്ടു. പിന്നീട് വലിയ വിദ്യാര്‍ത്ഥ്ി പ്രക്ഷോഭമായി ഇതുമാറി.ബില്ലിനോടുള്ള എതിര്‍പ്പ് വ്യാപകവും പലപ്പോഴും അക്രമപരവുമായ ആഭ്യന്തര അസ്വസ്ഥതകളിലേക്ക് രൂപാന്തരപ്പെട്ടു.പ്രക്ഷോഭത്തിനെ ആഗോളശക്തികള്‍ പിന്തുണ പ്രഖ്യാപിക്കുകയും ചെയ്തു. ചൈനയുടെ അഭിമാനത്തെ ചോദ്യം ചെയ്യുന്ന ഒന്നായി കലാപം മാറി. ഇത് ഒടുവില്‍ ബെയ്ജിംഗിന് ദേശീയ സുരക്ഷാ നിയമം ഏര്‍പ്പെടുത്താന്‍ കാരണമായി.

Maintained By : Studio3