December 2, 2021

Future Kerala

Future Kerala : Daily On Business , Economy and Society | Latest Malayalam News | FK Special | Kerala | India | Politics | Sports | Movie | Lifestyle | E Paper | Malayalam News | Breaking News | Kerala News

ഭീകരതയെ പരാജയപ്പെടുത്താന്‍ ഒത്തുചേരണം:മോദി

1 min read

ന്യൂഡെല്‍ഹി: വിദ്വേഷം, ഭീകരത, അക്രമം എന്നിവ പ്രചരിപ്പിക്കാന്‍ ശ്രമിക്കുന്ന ശക്തികള്‍ക്കെതിരെ പോരാടാന്‍ ലോകനേതാക്കളോട് പ്രധാനമന്ത്രി നരേന്ദ്ര മോദി അഭ്യര്‍ത്ഥിച്ചു.ബുദ്ധ പൂര്‍ണിമയിലെ വെര്‍ച്വല്‍ വേസാക് ആഗോള ആഘോഷവേളയില്‍ മുഖ്യ പ്രഭാഷണം നടത്തുകയായിരുന്നു പ്രധാനമന്ത്രി. ‘ബുദ്ധന്‍റെ ജീവിതം സമാധാനം, ഐക്യം, സഹവര്‍ത്തിത്വം എന്നിവയെക്കുറിച്ചാണ് നമ്മോട് പറയുന്നത്. എന്നാല്‍ ഇന്നത്തെ ലോകത്ത് വിദ്വേഷവും ഭീകരതയും അക്രമവും പ്രചരിപ്പിക്കുന്ന ശക്തികളുണ്ട്. അവരുടെ നിലനില്‍പ്പ്തന്നെ ഇത്തരം പ്രചരണങ്ങളിലാണ്.’അത്തരം ശക്തികള്‍ ലിബറല്‍ ജനാധിപത്യ തത്വങ്ങളില്‍ വിശ്വസിക്കുന്നില്ല. ഇവിടെ മാനവികതയുടെ വിശ്വാസികള്‍ ഒത്തുചേര്‍ന്ന് ഭീകരതയെ പരാജയപ്പെടുത്തണം’ മോദി പറഞ്ഞു. കൊറോണ വൈറസ് മഹാമാരിയുടെ രണ്ടാം തരംഗത്തിന്‍റെ ആഘാതക്കുറിച്ച് സംസാരിച്ച പ്രധാനമന്ത്രി മാനവികത നേരിടുന്ന മറ്റ് വെല്ലുവിളികളിലും ശ്രദ്ധ കേന്ദ്രീകരിക്കണമെന്നും ആവശ്യപ്പെട്ടു.

  ദേശീയ ഊർജ സംരക്ഷണ പക്ഷാചരണം:സംസ്ഥാനതല ഉദ്ഘാടനം ഡിസംബർ ഒന്നിന്

‘കോവിഡ് -19 നെ നേരിടാന്‍ സാധ്യമായതെല്ലാം നാം ചെയ്യുമ്പോള്‍, മനുഷ്യരാശി നേരിടുന്ന മറ്റ് വെല്ലുവിളികളെ നാം കാണാതിരിക്കരുത്. കാലാവസ്ഥാ വ്യതിയാനമാണ് വെല്ലുവിളികളില്‍ ഒന്ന്. കാലാവസ്ഥാ രീതികള്‍ മാറുകയാണ്, ഹിമാനികള്‍ ഉരുകുന്നു, നദികളും വനങ്ങളും അപകടത്തിലാണ്, നമ്മുടെ ഗ്രഹത്തിന് പരിക്കേല്‍ക്കാന്‍ അനുവദിക്കരുത്’. കോവിഡിനെക്കുറിച്ച് പ്രധാനമന്ത്രി പറഞ്ഞു, “മഹാമാരിയെക്കുറിച്ച് നമുക്ക് ഇപ്പോള്‍ നല്ല ധാരണയുണ്ട്, അത് പോരാടാനുള്ള തന്ത്രത്തെ ശക്തിപ്പെടുത്തുന്നു”.’ജീവന്‍ രക്ഷിക്കുന്നതിനും കോവിഡിനെ പരാജയപ്പെടുത്തുന്നതിനും പ്രധാനമായ വാക്സിന്‍ നമ്മുടെ പക്കലുണ്ട്. കോവിഡ് -19 വാക്സിനുകളില്‍ പ്രവര്‍ത്തിച്ച നമ്മുടെ ശാസ്ത്രജ്ഞരുടെ പ്രവര്‍ത്തനത്തില്‍ ഇന്ത്യ അഭിമാനിക്കുന്നു.’

  യു എസ് ടിക്ക് മികച്ച തൊഴിലിടമെന്ന ബഹുമതി

കോവിഡ് -19 നെതിരായ പോരാട്ടത്തില്‍ ആരോഗ്യ പ്രവര്‍ത്തകരെയും മുന്‍നിര പ്രവര്‍ത്തകരെയും പ്രധാനമന്ത്രി ആദരിച്ചു. “നമ്മുടെ മുന്‍നിര ആരോഗ്യ പ്രവര്‍ത്തകര്‍, ഡോക്ടര്‍മാര്‍, നഴ്സുമാര്‍ എന്നിവര്‍ നിസ്വാര്‍ത്ഥമായി ഓരോ ദിവസവും തങ്ങളുടെ ജീവന്‍ പണയപ്പെടുത്തിയാണ് രോഗികളെ ശുശ്രൂഷിക്കുന്നത്. ദുരിതമനുഭവിച്ചവര്‍ക്കും പ്രിയപ്പെട്ടവരെ നഷ്ടപ്പെട്ടവര്‍ക്കും ഞാന്‍ അനുശോചനം രേഖപ്പെടുത്തുന്നു” പ്രധാനമന്ത്രി പറഞ്ഞു.

പാരീസ് ലക്ഷ്യങ്ങള്‍ പൂര്‍ത്തീകരിക്കുന്നതിന് തയ്യാറായ ചുരുക്കം ചില വലിയ സമ്പദ്വ്യവസ്ഥകളിലൊന്നാണ് ഇന്ത്യയെന്ന് സൂചിപ്പിച്ച പ്രധാനമന്ത്രി, “ഞങ്ങളെ സംബന്ധിച്ചിടത്തോളം സുസ്ഥിരമായ ജീവിതം എന്നത് വാക്കുകളില്‍ മാത്രമല്ല, പ്രവര്‍ത്തനങ്ങളിലുമാണ്’ എന്ന് വ്യക്തമാക്കി.”കഴിഞ്ഞ വര്‍ഷത്തില്‍ നിരവധി വ്യക്തികളും സംഘടനകളും ഈ അവസരത്തിലേക്ക് ഉയര്‍ന്നുവരുന്നത് നാം കണ്ടു, കഷ്ടപ്പാടുകള്‍ കുറയ്ക്കുന്നതിന് സാധ്യമായതെല്ലാം ചെയ്യുക.” മോദി പറഞ്ഞു.

  ആരോഗ്യ പാലനത്തിനായി ആളോഹരി കണക്കില്‍ ഭരണകൂടം ചെലവിടുന്ന തുകയിൽ വൻവര്‍ദ്ധനവ്
Maintained By : Studio3