കാനറ എച്ച്എസ്ബിസി ലൈഫ് ഇന്ഷുറന്സ് കമ്പനി ഐപിഒയ്ക്ക്
കൊച്ചി: കാനറാ ബാങ്ക് പ്രമോട്ട് ചെയ്യുന്ന, ഇന്ത്യന് ലൈഫ് ഇന്ഷുറന്സ് മേഖലയിലെ ശ്രദ്ധേയരായ കാനറ എച്ച്എസ്ബിസി ലൈഫ് ഇന്ഷുറന്സ് കമ്പനി ലിമിറ്റഡ് പ്രാഥമിക ഓഹരി വില്പനയ്ക്ക് (ഐപിഒ) അനുമതി തേടി സെബിയ്ക്ക് കരടു രേഖ (ഡിആര്എച്ച്പി) സമര്പ്പിച്ചു. പ്രമോട്ടര്മാരുടെയും നിലവിലുള്ള നിക്ഷേപകരുടെയും പത്ത് രൂപ മുഖവിലയുള്ള 23.75 കോടി ഇക്വിറ്റി ഓഹരികളുടെ ഓഫര് ഫോര് സെയിലാണ് ഐപിഒയില് ഉള്പ്പെടുത്തിയിരിക്കുന്നത്. കാനറ ബാങ്കും എച്ച്എസ്ബിസി ഇന്ഷുറന്സുമാണ് (ഏഷ്യ-പസഫിക്) കമ്പനിയുടെ പ്രമോട്ടര്മാര്. ഓഹരികള് എന്എസ്ഇയിലും ബിഎസ്ഇയിലും ലിസ്റ്റ് ചെയ്യും. എസ്ബിഐ കാപ്പിറ്റല് മാര്ക്കറ്റ്സ് ലിമിറ്റഡ്, ബിഎന്പി പാരിബാസ്, എച്ച്എസ്ബിസി സെക്യൂരിറ്റീസ് & കാപ്പിറ്റല് മാര്ക്കറ്റ്സ് (ഇന്ത്യ) പ്രൈവറ്റ് ലിമിറ്റഡ്, ജെഎം ഫിനാന്ഷ്യല് ലിമിറ്റഡ്, മോത്തിലാല് ഓസ്വാള് ഇന്വെസ്റ്റ്മെന്റ് അഡ്വൈസേഴ്സ് ലിമിറ്റഡ് എന്നിവരാണ് ഐപിഒയുടെ ബുക്ക് റണ്ണിങ് ലീഡ് മാനേജര്മാര്.
