യുഎസ്-ഇന്ത്യ ബിസിനസ് കൗൺസിലിന്‍റെ പുതിയ വൈസ് ചെയറായി കിരൺ മസുദാർ-ഷാ
1 min read
യുഎസ്-ഇന്ത്യ ബിസിനസ് കൗൺസിലിന്‍റെ (യുഎസ്ഐബിസി) 2021 ലെ ബോർഡിന്‍റെ പുതിയ വൈസ് ചെയർപെഴ്സണായി കിരൺ മസുദാർ-ഷായെ തെരഞ്ഞെടുത്തു. ബയോകോൺ ചെയർപേഴ്‌സണാണ് അവര്‍. “യുഎസ്-ഇന്ത്യ ബിസിനസ് കൗൺസിലിന്‍റെ ഡയറക്ടർ ബോർഡിന്‍റെ മൂന്ന് വൈസ് ചെയർമാരിൽ ഒരാളായിരിക്കും കിരൺ മസുദാർ-ഷാ, ”യുഎസ്ഐബിസി ചെയർമാൻ വിജയ് അദ്വാനി പ്രസ്താവനയിൽ പറഞ്ഞു.
ആംവേ ചീഫ് എക്സിക്യൂട്ടീവ് മിലിന്ദ് പന്ത്, നാസ്ഡാക്ക് എക്സിക്യൂട്ടീവ് എഡ്വേർഡ് നൈറ്റ് എന്നിവരാണ് മറ്റ് രണ്ട് വൈസ് ചെയർ പദവികളിലുള്ളത്. “ കൊറോണയ്ക്ക് ശേഷമുള്ള കാലഘട്ടത്തിലെ മുന്നോട്ട് പോകലില്‍ പുതിയ വൈസ് ചെയർകളുടെ കാഴ്ചപ്പാടുകൾ വിലമതിക്കാനാവാത്തതാണ്. യുഎസ്-ഇന്ത്യ പങ്കാളിത്തം കൂടുതൽ ശക്തമാക്കുന്നതിനും ബോര്‍ഡ് പരിശ്രമിക്കും” അദ്വാനി പറഞ്ഞു.
വൈസ് ചെയർ പദവിയിലുള്ളവര്‍ കൗൺസിൽ പ്രസിഡന്‍റ് നിഷ ബിശ്വാളുമായും മറ്റ് നയകര്‍ത്താക്കളുമായും ചേർന്ന് പ്രധാന മേഖലകളിലെ മുൻഗണനകൾ കണ്ടെത്തുന്നതിനും വ്യാവസായിക ലോകവും സര്‍ക്കാരുകളും തമ്മിലുള്ള മീറ്റിംഗുകൾക്കും നേതൃത്വം നൽകും.
