August 30, 2025

Future Kerala

Future Kerala : Daily On Business , Economy and Society | Latest Malayalam News | FK Special | Kerala | India | Politics | Sports | Movie | Lifestyle | E Paper | Malayalam News | Breaking News | Kerala News

എന്‍എസ്ഇഇന്ത്യ വെബ്സൈറ്റ് ഇനി മലയാളം ഉള്‍പ്പെടെയുള്ള വിവിധ ഭാഷകളിൽ ലഭ്യമാകും

കൊച്ചി: എന്‍എസ്ഇയുടെ ഔദ്യോഗിക മൊബൈല്‍ ആപ്പായ എന്‍എസ്ഇഇന്ത്യയും മലയാളം ഉള്‍പ്പെടെ 12 ഭാഷകളില്‍ ഉള്ളടക്കം ലഭ്യമാക്കുന്ന പുതുക്കിയ വെബ്സൈറ്റും പുറത്തിറക്കി. രാജ്യത്തുടനീളമുള്ള നിക്ഷേപകരെ കൂടുതല്‍ ഉള്‍ക്കൊള്ളുന്ന സാമ്പത്തിക സംവിധാനം സൃഷ്ടിക്കുന്നതിന്‍റെ ഭാഗമായാണ് എന്‍എസ്ഇ ഇവ അവതരിപ്പിച്ചത്. എന്‍എസ്ഇയുടെ വെബ്സൈറ്റ് ഇപ്പോള്‍ നിലവിലുള്ള ഇംഗ്ലീഷ്, ഹിന്ദി, മറാത്തി, ഗുജറാത്തി എന്നീ ഭാഷകള്‍ക്ക് പുറമെ മലയാളം, അസമീസ്, ബംഗാളി, കന്നഡ, ഒറിയ, പഞ്ചാബി, തമിഴ്, തെലുങ്ക് എന്നീ ഭാഷകളിലുമാണ് ഉള്ളടക്കം ലഭ്യമാകുക. യാത്രകള്‍ക്കിടയിലും സുരക്ഷിതവും കൂടുതല്‍ സവിശേഷതകള്‍ അടങ്ങിയതുമായ സംവിധാനമാണ് പുതുതായി അവതരിപ്പിച്ച മൊബൈല്‍ ആപ്പിലൂടെ ലഭ്യമാകുന്നത്. ഈ ആപ്പ് ആപ്പിള്‍ ആപ്പ് സ്റ്റോറിലും ആന്‍ഡ്രോയിഡ് ആപ്പ് സ്റ്റോറിലും ലഭ്യമാണ്. സാമ്പത്തിക സംവിധാനങ്ങളിലേക്ക് കൂടുതല്‍ പേരെ ഉള്‍പ്പെടുത്തുന്നതാണ് ഈ പുതിയ നീക്കങ്ങളെന്നും പുതിയ സേവനങ്ങളും തല്‍സമയ വിവരങ്ങളും വഴി നിക്ഷേപകരെ കൂടുതല്‍ ശാക്തീകരിക്കുന്നതാണ് ഇവയെന്നും എന്‍എസ്ഇ ചീഫ് ബിസിനസ് ഡെവലപ്മെന്‍റ് ഓഫിസര്‍ ശ്രീരാം കൃഷ്ണന്‍ പറഞ്ഞു.

  ഇന്ത്യയിൽ നിർമ്മിച്ച ഇലക്ട്രിക് വാഹനങ്ങൾ 100 ​​രാജ്യങ്ങളിലേക്ക് കയറ്റുമതി ചെയ്യും: പ്രധാനമന്ത്രി
Maintained By : Studio3