ബിഎഫ്എസ്ഐ-യിലെ പ്രതിഭാ ആവശ്യകത ഡിസംബറില്‍ 5% വളര്‍ച്ച പ്രകടമാക്കി
ബിഎഫ്എസ്ഐ, ഐടി / ടെലികോം, റീട്ടെയിൽ എന്നീ മേഖലകൾ പ്രതിഭാ ആവശ്യകതയില്‍ പരമാവധി വളർച്ച കൈവരിച്ചതിനാൽ 2020 ഡിസംബറിൽ ഇന്ത്യന്‍ കമ്പനികള്‍ മെച്ചപ്പെട്ട നിയമന വികാരത്തിന് സാക്ഷ്യം വഹിച്ചുവെന്ന് റിപ്പോര്‍ട്ട്. ടാലന്റ് ഡിമാൻഡിൽ ഡിസംബറില്‍ ബിഎഫ്എസ്ഐ മേഖല 5 ശതമാനം വളർച്ച കൈവരിച്ചു. ഐടി / ടെലികോം തൊട്ടുപിന്നിലുണ്ടെന്നും ടൈംസ് ജോബ്സ് റിക്രൂട്ട്എക്സ് റിപ്പോര്‍ട്ട് വ്യക്തമാക്കുന്നു.
ഇന്ത്യന്‍ കമ്പനികളിലെ പ്രതിഭകളുടെ ആവശ്യവും വിതരണവും രേഖപ്പെടുത്തുന്ന പ്രതിമാസ റിക്രൂട്ട്‌മെന്റ് സൂചികയാണ് ടൈംസ്ജോബ്സ് റിക്രൂട്ട് എക്സ്.“2020 ഡിസംബറിലെ ടാലന്റ് ഡിമാൻഡ് റിപ്പോർട്ട് കാർഡ് അതിശയിപ്പിക്കുന്നതായിരുന്നു. ബിഎഫ്എസ്ഐ മേഖല, ബാങ്കുകൾ / ഇൻഷുറൻസ് തൊഴിൽ പ്രൊഫൈൽ എന്നിവ ശ്രദ്ധേയമായ വളർച്ച കൈവരിച്ചു; നവംബർ 20 ലെ നെഗറ്റീവ് ടാലന്റ് ഡിമാൻഡിൽ നിന്ന് ഡിസംബറില്‍ യഥാക്രമം 5%, 9% പ്രതിമാസ വളര്‍ച്ച രേഖപ്പെടുത്തി. നവംബറിലെ വളർച്ചാ പ്രവണതയ്ക്ക് സമാനമായി ഡിസംബറില്‍ ഐടി മേഖല 4 ശതമാനം വളർച്ച രേഖപ്പെടുത്തി, ”ടൈംസ് ജോബ്സ്, ടെക് ജിഗ് എന്നിവയുടെ ബിസിനസ് ഹെഡ് സഞ്ജയ് ഗോയൽ പറഞ്ഞു.
