Future Kerala

Future Kerala : Daily On Business , Economy and Society | Latest Malayalam News | FK Special | Kerala | India | Politics | Sports | Movie | Lifestyle | E Paper | Malayalam News | Breaking News | Kerala News

പകുതിയിലധികം ജനങ്ങൾക്ക് വാക്സിൻ ലഭ്യമാക്കാൻ യുഎഇ പദ്ധതി

1 min read

ദുബായ് ജനസംഖ്യയുടെ പകുതിയിലധികം ആളുകൾക്ക് കൊറോണ വൈറസിനെതിരായ പ്രതിരോധ വാക്സിൻ ലഭ്യമാക്കാൻ യുഎഇ പദ്ധതി. വാക്സിൻ കുത്തിവെപ്പിൽ ഇസ്രയേലിന് ശേഷം ലോകത്ത് രണ്ടാംസ്ഥാനത്താണ് യുഎഇ. പ്രതിദിനം 180,000 ആളുകളാണ് രാജ്യത്ത് പ്രതിരോധ വാക്സിൻ സ്വീകരിക്കുന്നത്.

ഈ ആഴ്ച 1,167,251 പേർ യുഎഇയിൽ കൊറോണക്കെതിരായ വാക്സിൻ കുത്തിവെപ്പ് എടുത്തതായി ആരോഗ്യ മന്ത്രാലയം വ്യക്തമാക്കി. പകർച്ചവ്യാധിയിൽ നിന്നും രക്ഷപ്പെടുന്നതിനായി വാക്സിൻ സ്വീകരിക്കാൻ  തദ്ദേശീയരെയും പ്രവാസികളെയും പ്രോത്സാഹിപ്പിക്കുന്ന സമഗ്രമായ പ്രചാരണ പരിപാടികളാണ് ആരോഗ്യ വകുപ്പിന്റെ നേതൃത്വത്തിൽ രാജ്യത്ത് നടക്കുന്നത്. ചൈനയിലെ സിനോഫാമിന്റെയും ഫൈസർ-ബയോടെക്കിന്റെയും വാക്സിനുകളാണ് യുഎഇയിൽ ലഭ്യമാക്കിയിരിക്കുന്നത്. അതേസമയം റഷ്യയുടെ സ്പുട്നിക് വാക്സിന്റെ മൂന്നാംഘട്ട പരീക്ഷണം അബുദാബിയിൽ നടക്കുന്നുണ്ട്.

  പ്രതിരോധ മന്ത്രാലയം വികസിപ്പിച്ച 2-DGയെന്നകോവിഡ് മരുന്നിന്റെ പ്രവര്‍ത്തനം ഏങ്ങനെ?

കൊറോണക്കെതിരെ 86 ശതമാനം ഫലപ്രദമെന്ന് വിലയിരുത്തപ്പെടുന്ന സിനോഫാം വാക്സിൻ സൌജന്യമായാണ് യുഎഇ സർക്കാർ ജനങ്ങൾക്ക് ലഭ്യമാക്കുന്നത്. ഫൈസർ ബയോൺടെക്കിന്റെ വാക്സിൻ ലഭ്യമാക്കുന്ന അഞ്ച് കേന്ദ്രങ്ങൾ ആരോഗ്യ വകുപ്പ് ദുബായിൽ ആരംഭിച്ചിട്ടുണ്ട്. 95 ശതമാനം ഫലപ്രാപ്തി പറയപ്പെടുന്ന ഈ വാക്സിൻ പക്ഷേ വളരെ കുറഞ്ഞ താപനിലയിൽ വേണം സൂക്ഷിക്കാൻ.

Maintained By : Studio3