Future Kerala

Future Kerala : Daily On Business , Economy and Society | Latest Malayalam News | FK Special | Kerala | India | Politics | Sports | Movie | Lifestyle | E Paper | Malayalam News | Breaking News | Kerala News

കോ-വിന്‍ ഡാറ്റ ചോര്‍ന്നിട്ടില്ലെന്ന് കേന്ദ്ര സര്‍ക്കാര്‍

1 min read

കോ-വിന്‍ പോര്‍ട്ടലില്‍ രജിസ്റ്റര്‍ ചെയ്തിട്ടുള്ള 150 ദശലക്ഷം ഉപയോക്താക്കളെ ബാധിക്കുന്ന ഒരു ഡാറ്റ ചോര്‍ച്ചയെക്കുറിച്ച് അടുത്തിടെ റിപ്പോര്‍ട്ടുകള്‍ പുറത്തുവന്നിരുന്നു

ന്യൂഡെല്‍ഹി: സര്‍ക്കാറിന്‍റെ കോവിഡ് -19 വാക്സിന്‍ രജിസ്ട്രേഷന്‍ പോര്‍ട്ടലായ കോ-വിനില്‍ നിന്ന് ഡാറ്റാ ചോര്‍ച്ചയുണ്ടായെന്ന റിപ്പോര്‍ട്ടുകള്‍ എംപവര്‍ഡ് ഗ്രൂപ്പ് ഓണ്‍ വാക്സിന്‍ അഡ്മിനിസ്ട്രേഷന്‍ (ഇജിവിഎസി) ചെയര്‍മാന്‍ ആര്‍ എസ് ശര്‍മ നിരസിച്ചു.കോ-വിന്‍ സിസ്റ്റം ഹാക്കിംഗ്, ഡാറ്റാ ലീക്ക് എന്നിവയുമായി ബന്ധപ്പെട്ട ഡാര്‍ക്ക് വെബിലെ ഹാക്കര്‍മാരുടെ അവകാശവാദങ്ങള്‍ അടിസ്ഥാനരഹിതമാണ്.

കോ-വിന്‍ ഉപയോഗിച്ച ജനങ്ങളുടെ ഡാറ്റ സുരക്ഷിതമാണെന്ന് ഉറപ്പാക്കാന്‍ സമയാസമയങ്ങളില്‍ ആവശ്യമായ നടപടികള്‍ കെക്കൊണ്ടിട്ടുണ്ടെന്ന് ശര്‍മ പറഞ്ഞു.
കോ-വിന്‍ പോര്‍ട്ടലില്‍ രജിസ്റ്റര്‍ ചെയ്തിട്ടുള്ള 150 ദശലക്ഷം ഉപയോക്താക്കളെ ബാധിക്കുന്ന ഒരു ഡാറ്റ ചോര്‍ച്ചയെക്കുറിച്ച് അടുത്തിടെ റിപ്പോര്‍ട്ടുകള്‍ പുറത്തുവന്നിരുന്നു. ഡാറ്റാ ചോര്‍ച്ച സംബന്ധിച്ച റിപ്പോര്‍ട്ട് വ്യാജമാണെന്ന് കരുതുന്നുവെങ്കിലും ഇക്കാര്യം അന്വേഷിക്കുമെന്ന് സര്‍ക്കാര്‍ വ്യക്തമാക്കിയിരുന്നു.

  ജാവ യെസ്ഡി സ്റ്റെല്‍ത്ത് ഡ്യുവല്‍-ടോണ്‍ പെറാക്

തെളിവുകള്‍ ഇല്ലാതെ ഇടയ്ക്കിടെ ഡാറ്റാ ചോര്‍ച്ച സംബന്ധിച്ച പരസ്യങ്ങള്‍ ഡാര്‍ക്ക് വെബ്ബില്‍ പ്രത്യക്ഷപ്പെടുന്നതിനാല്‍ ഇത് വ്യാജമാകാനാണ് സാധ്യതയെന്ന് സുരക്ഷാ ഗവേഷകരും ചൂണ്ടിക്കാണിക്കുന്നു. സാധാരണയായി ഹാക്ക് ചെയ്ത ഡാറ്റയുടെ സാംപിളുകള്‍ സൗജന്യമായി നല്‍കിയാണ് വില്‍പ്പന നടക്കാറുള്ളത്. എന്നാല്‍ കോ-വിന്‍ ഡാറ്റയ്ക്ക് ബിറ്റ്കോയിന്‍ മാര്‍ഗത്തിലൂടെ 180 ഡോളര്‍ വേണമെന്നാണ് ആവശ്യപ്പെട്ടിട്ടുള്ളത്. ഇത് തട്ടിപ്പാകാനുള്ള സാധ്യതയാണ് കാണിക്കുന്നതെന്ന് ഈ രംഗത്തെ വിദഗ്ധര്‍ വിലയിരുത്തുന്നു.

വാക്സിനുകളുടെ ലഭ്യത പരിശോധിക്കുന്നതിനും വാക്സിനേഷനായി സ്ളോട്ടുകള്‍ ബുക്ക് ചെയ്യുന്നതിനും രാജ്യവ്യാപകമായി ഉപയോഗിക്കപ്പെടുന്ന പ്ലാറ്റ്ഫോമാണ് കോ-വിന്‍.

  360 കോടി രൂപ സമാഹരിക്കാന്‍ മുത്തൂറ്റ് ഫിന്‍കോര്‍പ്പ്
Maintained By : Studio3