നരസിംഹ റാവു, ചൗധരി ചരൺ സിങ്, എം എസ് സ്വാമിനാഥൻ എന്നിവർക്ക് ഭാരതരത്ന പുരസ്കാരം
ഇന്ത്യയുടെ പരമോന്നത സിവിലിയൻ ബഹുമതിയായ ഭാരതരത്ന മൂന്നു പേർക്കു കൂടി. മുൻ പ്രധാനമന്ത്രിമാരായ പി വി നരസിംഹ റാവു, ചൗധരി ചരൺ സിങ്, കാർഷിക ശാസ്ത്രജ്ഞനും മലയാളിയുമായായ എം എസ് സ്വാമിനാഥൻ എന്നിവർക്കാണു ഭാരതരത്ന പുരസ്കാരം. പ്രധാനമന്ത്രിയാണ് ഈ വിവരം ഒരു സാമൂഹ്യമാധ്യമത്തിലൂടെ അറിയിച്ചത്. എൽ കെ അഡ്വാനി, കർപ്പൂരി ഠാക്കൂർ എന്നിവർക്ക് ഭാരതരത്ന പുരസ്കാരം നൽകാനുള്ള തീരുമാനം നേരത്തെ പ്രഖ്യാപിച്ചിരുന്നു.
