ഐടെല്‍ വിഷന്‍ 1 പ്രോ വിപണിയില്‍
6,599 രൂപയാണ് വില . 2020 ഫെബ്രുവരിയില്‍ വിപണിയിലെത്തിച്ച വിഷന്‍ 1 വലിയ വിജയമായിരുന്നു
‘വിഷന്‍ 1 പ്രോ’ സ്മാര്‍ട്ട്‌ഫോണ്‍ അവതരിപ്പിച്ചതായി ഐടെല്‍ പ്രഖ്യാപിച്ചു. 6,599 രൂപയാണ് വില. ആദ്യ എച്ച്ഡി വാട്ടര്‍ഡ്രോപ്പ് ഡിസ്‌പ്ലേയുമായി 2020 ഫെബ്രുവരിയില്‍ വിപണിയിലെത്തിച്ച വിഷന്‍ 1 വലിയ വിജയമായിരുന്നു. ഇതേതുടര്‍ന്നാണ് പുതിയ മോഡല്‍ അവതരിപ്പിച്ചത്.
വലിയ 6.52 ഇഞ്ച് എച്ച്ഡി പ്ലസ് ഐപിഎസ് വാട്ടര്‍ഡ്രോപ്പ് ഡിസ്‌പ്ലേയാണ് പുതിയ സ്മാര്‍ട്ട്‌ഫോണില്‍ നല്‍കിയിരിക്കുന്നത്. അതിവേഗ ഫേസ് അണ്‍ലോക്ക്, മള്‍ട്ടി ഫീച്ചര്‍ ഫിംഗര്‍പ്രിന്റ് സെന്‍സര്‍ എന്നിവ സവിശേഷതകളാണ്.
ഫ്‌ലാഷ്‌ലൈറ്റ് സഹിതം 8 എംപി പ്രൈമറിയോടുകൂടി എഐ ട്രിപ്പിള്‍ കാമറയാണ് പിറകില്‍ നല്‍കിയത്. എഐ ബ്യൂട്ടി മോഡ് സഹിതം 5 എംപി സെല്‍ഫി കാമറ മുന്നില്‍ ലഭിച്ചു.
1.4 ജിഗാഹെര്‍ട്‌സ് ക്വാഡ്‌കോര്‍ പ്രൊസസറാണ് 2 ജിബി റാം, 32 ജിബി റോം സ്മാര്‍ട്ട്‌ഫോണിന് കരുത്തേകുന്നത്. 4000 എംഎഎച്ച് നോണ്‍ റിമൂവബിള്‍ ബാറ്ററിയാണ് ഉപയോഗിക്കുന്നത്.
