February 25, 2024

Future Kerala

Future Kerala : Daily On Business , Economy and Society | Latest Malayalam News | FK Special | Kerala | India | Politics | Sports | Movie | Lifestyle | E Paper | Malayalam News | Breaking News | Kerala News

പോര്‍ട്ട് സിറ്റിയിലേക്ക് നിക്ഷേപകരെ ക്ഷണിച്ച് ശ്രീലങ്കന്‍ പ്രസിഡന്‍റ്

1 min read

കൊളംബോ: രാജ്യത്തെ ആദ്യത്തെ സേവനാധിഷ്ഠിത സ്പെഷ്യല്‍ ഇക്കണോമിക് സോണ്‍ (സെസ്)ആയ കൊളംബോയിലെ പോര്‍ട്ട് സിറ്റിയുടെ അവസരങ്ങള്‍ പ്രയോജനപ്പെടുത്താന്‍ ശ്രീലങ്കന്‍ പ്രസിഡന്‍റ് ഗോതബയ രാജപക്സ ലോകമെമ്പാടുമുള്ള നിക്ഷേപകരെ ക്ഷണിച്ചു. “ഇവിടെ നിക്ഷേപം നടത്തി പോര്‍ട്ട് സിറ്റി നല്‍കുന്ന അതുല്യമായ സൗകര്യങ്ങളും അവസരങ്ങളും പൂര്‍ണ്ണമായി ഉപയോഗിക്കാന്‍ എല്ലാ രാജ്യങ്ങളില്‍ നിന്നുമുള്ള ബിസിനസ്സ് നേതാക്കളെ ഞങ്ങള്‍ പ്രോത്സാഹിപ്പിക്കുന്നു’ .ശ്രീലങ്ക ഇന്‍വെസ്റ്റ്മെന്‍റ് ഫോറം 2021 ല്‍ സംസാരിച്ച പ്രസിഡന്‍റ് രാജപക്സ പറഞ്ഞു. ലോകത്തെ അതിവേഗം വളരുന്ന പ്രദേശങ്ങളിലൊന്നായ പോര്‍ട്ട് സിറ്റിയെ ഒരു പ്രധാന സേവന കേന്ദ്രമാക്കി മാറ്റുക എന്നതാണ് ശ്രീങ്കയുടെ കാഴ്ചപ്പാട്. ‘പഴയതും പുതിയതുമായ മികച്ചവയെ സംയോജിപ്പിക്കുന്ന ഉഷ്ണമേഖലാ കടല്‍ത്തീര പരിതസ്ഥിതിയില്‍ ഉയര്‍ന്ന ജീവിതനിലവാരം ആസ്വദിക്കുന്നതിനൊപ്പം ഉല്‍പാദന പ്രവര്‍ത്തനങ്ങള്‍ നടത്താന്‍ ആവശ്യമായ എല്ലാ സൗകര്യങ്ങളും അവിടത്തെ ലഭ്യമായിരിക്കും.’

