December 8, 2021

Future Kerala

Future Kerala : Daily On Business , Economy and Society | Latest Malayalam News | FK Special | Kerala | India | Politics | Sports | Movie | Lifestyle | E Paper | Malayalam News | Breaking News | Kerala News

വിദ്യാര്‍ത്ഥിക്കെതിരെ ഫോണില്‍ തട്ടിക്കയറിയ സംഭവം മുകേഷിനെതിരെ യുത്ത് കോണ്‍ഗ്രസ് പരാതി നല്‍കി

തിരുവനന്തപുരം: സഹായം ചോദിച്ച് വിളിച്ച പത്താംക്ലാസ് വിദ്യാര്‍ത്ഥിയോട് തട്ടിക്കയറിയതിനെത്തുടര്‍ന്ന് ചലച്ചിത്രതാരവും സിപിഎം നിയമസഭാംഗവുമായ മുകേഷിനെതിരെ കേരളത്തിലെ യൂത്ത് കോണ്‍ഗ്രസ് ദേശീയ ബാലാവകാശ സംരക്ഷണ കമ്മീഷന് പരാതി നല്‍കി. കോണ്‍ഗ്രസ് നേതാവ് ജെ.എസ്.അഖിലാണ് പരാതി നല്‍കിയ കാര്യം വെളിപ്പെടുത്തിയത്. പാലക്കാട് സ്വദേശിയായ പത്താം ക്ലാസ് വിദ്യാര്‍ത്ഥിയാണ് കൊല്ലത്തില്‍ നിന്നുള്ള നിയമസഭാംഗമായ മുകേഷിന് ഫോണ്‍ ചെയ്തത്. ഞായറാഴ്ച തുടര്‍ച്ചയായി വന്ന കോളുകള്‍ മുകേഷ് ഒഴിവാക്കിയിരുന്നു.പിന്നീട് ഫോണെടുത്ത എംഎല്‍എ കുട്ടിയ ശകാരിച്ചു. താന്‍ പാലക്കാടുനിന്നാണെന്നും പത്താം ക്ലാസ് വിദ്യാര്‍ത്ഥിയാണെന്നും കുട്ടി പറഞ്ഞപ്പോള്‍, എംഎല്‍എ പ്രകോപിതനായി അധിക്ഷേപകരവും വൃത്തികെട്ടതുമായ ഭാഷ ഉപയോഗിക്കുകയും കോള്‍ ചെയ്തതിന് ഭീഷണിപ്പെടുത്തുകയും ചെയ്തതായി പരാതിയില്‍ പറയുന്നു.

പിന്നീട് ഈ ഫോണ്‍ സംഭാഷണം സോഷ്യല്‍ മീഡിയയില്‍ വൈറലായി. അതില്‍ ഒരു പ്രധാന കാര്യം പറയാന്‍ ആഗ്രഹിക്കുന്നുവെന്ന് ആണ്‍കുട്ടി ആവര്‍ത്തിച്ചു പറയുന്നു, നടന് ദേഷ്യം വന്നു. തുടര്‍ന്ന് കുട്ടി കോളിന് ക്ഷമ ചോദിക്കുകയും വിച്ഛേദിക്കുകയും ചെയ്തു.പ്രശ്നം ഉയര്‍ത്തിക്കാട്ടുന്നതോടെ, താന്‍ ഒരു സുപ്രധാന മീറ്റിംഗിനിടയിലാണെന്ന് മുകേഷ് പറഞ്ഞിരുന്നു.

‘ഞാന്‍ രണ്ടാം തവണ കൊല്ലം നിയോജകമണ്ഡലത്തില്‍ നിന്ന് വിജയിച്ചതുമുതല്‍, എന്തുകൊണ്ടാണ് ട്രെയിനുകള്‍ വൈകുന്നത്, എന്നതുപോലുള്ള നിസ്സാരമായ പരാതികളുമായി എനിക്ക് ഇത്രയധികം കോളുകള്‍ ലഭിക്കുന്നത് എന്തുകൊണ്ടാണെന്ന് അറിയില്ല. ഈ കോളുകള്‍ക്ക് പിന്നില്‍ ഒരു ഗൂഢാലോചനയുണ്ടെന്ന് ഞാന്‍ സംശയിക്കുന്നു. ആരാണ് ഇത് ചെയ്യുന്നതെന്ന് കണ്ടെത്താന്‍ പരാതിയുമായി പോലീസിനെ സമീപിക്കും. ഇത് രാഷ്ട്രീയമല്ലാതെ മറ്റൊന്നുമല്ലെന്ന് എനിക്ക് ഉറപ്പുണ്ട്,’മുകേഷ് പറഞ്ഞു. തുടര്‍ന്ന് തിങ്കളാഴ്ച രാവിലെ കെ.എസ്.യു പ്രവര്‍ത്തരകര്‍ കൊല്ലത്തെ മുകേഷിന്‍റെ ഓഫീസിലേക്ക് പ്രതിഷേധ മാര്‍ച്ച് നടത്തിയിരുന്നു.

അതേസമയം വിഷയം രാഷ്ട്രീയമായി മാറുന്നതു കണ്ടപ്പോള്‍ തന്‍റെ സുഹൃത്തിന് വേണ്ടി നടന്‍റെ സഹായം തേടാനാണ് ഫോണ്‍ ചെയ്തതെന്ന് വിദ്യാര്‍ത്ഥി പറഞ്ഞു.മുകേഷ് ഒരു സിനിമാ താരമായതിനാല്‍ ആണ് ഫോണ്‍ സംഭാഷണം റെക്കോര്‍ഡ്ചെയ്തതെന്നും വിദ്യാര്‍ത്ഥി അറിയിച്ചു.

Maintained By : Studio3