സ്റ്റഡ്സ് ആക്സസറീസ് ഐപിഒ ഒക്ടോബര് 30 മുതല്
കൊച്ചി: സ്റ്റഡ്സ് ആക്സസറീസ് ലിമിറ്റഡിന്റെ പ്രാഥമിക ഓഹരി വില്പന (ഐപിഒ) 2025 ഒക്ടോബര് 30 മുതല് നവംബര് മൂന്ന് വരെ നടക്കും. പ്രമോട്ടര്മാരുടെയും നിലവിലുള്ള നിക്ഷേപകരുടെയും 7,786,120 ഇക്വിറ്റി ഓഹരികളുടെ ഓഫര് ഫോര് സെയിലാണ് ഐപിഒയില് ഉള്പ്പെടുത്തിയിരിക്കുന്നത്. അഞ്ച് രൂപ മുഖവിലയുള്ള ഓഹരി ഒന്നിന് 557 മുതല് 585 രൂപവരെയാണ് വില നിശ്ചയിച്ചിരിക്കുന്നത്. കുറഞ്ഞത് 25 ഇക്വിറ്റി ഓഹരികള്ക്കും തുടര്ന്ന് 25ന്റെ ഗുണിതങ്ങള്ക്കും അപേക്ഷിക്കാം. ഓഹരികള് എന്എസ്ഇയിലും ബിഎസ്ഇയിലും ലിസ്റ്റ് ചെയ്യും. ഐഐഎഫ്എല് ക്യാപിറ്റല് സര്വീസസ് ലിമിറ്റഡ്, ഐസിഐസിഐ സെക്യൂരിറ്റീസ് ലിമിറ്റഡ് എന്നിവരാണ് ഐപിഒയുടെ ബുക്ക് റണ്ണിങ് ലീഡ് മാനേജര്മാര്.
