November 27, 2022

Future Kerala

Future Kerala : Daily On Business , Economy and Society | Latest Malayalam News | FK Special | Kerala | India | Politics | Sports | Movie | Lifestyle | E Paper | Malayalam News | Breaking News | Kerala News

യുഎസില്‍ പിരിച്ചുവിടല്‍ ഉയര്‍ന്നതോതിലെന്ന് റിപ്പോര്‍ട്ട്

വാഷിംഗ്ടണ്‍: കൊറോണ വൈറസ് സൃഷ്ടിച്ച മാന്ദ്യത്തില്‍ നിന്ന് യുഎസ് സമ്പദ്വ്യവസ്ഥ ക്രമാനുഗതമായി കരകയറുന്നതിനിടയിലും തൊഴിലില്ലായ്മ ആനുകൂല്യങ്ങള്‍ തേടുന്ന അമേരിക്കക്കാരുടെ എണ്ണം കഴിഞ്ഞയാഴ്ച 770,000 ആയി ഉയര്‍ന്നു.തൊഴിലില്ലായ്മ ക്ലെയിമുകള്‍ കഴിഞ്ഞ ആഴ്ച 725,000 ല്‍ നിന്ന് ഉയര്‍ന്നതായി തൊഴില്‍ വകുപ്പിന്‍റെ റിപ്പോര്‍ട്ടില്‍ പറയുന്നു. ഇപ്പോഴും ചില വ്യവസായങ്ങളില്‍ തൊഴിലുടമകള്‍ തൊഴിലാളികളെ പിരിച്ചുവിടുന്നത് തുടരുകയാണെന്ന് ഇത് കാണിക്കുന്നു. പകര്‍ച്ചവ്യാധി ഉണ്ടാകുന്നതിനുമുമ്പ്, തൊഴിലില്ലായ്മ സഹായത്തിനുള്ള അപേക്ഷകള്‍ ഒരാഴ്ചയ്ക്കുള്ളില്‍ 700,000 ല്‍ എത്തിയിട്ടില്ല.

മൊത്തം 4.1 ദശലക്ഷം ആളുകള്‍ പരമ്പരാഗത തൊഴിലില്ലായ്മ ആനുകൂല്യങ്ങള്‍ നേടുന്നത് തുടരുകയാണ്. 18.2 ദശലക്ഷം അമേരിക്കക്കാര്‍ക്ക് ഏതെങ്കിലും തരത്തിലുള്ള തൊഴിലില്ലായ്മ സഹായം ലഭിക്കുന്നുണ്ട്. ആരോഗ്യ പ്രതിസന്ധി മൂലം ഒഴിവാക്കപ്പെട്ട തൊഴിലാളികളെ സഹായിക്കാന്‍ ഉദ്ദേശിച്ചുള്ള പ്രത്യേക ഫെഡറല്‍ പ്രോഗ്രാമുകളും ഇതില്‍ ഉള്‍പ്പെടും. മൊത്തത്തിലുള്ള തൊഴില്‍ വിപണിയില്‍ പുരോഗതി കാണിച്ചിട്ടും തുടര്‍ച്ചയായ പിരിച്ചുവിടലുകള്‍ നടക്കുകയാണ്. കഴിഞ്ഞ മാസം, യുഎസ്പ്ലോയേഴ്സ് 379,000 തൊഴിലവസരങ്ങള്‍ ചേര്‍ത്തു. ഒക്ടോബറിനുശേഷം ഏറ്റവും കൂടുതലാണിത്. ഉപയോക്താക്കള്‍ കൂടുതല്‍ ചെലവഴിക്കുകയും സംസ്ഥാനങ്ങളും നഗരങ്ങളും ബിസിനസ്സ് നിയന്ത്രണങ്ങള്‍ ലഘൂകരിക്കുകയും ചെയ്യുന്നതിനാല്‍ സമ്പദ്വ്യവസ്ഥ ശക്തിപ്പെടുന്നുവെന്നതിന്‍റെ സൂചനയുമുണ്ട്.

