കൽക്കരി മേഖലയിലെ ഗവേഷണത്തിനും വികസനത്തിനുമുള്ള നിർദ്ദേശങ്ങൾ കൽക്കരി മന്ത്രാലയം ക്ഷണിച്ചു

ന്യൂ ഡൽഹി: കൽക്കരി മന്ത്രാലയം അക്കാദമിക് സ്ഥാപനങ്ങളിൽ നിന്നും ഗവേഷണ സംഘടനകളിൽ നിന്നും ഗവേഷണ നിർദ്ദേശങ്ങൾ ക്ഷണിക്കുന്നു. കൽക്കരി മേഖലയിലെ ഗവേഷണത്തിനും വികസനത്തിനുമുള്ള ഊന്നൽ മേഖലകളിൽ ഇനിപ്പറയുന്നവ ഉൾപ്പെടുന്നു:

(i) ഭൂഗർഭ ഖനനം, ഓപ്പൺ കാസ്റ്റ് ഖനനം എന്നിവയിൽ നിന്നുള്ള ഉൽപ്പാദനവും ഉൽപ്പാദനക്ഷമതയും മെച്ചപ്പെടുത്തുന്നതിനുള്ള നൂതന സാങ്കേതികവിദ്യ/രീതിശാസ്ത്രം

(ii) സുരക്ഷ, ആരോഗ്യം, പരിസ്ഥിതി എന്നിവയുടെ മെച്ചപ്പെടുത്തൽ

(iii) പാഴ്വസ്തുക്കളിൽ നിന്ന് സമ്പത്ത്

(iv) കൽക്കരി, ശുദ്ധമായ കൽക്കരി സാങ്കേതികവിദ്യകളുടെ ബദൽ ഉപയോഗം

(v) കൽക്കരി ശുദ്ധീകരണവും ഉപയോഗവും

(vi) പര്യവേക്ഷണം

(vii) നവീകരണവും സ്വദേശിവത്കരണവും (മേക്ക്-ഇൻ-ഇന്ത്യ ആശയത്തിന് കീഴിൽ)

മാർഗ്ഗനിർദ്ദേശങ്ങളും ഫോർമാറ്റും ഓൺലൈനായി സമർപ്പിക്കാനുള്ള സൗകര്യവും വെബ്സൈറ്റിൽ ലഭ്യമാണ്: https://scienceandtech.cmpdi.co.in. നിർദ്ദേശം സമർപ്പിക്കേണ്ട അവസാന തീയതി 2023 ജൂലൈ 15 ആണ്. കൂടുതൽ വിവരങ്ങൾക്കും വ്യക്തതയ്ക്കും US(CCT), കൽക്കരി മന്ത്രാലയം അല്ലെങ്കിൽ GM(S&T), CMPDI(HQ),  എന്നിവരെ യഥാക്രമം hitlar.singh85[at]nic[dot]in എന്ന ഇമെയിലിലും gmsnt.cmpdi@coalindia.in എന്ന ഇമെയിലിലും ബന്ധപ്പെടാവുന്നതാണ്.