എക്സല്‍സോഫ്റ്റ് ടെക്നോളജീസ് ഐപിഒയ്ക്ക്
കൊച്ചി: പഠന, മൂല്യനിര്‍ണയ വിപണിയില്‍ ശ്രദ്ധകേന്ദ്രീകരിച്ചിരിക്കുന്ന മൈസൂര്‍ ആസ്ഥാനമായുള്ള ആഗോള വെര്‍ട്ടിക്കല്‍ സാസ് (എസ്എഎഎസ്) കമ്പനിയായ എക്സല്‍സോഫ്റ്റ് ടെക്നോളജീസ് ലിമിറ്റഡ് പ്രാഥമിക ഓഹരി വില്പനയ്ക്ക് (ഐപിഒ) അനുമതി തേടി സെബിയ്ക്ക് കരടു രേഖ (ഡിആര്‍എച്ച്പി) സമര്‍പ്പിച്ചു. ഐപിഒയിലൂടെ 700 കോടി രൂപ സമാഹരിക്കാനാണ് കമ്പനി ലക്ഷ്യമിടുന്നത്. 210 കോടിയുടെ പുതിയ ഇക്വിറ്റി ഓഹരികളും പ്രമോട്ടര്‍മാരുടെ 490 കോടി രൂപയുടെ ഇക്വിറ്റി ഓഹരികളുടെ ഓഫര്‍ ഫോര്‍ സെയിലുമാണ് ഐപിഒയില്‍ ഉള്‍പ്പെടുത്തിയിരിക്കുന്നത്. ഓഹരികള്‍ എന്എസ്ഇയിലും ബിഎസ്ഇയിലും ലിസ്റ്റ് ചെയ്യും. ആനന്ദ് രതി അഡ്വൈസേഴ്സ് ലിമിറ്റഡാണ് ഐപിഒയുടെ ബുക്ക് റണ്ണിങ് ലീഡ് മാനേജര്‍.
