Future Kerala

Future Kerala : Daily On Business , Economy and Society | Latest Malayalam News | FK Special | Kerala | India | Politics | Sports | Movie | Lifestyle | E Paper | Malayalam News | Breaking News | Kerala News

വേദാന്ത പ്ലാന്‍റിന്‍റെ പ്രവര്‍ത്തനം താല്‍ക്കാലികമെന്ന് സ്റ്റാലിന്‍

1 min read

ചെന്നൈ: തൂത്തുക്കുടിയിലെ വേദാന്ത ലിമിറ്റഡിന്‍റെ സ്റ്റെര്‍ലൈറ്റ് പ്ലാന്‍റിന്‍റെ പ്രവര്‍ത്തനം അനുവദിക്കാനുള്ള തമിഴ്നാട് സര്‍ക്കാര്‍ തീരുമാനം താല്‍ക്കാലികം മാത്രമാണെന്ന് ഡിഎംകെ പ്രസിഡന്‍റ് എം.കെ. സ്റ്റാലിന്‍ പറഞ്ഞു. ഡിഎംകെ അധികാരത്തില്‍ വന്നുകഴിഞ്ഞാല്‍ വേദാന്തയെ വീണ്ടും തുറക്കാന്‍ അനുവദിക്കില്ലെന്ന് ഒരു ഫേസ്ബുക്ക് പോസ്റ്റില്‍ സ്റ്റാലിന്‍ വ്യക്തമാക്കി.

തമിഴ്നാട് മുഖ്യമന്ത്രി കെ പളനിസ്വാമിയുടെ അധ്യക്ഷതയില്‍ ചേര്‍ന്ന എല്ലാ അംഗീകൃത രാഷ്ട്രീയ പാര്‍ട്ടികളുടെയും യോഗത്തിലാണ് തൂത്തുക്കുടിയിലെ വിവാദ ഫാക്ടറി പ്രവര്‍ത്തിക്കാന്‍ അനുമതി നല്‍കിയത്. നാല് മാസത്തേക്ക് ഓക്സിജന്‍ ഉല്‍പ്പാദിപ്പിക്കുന്നതിനുവേണ്ടിയാണിത്.സുപ്രീം കോടതി തമിഴ്നാട് സര്‍ക്കാരിനോട് ആവശ്യപ്പെട്ടതിനെ തുടര്‍ന്നാണ് സര്‍വകക്ഷിയോഗം വിളിച്ചത്. രണ്ട് ഡിഎംകെ പാര്‍ലമെന്‍റ് അംഗങ്ങള്‍ – കനിമൊഴി, ആര്‍.എസ്. ഭാരതി- യോഗത്തില്‍ പാര്‍ട്ടിയെ പ്രതിനിധീകരിച്ചു.

  തദ്ദേശസ്വയംഭരണ സ്ഥാപനങ്ങളുടെ സേവനങ്ങളെല്ലാം ജനങ്ങൾക്ക് മൊബൈൽ ആപ്പിലൂടെ ലഭ്യമാക്കും

പോലീസ് വെടിവയ്പില്‍ 13 പേര്‍ കൊല്ലപ്പെടാന്‍ കാരണമായ അക്രമാസക്തമായ പ്രതിഷേധത്തെ തുടര്‍ന്ന് 2018 ല്‍ വേദാന്തത്തിന്‍റെ ചെമ്പ് സ്മെല്‍ട്ടര്‍ പ്ലാന്‍റ് അടച്ചുപൂട്ടാന്‍ തമിഴ്നാട് സര്‍ക്കാര്‍ ഉത്തരവിട്ടിരുന്നു. മലിനീകരണത്തെത്തുടര്‍ന്നാണ് ജനങ്ങള്‍ പ്രതിഷേധിച്ചത്.

Maintained By : Studio3