Future Kerala

Future Kerala : Daily On Business , Economy and Society | Latest Malayalam News | FK Special | Kerala | India | Politics | Sports | Movie | Lifestyle | E Paper | Malayalam News | Breaking News | Kerala News

ഇന്ത്യാ റേറ്റിംഗ്സിന്‍റെ വിലയിരുത്തല്‍ – 2020-21ല്‍ ഇന്ത്യയിലെ ഭവന വില്‍പ്പന അളവ് 34% ഇടിവില്‍

1 min read

ഈ സാമ്പത്തിക വര്‍ഷത്തിന്‍റെ ആദ്യ ഒമ്പത് മാസങ്ങളില്‍ വിറ്റഴിച്ച ഫ്ലോര്‍ സ്പേസ് മുന്‍ വര്‍ഷം സമാന കാലയളവിനെ അപേക്ഷിച്ച് 41 ശതമാനം കുറഞ്ഞു

ന്യൂഡെല്‍ഹി: കോവിഡ് -19 മഹാമാരി കാരണം ഈ സാമ്പത്തിക വര്‍ഷത്തിലെ ഭവന വില്‍പ്പനയുടെ അളവ് 34 ശതമാനം കുറയാന്‍ സാധ്യതയുണ്ടെന്ന് ഇന്ത്യാ റേറ്റിംഗ്സ്& റിസര്‍ച്ചിന്‍റെ വിലയിരുത്തല്‍. നടപ്പു വര്‍ഷത്തെ കുറഞ്ഞ അടിത്തറയുടെ പശ്ചാത്തലത്തില്‍ 2021-22ല്‍ ആവശ്യകത ഉയര്‍ച്ച പ്രകടമാക്കുമെന്നും റിപ്പോര്‍ട്ട് വിലയിരുത്തുന്നു. അടുത്ത സാമ്പത്തിക വര്‍ഷത്തില്‍ റെസിഡന്‍ഷ്യല്‍ റിയല്‍ എസ്റ്റേറ്റ് മേഖല കെ (ഗ) ആകൃതിയിലുള്ള വീണ്ടെടുപ്പ് രേഖപ്പെടുത്തുമെന്ന് ഏജന്‍സി പ്രതീക്ഷിക്കുന്നു.

  ശക്തമായ തിരിച്ചുവരവ്; യുഎഇയിലെ കരീം 200 ജീവനക്കാരെ പുതിയതായി നിയമിച്ചു

അടുത്ത സാമ്പത്തിക വര്‍ഷത്തില്‍ മൊത്തം വിറ്റഴിക്കപ്പെടുന്ന സ്പെയ്സ് 30 ശതമാനം വാര്‍ഷിക വര്‍ധന പ്രകടമാക്കുമെന്നാണ് കരുതുന്നത്. എന്നാല്‍ 2019-20ലെ വില്‍പ്പനയുമായി താരതമ്യപ്പെടുത്തുമ്പോള്‍ 2021-22ലെ വില്‍പ്പനയും 14 ശതമാനം താഴെയാകുമെന്നാണ് റേറ്റിംഗ് ഏജന്‍സിയുടെ റിപ്പോര്‍ട്ടില്‍ പറയുന്നത്. ഇന്ത്യയില്‍ വിറ്റഴിക്കപ്പെട്ട മൊത്തം റെസിഡന്‍ഷ്യല്‍ ഫ്ലോര്‍ സ്ഥലം 2019-20ല്‍ 326 ദശലക്ഷം ചതുരശ്ര അടി ആയിരുന്നു.

ഈ സാമ്പത്തിക വര്‍ഷത്തിന്‍റെ ആദ്യ ഒമ്പത് മാസങ്ങളില്‍ വിറ്റഴിച്ച ഫ്ലോര്‍ സ്പേസ് മുന്‍ വര്‍ഷം സമാന കാലയളവിനെ അപേക്ഷിച്ച് 41 ശതമാനം കുറഞ്ഞു. അവസാന പാദത്തില്‍ ചില മെച്ചപ്പെടലുകള്‍ ഉണ്ടായിട്ടുണ്ട്. ഗ്രേഡ് 1 വിഭാഗത്തില്‍ വരുന്ന വലിയ റിയല്‍ എസ്റ്റേറ്റ് സ്ഥാപനങ്ങള്‍ക്ക് ഈ പ്രതിസന്ധിയെ മറികടക്കാന്‍ സാധിച്ചുവെന്ന് ഇന്ത്യ റേറ്റിംഗ്സ് വിലയിരുത്തുന്നു. ഈ സാമ്പത്തിക വര്‍ഷത്തിന്‍റെ ആദ്യ ഒമ്പത് മാസങ്ങളില്‍ അവരുടെ വിപണി വിഹിതം 15.6 ശതമാനത്തിലേക്ക് ഉയര്‍ന്നു. മഹാമാരി കാലത്തും വില്‍പ്പനയില്‍ 4.3 ശതമാനം വര്‍ധനവ് രേഖപ്പെടുത്താന്‍ ഈ കമ്പനികള്‍ക്കായി.

  2020ല്‍ ഇന്ത്യയിലെ സാമ്പത്തിക ആസ്തി 11% ഉയര്‍ന്ന് 3.4 ട്രില്യണ്‍ ഡോളറില്‍

മേഖലയുടെ മൊത്തം വീണ്ടെടുപ്പിലും ഗ്രേഡ് 1 കമ്പനികള്‍ ആധിപത്യം സ്ഥാപിക്കുമെന്ന് ഇന്ത്യാ റേറ്റിംഗ്സ് വിലയിരുത്തുന്നു. അടുത്ത സാമ്പത്തിക വര്‍ഷം 49 ശതമാനം വര്‍ധന ഈ കമ്പനികളുടെ മൊത്തം വില്‍പ്പനയില്‍ ഉണ്ടാകുമെന്നാണ് കണക്കാക്കുന്നത്. ഭവനവായ്പയുടെ പലിശനിരക്ക് കുറയ്ക്കുന്നത് അഫോഡബിള്‍ വിഭാഗത്തിലെ ഭവന വില്‍പ്പന മെച്ചപ്പെടുത്താന്‍ സഹായിക്കുമെന്നും റിപ്പോര്‍ട്ട് ചൂണ്ടിക്കാണിക്കുന്നു.

Maintained By : Studio3