  ആഭ്യന്തര സഞ്ചാരികളുടെ വരവില്‍ കേരളത്തിന് റെക്കോര്‍ഡ് നേട്ടം

തൊഴിലില്ലായ്മ സഹായത്തിനായി പ്രതിവാര അപേക്ഷകളുടെ ഉയര്‍ന്ന നിലയെക്കുറിച്ച് ആരും പൂര്‍ണ്ണമായി വിശദീകരിക്കുന്നില്ല.കൂടാതെ, അനുബന്ധ ഫെഡറല്‍ തൊഴിലില്ലായ്മ ആനുകൂല്യങ്ങളുടെ വ്യാപനം കൂടുതല്‍ തൊഴിലില്ലാത്ത അമേരിക്കക്കാരെ സഹായത്തിനായി അപേക്ഷിക്കാന്‍ പ്രേരിപ്പിച്ചിരിക്കാം. ബാറുകള്‍, റെസ്റ്റോറന്‍റുകള്‍, ചില്ലറ വ്യാപാരികള്‍, മറ്റ് സേവന ബിസിനസുകള്‍ എന്നിവയിലെ പിരിച്ചുവിടലുകള്‍ കാരണം കാലിഫോര്‍ണിയയില്‍ ആപ്ലിക്കേഷനുകളുടെ വര്‍ധനവ് റിപ്പോര്‍ട്ട് ചെയ്തിട്ടുണ്ട്. ഇതെല്ലാം കോവിഡ് വ്യാപനവുമായി ബന്ധപ്പെട്ടിരിക്കുന്നു. പ്രതിരോധ കുത്തിവയ്പ്പുകള്‍ ത്വരിതപ്പെടുത്തുന്നതോടെ, നിയന്ത്രണങ്ങള്‍ക്ക് ശേഷം അമേരിക്കക്കാര്‍ കൂടുതലായി യാത്ര ചെയ്യുകയും ഷോപ്പ് ചെയ്യുകയും ഭക്ഷണം കഴിക്കുകയും സ്വതന്ത്രമായി ചെലവഴിക്കുകയും ചെയ്യുമെന്ന പ്രതീക്ഷകള്‍ വര്‍ധിച്ചുകൊണ്ടിരിക്കുകയാണ്. പ്രസിഡന്‍റ് ജോ ബൈഡന്‍റെ 1.9 ട്രില്യണ്‍ ഡോളര്‍ ദുരിതാശ്വാസ പാക്കേജും വളര്‍ച്ച ത്വരിതപ്പെടുത്താന്‍ സഹായിക്കുമെന്ന് പ്രതീക്ഷിക്കുന്നു. ഉത്തേജക പാക്കേജിന്‍റെ ഭാഗമായി പ്രത്യേകിച്ചും ഈ ആഴ്ച മിക്ക മുതിര്‍ന്നവര്‍ക്കും 1,400 ഡോളറിന്‍റെ ചെക്കുകള്‍ ലഭിക്കും. അത് കൂടുതല്‍ ചെലവ് വര്‍ധിപ്പിക്കും. വാക്സിനുകള്‍ക്കും ചികിത്സകള്‍ക്കുമുള്ള പണം, സ്കൂള്‍ വീണ്ടും തുറക്കല്‍, സംസ്ഥാന, പ്രാദേശിക സര്‍ക്കാരുകള്‍, എയര്‍ലൈന്‍സ് മുതല്‍ ഹാളുകള്‍ വരെയുള്ള നഷ്ടത്തിലായ വ്യവസായങ്ങള്‍ എന്നിവക്കെല്ലാം സഹായമുണ്ടാകും.

  രജ്യത്തെ കൽക്കരി ഉത്പാദനം 18% വർദ്ധനയോടെ 448 ദശലക്ഷം ടണ്ണിലെത്തി

‘തൊഴില്‍ വിപണിയിലെ ബുദ്ധിമുട്ടുകള്‍ തുടരുകയാണ്, എന്നാല്‍ നിയന്ത്രണങ്ങള്‍ നീക്കുകയും കൂടുതല്‍ സാധാരണ പ്രവര്‍ത്തനങ്ങള്‍ പുനരാരംഭിക്കുകയും ചെയ്യുന്നതിനാല്‍ തൊഴിലില്ലായ്മ സഹായത്തിനായുള്ള അപേക്ഷകള്‍ കുറയാന്‍ തുടങ്ങുമെന്ന് ഞങ്ങള്‍ പ്രതീക്ഷിക്കുന്നു,’ ഹൈ ഫ്രീക്വന്‍സി ഇക്കണോമിക്സിലെ ചീഫ് യുഎസ് ഇക്കണോമിസ്റ്റ് റുബീല ഫാറൂഖി ഒരു ഗവേഷണ കുറിപ്പില്‍ പറഞ്ഞു. . ‘ബിസിനസുകള്‍ പൂര്‍ണ്ണ ശേഷിയിലേക്ക് മടങ്ങുമ്പോള്‍, തൊഴില്‍, വരുമാന സാധ്യതകള്‍ മെച്ചപ്പെടുമെന്നാണ് പ്രതീക്ഷിക്കപ്പെടുന്നത്.

Maintained By : Studio3