ഓട്ടോമാറ്റിക്സ് വാച്ച് കളക്ഷനുമായി ടൈറ്റൻ
കൊച്ചി: പുതിയ ഓട്ടോമാറ്റിക്സ് വാച്ചുകളുടെ ശേഖരം ടൈറ്റൻ വാച്ചസ് വിപണിയിലവതരിപ്പിച്ചു. മെക്കാനിക്കൽ വാച്ച് നിർമ്മാണത്തിന്റെ സൗന്ദര്യം ഉയർത്തിക്കാട്ടുന്നവയാണ് ഈ ശേഖരത്തിലെ വാച്ചുകള്. വാച്ചുകളുടെ സങ്കീർണ്ണമായ എഞ്ചിനീയറിംഗ് വൈദഗ്ദ്ധ്യം കാണാനാവുന്ന രീതിയിലുള്ള ആകർഷകമായ സ്കെലിറ്റൽ ഡയലുകളാണ് ശേഖരത്തിലെ ഓരോ വാച്ചിലും ഉള്ളത്. ഇന്റഗ്രേറ്റഡ് ബ്രേസ്ലെറ്റുകൾ മുതൽ ഡ്യുവൽ-ഫിനിഷ് സോളിഡ് ലിങ്ക് സ്ട്രാപ്പുകൾ വരെ, ഓരോ ഘടകവും വൈവിധ്യമാർന്ന വ്യക്തിത്വങ്ങളെ പ്രതിഫലിപ്പിക്കുന്നതിനായി രൂപകൽപ്പന ചെയ്തിരിക്കുന്നവയാണ്. 21 ജൂവൽ ബെയറിംഗുകൾ, മണിക്കൂറിൽ 21,600 ബീറ്റുകളുടെ വൈബ്രേഷൻ ഫ്രീക്വൻസി, 42 മണിക്കൂർ പവർ റിസർവ് തുടങ്ങിയ മികവുകളുള്ള ഈ വാച്ച് ശേഖരം, കൃത്യത, കരകൗശല വൈഭവം, പ്രകടനം എന്നിവയിൽ മുന്നിലാണ്. ടൈറ്റൻ ഓട്ടോമാറ്റിക്സ് വാച്ച് ശേഖരം നാല് വ്യത്യസ്ത വേരിയന്റുകളിൽ ലഭ്യമാണ്. ഓരോന്നും വ്യത്യസ്തമായ വ്യക്തിത്വങ്ങളെ പ്രതിഫലിപ്പിക്കുന്നതിനായി പ്രത്യേകം രൂപകൽപ്പന ചെയ്തിരിക്കുന്നവയാണ്. ഈ ശേഖരത്തിലെ ഏറ്റവും മികവാർന്നത് യിൻ യാങ് സ്കെലെറ്റൽ ഓട്ടോമാറ്റിക് വാച്ചാണ്. കലാപരമായ സന്തുലിതാവസ്ഥയോടെ രൂപകൽപ്പന ചെയ്തിരിക്കുന്ന ഈ വാച്ച് പ്രസ്-പാറ്റേൺ വിശദാംശങ്ങളുള്ള യിൻ-യാങ് സ്കെലെറ്റൽ ഡയൽ ഡിസൈൻ ഉൾക്കൊള്ളുന്നതാണ്. നേർത്ത സ്റ്റെയിൻലെസ് സ്റ്റീൽ, മനോഹരമായ റോസ് ഗോൾഡ് എന്നീ കോമ്പിനേഷനുകളിൽ ഈ വാച്ചുകള് ലഭ്യമാണ്. ഫീനിക്സ് പക്ഷിയിൽ നിന്ന് പ്രചോദനം ഉൾക്കൊണ്ടാണ് ഫീനിക്സ് സ്കെലിറ്റൽ ഓട്ടോമാറ്റിക് വാച്ച് നിർമ്മിച്ചിരിക്കുന്നത്. ഫീനിക്സ് പക്ഷിയുടെ ചിറകുകള്ക്ക് സമാനമായി