ഐപിഒ: എന്‍എസ്ഡിഎല്‍, അമാഗി മീഡിയ ലാബ്സ്
എന്‍എസ്ഡിഎല്‍ ഐപിഒ ജൂലൈ 30 മുതല്‍
കൊച്ചി: നാഷണല്‍ സെക്യൂരിറ്റീസ് ഡിപ്പോസിറ്ററി ലിമിറ്റഡിന്‍റെ (എന്‍എസ്ഡിഎല്‍) പ്രാഥമിക ഓഹരി വില്‍പന (ഐപിഒ) 2025 ജൂലൈ 30 മുതല്‍ ആഗസ്റ്റ് 1 വരെ നടക്കും. നിലവിലുള്ള നിക്ഷേപകരുടെ 50,145,001 ഇക്വിറ്റി ഓഹരികളുടെ ഓഫര്‍ ഫോര്‍ സെയിലാണ് ഐപിഒയില്‍ ഉള്‍പ്പെടുത്തിയിരിക്കുന്നത്. 2 രൂപ മുഖവിലയുള്ള ഓഹരി ഒന്നിന് 760 രൂപ മുതല്‍ 800 രൂപ വരെയാണ് പ്രൈസ് ബാന്‍ഡ് നിശ്ചയിച്ചിരിക്കുന്നത്. കുറഞ്ഞത് 18 ഇക്വിറ്റി ഓഹരികള്‍ക്കും തുടര്‍ന്ന് 18ന്‍റെ ഗുണിതങ്ങള്‍ക്കും അപേക്ഷിക്കാം.
അമാഗി മീഡിയ ലാബ്സ് ഐപിഒ
കൊച്ചി: അമാഗി മീഡിയ ലാബ്സ് ലിമിറ്റഡ് പ്രാഥമിക ഓഹരി വില്‍പനയ്ക്ക് (ഐപിഒ) അനുമതി തേടി സെബിയ്ക്ക് പ്രാരംഭ രേഖ (ഡിആര്‍എച്ച്പി) സമര്‍പ്പിച്ചു. കമ്പനി 1,020 കോടി രൂപയുടെ പുതിയ ഇക്വിറ്റി ഓഹരികളും നിലവിലുള്ള നിക്ഷേപകരുടെ 3,41,88,542 ഇക്വിറ്റി ഓഹരികളുടെ ഓഫര്‍ ഫോര്‍ സെയിലുമാണ് ഐപിഒയില്‍ ഉള്‍പ്പെടുത്തിയിരിക്കുന്നത്.