  കെഎസ്ഐഡിസി ദുബായില്‍ നിക്ഷേപക സംഗമം സംഘടിപ്പിച്ചു

ലോകമെമ്പാടുമുള്ള ഉയര്‍ന്ന നിലവാരമുള്ള നിക്ഷേപകരെ ആകര്‍ഷിക്കുന്നതിനായി ശ്രീലങ്കയുടെ നിക്ഷേപ ബോര്‍ഡ്, സിലോണ്‍ ചേംബര്‍ ഓഫ് കൊമേഴ്സ്, കൊളംബോ സ്റ്റോക്ക് എക്സ്ചേഞ്ച് എന്നിവ സംഘടിപ്പിച്ച മൂന്ന് ദിവസത്തെ വെര്‍ച്വല്‍ ഇവന്‍റാണ് ശ്രീലങ്ക ഇന്‍വെസ്റ്റ്മെന്‍റ് ഫോറം 2021 എന്ന് സിന്‍ഹുവ വാര്‍ത്താ ഏജന്‍സി റിപ്പോര്‍ട്ട് ചെയ്യുന്നു. ഇവന്‍റ് രാജ്യത്തെ നിക്ഷേപ അവസരങ്ങള്‍ പ്രദര്‍ശിപ്പിക്കുകയും നിക്ഷേപകര്‍ക്ക് പ്രാദേശിക നയ നിര്‍മാതാക്കളുമായും ബിസിനസുകാരുമായും ബന്ധപ്പടാനുള്ള അവസരവും നല്‍കുന്നു. പോര്‍ട്ട് സിറ്റി സെസിലെ പ്രത്യേക ആനുകൂല്യങ്ങള്‍ക്കായി നിയമപരമായ ഒരു ചട്ടക്കൂട് തന്‍റെ സര്‍ക്കാര്‍ പാസാക്കിയതായി രാജപക്സെ നിക്ഷേപകരോട് പറഞ്ഞു. ഇത് ബിസിനസ്സ് അതിവേഗം മെച്ചപ്പെടുത്തും. ദക്ഷിണേഷ്യയിലെ ഏറ്റവും മികച്ച ബന്ധമുള്ളതും ജീവിക്കാന്‍ കഴിയുന്നതുമായ നഗരങ്ങളിലൊന്നാണ് കൊളംബോയെന്നും ലോകോത്തര റെസിഡന്‍ഷ്യല്‍, വാണിജ്യ, സാമൂഹിക, വിനോദ സൗകര്യങ്ങള്‍ ചേര്‍ത്തുകൊണ്ട് പോര്‍ട്ട് സിറ്റി പദ്ധതി ഈ സവിശേഷതകള്‍ വര്‍ദ്ധിപ്പിക്കുമെന്നും അദ്ദേഹം പറഞ്ഞു.

  കൊച്ചിൻ ഷിപ്പ്‌യാർഡ് നിർമ്മിച്ച ഇലക്ട്രിക്ക്-ഹൈബ്രിഡ് വാട്ടർ മെട്രോ യാനം കൊച്ചി വാട്ടർ മെട്രോയ്ക്ക് കൈമാറി

ട്രാന്‍സ്ഫര്‍-ഷിപ്പിംഗ്, ലോജിസ്റ്റിക്സ്, ഓര്‍ഗാനിക് അഗ്രികള്‍ച്ചര്‍, മൂല്യവര്‍ദ്ധിത കാര്‍ഷിക കയറ്റുമതി, വലിയ തോതിലുള്ള സൗരോര്‍ജ്ജം, കാറ്റില്‍ നിന്നുള്ള വൈദ്യുതി, ഉല്‍പ്പാദനം, ഐടി, ടൂറിസം എന്നിവയുള്‍പ്പെടെയുള്ള സര്‍ക്കാര്‍ നയങ്ങള്‍ മുന്‍ഗണന നല്‍കുന്ന വിശാലമായ മേഖലകളില്‍ നിക്ഷേപം നടത്താനും രാജപക്സ നിക്ഷേപകരെ പ്രോത്സാഹിപ്പിച്ചു. ‘ശ്രീലങ്കന്‍ സര്‍ക്കാര്‍ സജീവവും ബിസിനസ്സ് അനുകൂലവുമാണ്. നമ്മുടെ സമ്പദ്വ്യവസ്ഥയെയും ദേശീയ പ്രൊഫൈലിനെയും രൂപാന്തരപ്പെടുത്താന്‍ കഴിയുന്ന നിക്ഷേപങ്ങളെ ഞങ്ങള്‍ വളരെ അനുകൂലമായി സ്വീകരിക്കും. അത്തരം നിക്ഷേപങ്ങളില്‍ വിജയത്തിനായി പ്രാപ്തമായ അന്തരീക്ഷം സൃഷ്ടിക്കാന്‍ ഞങ്ങള്‍ പരമാവധി ശ്രമിക്കും’ , അദ്ദേഹം കൂട്ടിച്ചേര്‍ത്തു.

  ആത്മനിര്‍ഭര്‍ ഭാരതിന്റെ പിന്നിലെ പ്രചോദനമാണ് അമുല്‍: പ്രധാനമന്ത്രി
Maintained By : Studio3