എക്സിക്യൂട്ടീവ് സെന്‍റര്‍ ഇന്ത്യ ഐപിഒയ്ക്ക്
കൊച്ചി: രാജ്യത്തെ ഫ്ളക്സ്ബിള്‍ വര്‍ക്ക് സ്പേസ് ഓപ്പറേറ്റര്‍മാരില്‍ മുന്‍നിരയിലുള്ള അന്താരാഷ്ട്ര ബ്രാന്‍ഡായ എക്സിക്യൂട്ടീവ് സെന്‍റര്‍ ഇന്ത്യ ലിമിറ്റഡ് പ്രാഥമിക ഓഹരി വില്‍പനയ്ക്ക് (ഐപിഒ) അനുമതി തേടി സെബിയ്ക്ക് പ്രാരംഭ രേഖ (ഡിആര്‍എച്ച്പി) സമര്‍പ്പിച്ചു. ഐപിഒയിലൂടെ 2600 കോടി രൂപ സമാഹരിക്കാനാണ് കമ്പനി ലക്ഷ്യമിടുന്നത്. രണ്ട് രൂപ മുഖവിലയുള്ള 2600 കോടി രൂപയുടെ പുതിയ ഇക്വിറ്റി ഓഹരികളാണ് ഐപിഒയില്‍ ഉള്‍പ്പെടുത്തിയിരിക്കുന്നത്. കൊട്ടക് മഹീന്ദ്ര ക്യാപിറ്റല്‍ കമ്പനി ലിമിറ്റഡ്, ഐസിഐസിഐ സെക്യൂരിറ്റീസ് ലിമിറ്റഡ്, നോമുറ ഫിനാന്‍ഷ്യല്‍ അഡ്വൈസറി സെക്യൂരിറ്റീസ് (ഇന്ത്യ) പ്രൈവറ്റ് ലിമിറ്റഡ് എന്നിവരാണ് ഐപിഒയുടെ ബുക്ക് റണ്ണിങ് ലീഡ് മാനേജര്‍മാര്‍.
