January 18, 2022

Future Kerala

Future Kerala : Daily On Business , Economy and Society | Latest Malayalam News | FK Special | Kerala | India | Politics | Sports | Movie | Lifestyle | E Paper | Malayalam News | Breaking News | Kerala News

ആണവമിസൈല്‍ പരീക്ഷണവുമായി പാക്കിസ്ഥാന്‍

1 min read

ഇസ്ലാമബാദ്: ബാലിസ്റ്റിക് മിസൈല്‍ പരീക്ഷണവുമായി പാക്കിസ്ഥാന്‍. 290 കിലോമീറ്റര്‍ ദൂരപരിധിയില്‍ ആണവായുധങ്ങള്‍ വര്‍ഷിക്കാന്‍ ശേഷിയുള്ളതാണ് ഈ ഭൂതല-ഭൂതല മിസൈലെന്ന് പാക് സേനാവൃത്തങ്ങള്‍ അറിയിച്ചു. പരീക്ഷണം വിജയകരമായിരുന്നുവെന്നും പ്രസ്താവനയില്‍ പറയുന്നു.

‘ഗസ്‌നവി’ മിസൈലിന്റെ പരീക്ഷണ വിക്ഷേപണം ആര്‍മി സ്ട്രാറ്റജിക് ഫോഴ്സ് കമാന്‍ഡിന്റെ വാര്‍ഷിക ഫീല്‍ഡ് ട്രെയിനിംഗിന്റെ അവസാനമായിരുന്നുവെന്ന് വാര്‍ത്താ ഏജന്‍സികള്‍ കരസേനയുടെ മാധ്യമ വിഭാഗമായ ഇന്റര്‍ സര്‍വീസസ് പബ്ലിക് റിലേഷന്‍സ് ഉദ്ധരിച്ച് റിപ്പോര്‍ട്ടുചെയ്യുന്നു. വിക്ഷേപണം വിജയകരമാക്കിയ ശാസ്ത്രജ്ഞരെയും എഞ്ചിനീയര്‍മാരെയും പാക് പ്രസിഡന്റും പ്രധാനമന്ത്രി ഇമ്രാന്‍ ഖാനും, സേവന മേധാവികളും അഭിനന്ദിച്ചു.

  പ്രമേഹരോഗികളിലെ ഹൃദ്രോഗ സാധ്യത കുറയ്ക്കുന്നതിലേക്ക് വെളിച്ചം വീശുന്ന ഗവേഷണവുമായി ആര്‍ജിസിബി

പരീക്ഷണ വിക്ഷേപണത്തിന് സാക്ഷ്യം വഹിച്ച കമാന്‍ഡര്‍ ആര്‍മി സ്ട്രാറ്റജിക് ഫോഴ്സ് കമാന്‍ഡ് ലെഫ്റ്റനന്റ് ജനറല്‍ മുഹമ്മദ് അലി ആയുധ സംവിധാനം കൈകാര്യം ചെയ്യുന്നതിലും പ്രവര്‍ത്തിപ്പിക്കുന്നതിലും മികച്ച നിലവാരം പുലര്‍ത്തുന്നതിന് ടീമംഗങ്ങളെ അഭിനന്ദിച്ചു. 2,750 കിലോമീറ്റര്‍ ദൂരപരിധിയുള്ള ഷഹീന്‍ 3 മിസൈലിന്റെ പരീക്ഷണം പാക്കിസ്ഥാന്‍ കഴിഞ്ഞമാസം നടത്തിയിരുന്നു.

Maintained By : Studio3