Future Kerala

Future Kerala : Daily On Business , Economy and Society | Latest Malayalam News | FK Special | Kerala | India | Politics | Sports | Movie | Lifestyle | E Paper | Malayalam News | Breaking News | Kerala News

ദശകോടി ഹരിത കിലോമീറ്ററുകള്‍ പിന്നിട്ട് ടാറ്റാ പവറിന്‍റെ ചാര്‍ജിങ് ശൃംഖല

1 min read

കൊച്ചി: ഇന്ത്യയിലെ ഏറ്റവും വലിയ സംയോജിത വൈദ്യുത കമ്പനികളിലൊന്നും വൈദ്യുത വാഹന ചാര്‍ജിങ് സേവന ദാതാക്കളുമായ ടാറ്റാ പവര്‍ പത്തു കോടി ഹരിത കിലോമീറ്ററുകള്‍ക്ക് ചാര്‍ജിങ് ലഭ്യമാക്കിയ ആദ്യ വൈദ്യുത വാഹന ചാര്‍ജിങ് സേവന ദാതാവെന്ന നേട്ടം കൈവരിച്ചു. ഇന്ത്യയിലെ പബ്ലിക്, സെമി-പബ്ലിക്, ബസ്/ഫ്ളീറ്റ്, ഭവന ചാര്‍ജിങ് മേഖലകളിലായാണ് ഈ നേട്ടം കൈവരിച്ചത്. ഈസി ചാര്‍ജ് എന്ന പേരിലുള്ള ടാറ്റാ പവറിന്‍റെ ശൃംഖല രാജ്യത്തെ 530 നഗരങ്ങളിലും പട്ടണങ്ങളിലുമായി 86,000 ത്തില്‍ അധികം ഭവന ചാര്‍ജറുകളും 5300 -ല്‍ ഏറെ പബ്ലിക്, സെമി പബ്ലിക്, ഫ്ളീറ്റ് ചാര്‍ജിങ് പോയിന്‍റുകളും 850-ല്‍ ഏറെ ബസ് ചാര്‍ജിങ് സ്റ്റേഷനുകളുമാണ് സ്ഥാപിച്ചിട്ടുള്ളത്. ദേശീയപാതകള്‍, ഹോട്ടലുകള്‍, മാളുകള്‍, ആശുപത്രികള്‍, ഓഫിസുകള്‍, ഭവന സമുച്ഛയങ്ങള്‍ എന്നിങ്ങനെ വൈവിധ്യമാര്‍ന്നതും സൗകര്യപ്രദമായതുമായ കേന്ദ്രങ്ങളിലാണു ഈ ചാർജിംഗ് പോയന്‍റുകള്‍ സ്ഥാപിച്ചിട്ടുള്ളത്. ഇന്ത്യയിലെ വൈദ്യുത വാഹന വില്‍പന 2030-ഓടെ ഒരു കോടിയിലെത്തുമെന്നാണ് കണക്കാക്കുന്നത്. വൈദ്യത വാഹനങ്ങള്‍ക്കും വൈദ്യുത ചാര്‍ജിങ് സംവിധാനങ്ങള്‍ക്കും ആവശ്യം വര്‍ധിക്കുന്ന സാഹചര്യത്തില്‍ ടാറ്റാ പവര്‍ ഉപഭോക്താക്കളെ കേന്ദ്രീകരിച്ചുള്ള ആര്‍എഫ്ഐഡി കാര്‍ഡ് പോലുള്ള സൗകര്യങ്ങള്‍ വഴി വയര്‍ലെസ് പെയ്മെന്‍റും ലഭ്യമാക്കുന്നുണ്ട്.

  വാഹന നിര്‍മാണത്തില്‍ പുതിയ നാഴികക്കല്ല് സൃഷ്ടിച്ച് ഫോക്സ്വാഗണ്‍ ഇന്ത്യ
Maintained By : Studio3