രൂപകൽപ്പന ചെയ്ത ബോൾഡ് സ്കെലിറ്റൽ ഡയലുകളാണ് ഈ വാച്ചുകള്ക്കുള്ളത്. അത്യാധുനിക രൂപകൽപ്പനയോട് ചേർന്ന് പോകുന്ന ക്രൗണുമായെത്തുന്ന ഈ വാച്ചുകള് മോണോക്രോമാറ്റിക് എക്ലിപ്സ് ബ്ലാക്ക്, എംബർ റോസ് ഗോൾഡ് എന്നിങ്ങനെ രണ്ട് വേരിയന്റുകളിൽ ലഭ്യമാണ്. ക്സസ് സ്കെലിറ്റൽ ഓട്ടോമാറ്റിക് വാച്ചുകള് സമകാലിക സൗന്ദര്യശാസ്ത്രത്തെയും കാലാതീതമായ പ്രതീകാത്മകതയെയും സമന്വയിപ്പിക്കുന്നവയാണ്. കപ്പലിന്റെ ചുക്കാനിൽ നിന്ന് പ്രചോദനം ഉൾക്കൊണ്ട് നിർമ്മിച്ചിരിക്കുന്ന ഈ വാച്ചിന്റെ സ്കെലിറ്റൽ ഡയൽ ചലനത്തെയും പുരോഗതിയെയും പ്രതിനിധീകരിക്കുന്നു. കോഫി ബ്രൗൺ, ഗൺമെറ്റൽ, മിഡ്നൈറ്റ് ബ്ലൂ എന്നീ മൂന്ന് ഡയൽ ഷേഡുകളിൽ ഈ വാച്ചുകള് ലഭ്യമാണ്. സ്വർണം ഇഷ്ടപ്പെടുന്നവർക്കായി രൂപകൽപ്പന ചെയ്തിരിക്കുന്നവയാണ് ഗോൾഡൻ ഹാർട്ട് സ്കെലിറ്റൽ ഓട്ടോമാറ്റിക് വാച്ച്. ബൈ-മെറ്റൽ, ഫുൾ ഗോൾഡ് വേരിയന്റുകളിൽ ഇത് ലഭ്യമാണ്. അതിന്റെ സ്വർണം പൂശിയ സ്കെലിറ്റൽ ഡയലിൽ സൂക്ഷ്മമായ വിശദാംശങ്ങൾ ഉൾക്കൊള്ളിച്ചിരിക്കുന്നു. ടൈറ്റൻ വാച്ചസിന്റെ യാത്രയിലെ ഒരു സുപ്രധാന നാഴികക്കല്ലാണ് ടൈറ്റൻ ഓട്ടോമാറ്റിക്സ് ശേഖരമെന്നും നൂതനവും സങ്കീർണ്ണവുമായ ഹൊറോളജിയുടെയും സമകാലിക ശൈലിയുടെയും സമന്വയമാണ് ഈ വാച്ചുകളിലൂടെ അവതരിപ്പിക്കുന്നതെന്നും ടൈറ്റൻ വാച്ചസ് മാർക്കറ്റിംഗ് ഹെഡ് അപർണ രവി പറഞ്ഞു. സ്വന്തം വാച്ചിനെ ആത്മപ്രകാശനത്തിന്റെയും കരകൗശല വൈദഗ്ധ്യത്തിന്റെയും പ്രതിഫലനമായി കാണുന്നവരെ ലക്ഷ്യം വച്ചുളളവയാണ് ഈ വാച്ചുകളെന്നും അവർ പറഞ്ഞു. 17,995 മുതൽ 22,495 രൂപ വരെയാണ് ടൈറ്റൻ ഓട്ടോമാറ്റിക്സ് ശേഖരത്തിലെ വാച്ചുകളുടെ വില. എല്ലാ ടൈറ്റൻ സ്റ്റോറുകളിലും www.titan.co.in എന്ന വെബ്സൈറ്റിലും ലഭ്യമാണ്.
