Future Kerala

Future Kerala : Daily On Business , Economy and Society | Latest Malayalam News | FK Special | Kerala | India | Politics | Sports | Movie | Lifestyle | E Paper | Malayalam News | Breaking News | Kerala News

മുഖ്യമന്ത്രിയുമായുള്ള ചര്‍ച്ചയില്‍ തിയറ്ററുകള്‍ തുറക്കാന്‍ ധാരണ

സംസ്ഥാനത്തെ തിയറ്ററുകള്‍ ഉടന്‍ തുറന്നു പ്രവര്‍ത്തിക്കാന്‍ ധാരണയായി. വിവിധ സിനിമാ സംഘടനകള്‍ മുഖ്യമന്ത്രി പിണറായി വിജയനുമായി ചര്‍ച്ച നടത്തിയതിന്‍റെ അടിസ്ഥാനത്തിലാണ് തീരുമാനം . ഫിലിം ചേംബര്‍, ഫിലിം പ്രൊഡ്യൂസേഴ്‌സ് അസോസിയേഷന്‍, ഡിസ്ട്രിബ്യൂട്ടേഴ്‌സ് അസോസിയേഷന്‍, തിയറ്റര്‍ ഉടമകളുടെ സംഘടനയായ ഫിയോക് എന്നിവയാണ് ചര്‍ച്ചയില്‍ പങ്കെടുത്തത്.

തിയറ്ററുകള്‍ തുറക്കുന്ന തീയതി ഇന്ന് കൊച്ചിയില്‍ യോഗം ചേര്‍ന്ന് പ്രഖ്യാപിക്കുമെന്ന് സംഘടനാ പ്രതിനിധികള്‍ അറിയിച്ചു. ജനുവരി 5 മുതല്‍ തിയറ്ററുകള്‍ തുറക്കാമെന്ന് സര്‍ക്കാര്‍ പ്രഖ്യാപിച്ചിരുന്നു എങ്കിലും കോവിഡ് 19 ലോക്ക്ഡൌണ്‍ മുതല്‍ അടച്ചിട്ടിരുന്ന കാലത്തെ നഷ്ടങ്ങള്‍ കൂടി കണക്കിലെടുത്ത് ചില ഇളവുകള്‍ സര്‍ക്കാര്‍ നല്‍കുന്നതുവരെ തിയറ്റര്‍ തുറക്കേണ്ടെന്ന് സംഘടനകള്‍ തീരുമാനിക്കുകയായിരുന്നു.

  പുതിയ ലോക്ക്ഡൗണുകള്‍ മൂലം തൊഴിലില്ലായ്മ നിരക്ക് 8%നു മുകളില്‍

ലൈസന്‍സുകള്‍ പുതുക്കുന്നതിന് തിയറ്റര്‍ ഉടമകള്‍ക്ക് സാവകാശം അനുവദിക്കും. സാമ്പത്തിക നഷ്ടം പരിഗണിച്ച് നികുതിയിളവ് ഉള്‍പ്പടെയുള്ള ചില നടപടികള്‍ ഉണ്ടായേക്കും. എന്നാല്‍ സെക്കന്‍ഡ് ഷോ അനുവദിക്കണം എന്ന ആവശ്യം സര്‍ക്കാര്‍ അംഗീകരിച്ചിട്ടില്ല.

Maintained By : Studio3