ഐസിഐസിഐ പ്രു ഐപ്രൊട്ടക്റ്റ് സ്മാർട്ട് പ്ലസ്
കൊച്ചി: ഭവന വായ്പ, കുട്ടികളുടെ വിദ്യാഭ്യാസം, ബിസിനസ് വായ്പ തുടങ്ങിയ ഹ്രസ്വകാല സാമ്പത്തിക ബാധ്യതകളുള്ളവർക്കായി ഐസിഐസിഐ പ്രുഡൻഷ്യൽ ലൈഫ് ഇൻഷുറൻസ് ഐസിഐസിഐ പ്രു ഐപ്രൊട്ടക്റ്റ് സ്മാർട്ട് പ്ലസിൽ 10 വർഷത്തെ ലൈഫ് കവർ ഓപ്ഷൻ അവതരിപ്പിച്ചു. കുറഞ്ഞ പ്രീമിയത്തിൽ ഉയർന്ന ലൈഫ് കവർ ലഭ്യമാക്കുന്ന ഈ പ്ലാനിൽ 67,100 രൂപ വരെ മൂല്യമുള്ള കോംപ്ലിമെന്ററി ഹെൽത്ത് ആൻഡ് വെൽനസ് സേവനങ്ങൾ, മൂന്ന് ലക്ഷം രൂപ വരെ തൽക്ഷണ ക്ലെയിം പേഔട്ട്, രോഗനിർണയത്തിൽ 100% പേഔട്ട് എന്നിവ ലഭിക്കും. കമ്പനിയുടെ ക്ലെയിം സെറ്റിൽമെന്റ് അനുപാതം 99.3 ശതമാനമാണ്. 2027 സാമ്പത്തിക വർഷത്തിന്റെ ആദ്യ പാദത്തിൽ ശരാശരി ഒരു ദിവസത്തിനുള്ളിൽ ക്ലെയിമുകൾ തീർപ്പാക്കിയതായും കമ്പനി അറിയിച്ചു. 1,306 കോടി രൂപയുടെ ഡെത്ത് ക്ലെയിമുകളും 3,360 കോടി രൂപയുടെ മെച്ചൂരിറ്റി സർവൈവൽ ആനുകൂല്യങ്ങളും 2027 സാമ്പത്തിക വർഷത്തിന്റെ ആദ്യ പാദത്തിൽ വിതരണം ചെയ്തു. 2026 സാമ്പത്തിക വർഷത്തിൽ 5,149 കോടി രൂപയുടെ ഡെത്ത് ക്ലെയിമുകളും 15,363 കോടി രൂപയുടെ മെച്ചൂരിറ്റി സർവൈവൽ ആനുകൂല്യങ്ങളും നൽകിയതായും കമ്പനി വ്യക്തമാക്കി.
