എന്‍എസ്ഇ-സോഷ്യല്‍ സ്റ്റോക്ക് എക്സ്ചേഞ്ചില്‍ ആദ്യ 5 ലിസ്റ്റിങുകള്‍ നടത്തി
മുംബൈ: നാഷണല്‍ സ്റ്റോക്ക് എക്സ്ചേഞ്ചിലെ (എന്‍എസ്ഇ) സോഷ്യല്‍ സ്റ്റോക്ക് എക്സ്ചേഞ്ചില്‍ (എസ്എസ്ഇ) ആദ്യ അഞ്ച് ലിസ്റ്റിങുകള്‍ നടത്തി. സ്വാമി വിവേകാനന്ദ യൂത്ത് മൂവ്മെന്‍റ്, ട്രാന്‍സ്ഫോം റൂറല്‍ ഇന്ത്യ, മുക്തി, ഏകലവ്യ ഫൗണ്ടേഷന്‍, എസ്ജിബിഎസ് ഉന്നതി ഫൗണ്ടേഷന്‍ എന്നിവയുടെ ലിസ്റ്റിങാണ് നടന്നത്. വിവിധ വികസന പദ്ധതികള്‍ക്ക് പ്രയോജനപ്പെടുത്താനായി ഏകദേശം 8 കോടി രൂപയോളമാണ് ഈ ലിസ്റ്റിങുകളുടെ ഫലമായി ലഭ്യമായത്. സെബി ചെയര്‍പേഴ്സണ്‍ മാധബി പുരി പുച്ച്, സെബിയുടെ സോഷ്യല്‍ സ്റ്റോക്ക് എക്സ്ചേഞ്ച് അഡ്വൈസറി കമ്മിറ്റി ചെയര്‍മാന്‍ ഡോ. ആര്‍ ബാലസുബ്രഹ്മണ്യം തുടങ്ങിയവരുടെ സാന്നിധ്യത്തിലായിരുന്നു ലിസ്റ്റിങ് ചടങ്ങ്.
