December 3, 2021

Future Kerala

Future Kerala : Daily On Business , Economy and Society | Latest Malayalam News | FK Special | Kerala | India | Politics | Sports | Movie | Lifestyle | E Paper | Malayalam News | Breaking News | Kerala News

ഇസ്രയേലില്‍ പാര്‍ലമെന്‍റ് 14നകം തീരുമാനമെടുക്കും

1 min read

ടെല്‍അവീവ്: ജൂണ്‍ 14 നകം പുതിയ സര്‍ക്കാരിനെ അംഗീകരിക്കുന്നതിന് ഇസ്രയേല്‍ പാര്‍ലമെന്‍റ് വോട്ടുചെയ്യും. ഇത് അംഗീകരിക്കപ്പെട്ടാല്‍ പ്രധാനമന്ത്രി ബെഞ്ചമിന്‍ നെതന്യാഹുവിന്‍റെ മുന്നിലുള്ള വഴികള്‍ അടയാനാണ് സാധ്യത. പാര്‍ലമെന്‍റ് സ്പീക്കര്‍ യാരിവ് ലെവിന്‍, നെതന്യാഹുവിന്‍റെ ലികുഡ് പാര്‍ട്ടിയുടെ അടുത്ത സുഹൃത്തും അദ്ദേഹത്തിന്‍റെ അടുത്ത അനുയായിയും വോട്ടെടുപ്പിന് ഒരു നിശ്ചിത തീയതി നിശ്ചയിക്കാന്‍ വിസമ്മതിച്ചതായി സിന്‍ഹുവ വാര്‍ത്താ ഏജന്‍സി റിപ്പോര്‍ട്ട് ചെയ്യുന്നു. സഖ്യ ഉടമ്പടി അംഗീകരിച്ചതായി പ്രതിപക്ഷ നേതാവ് യെയര്‍ ലാപിഡ് കഴിഞ്ഞയാഴ്ച പ്രസിഡന്‍റിനെ അറിയിച്ചതായി ചൂണ്ടിക്കാട്ടി ലെവിന്‍ പാര്‍ലമെന്‍റില്‍ ഔദ്യോഗിക പ്രഖ്യാപനം നടത്തിയിരുന്നു. ഇസ്രയേല്‍ നിയമപ്രകാരം പുതിയ സര്‍ക്കാരിനെ അംഗീകരിക്കുന്നതിനുള്ള വോട്ട് ഒരാഴ്ചയ്ക്കുള്ളില്‍ നടക്കും. 36-ാമത് സര്‍ക്കാര്‍ സ്ഥാപിക്കുന്നതിനുള്ള സെഷന്‍റെ തീയതി സംബന്ധിച്ച പ്രഖ്യാപനം എംപിമാര്‍ക്ക് നല്‍കുമെന്ന് സ്പീക്കര്‍ പറഞ്ഞു.

ദേശീയവാദിയായ നഫ്താലി ബെന്നറ്റ്, യാമിനയിലെ സെറ്റിലര്‍ അനുകൂല പാര്‍ട്ടിയുടെ നേതാവ്, കൂടാതെ ആറ് അധിക ചെറുപാര്‍ട്ടികള്‍ എന്നിവരുമായി സഖ്യ സര്‍ക്കാര്‍ രൂപീകരിക്കുന്നതിനുള്ള കരാറിലെത്തിയെന്ന് സെന്‍ട്രിസ്റ്റ് യെഷ് ആതിഡ് പാര്‍ട്ടിയുടെ നേതാവ് ലാപിഡ് കഴിഞ്ഞ ആഴ്ച പ്രഖ്യാപിച്ചിരുന്നു.നെസെറ്റിലെ 120 സീറ്റുകളില്‍ 61 സീറ്റുകളുടെ ഭൂരിപക്ഷമാണ് സഖ്യത്തിനുവേണ്ടത്. മന്‍സൂര്‍ അബ്ബാസിന്‍റെ നേതൃത്വത്തിലുള്ള ഇസ്ലാമിക പാര്‍ട്ടിയായ റഅാമും ഇതില്‍ ഉള്‍പ്പെടും. ഇസ്രയേലില്‍ ഒരു അറബ് പാര്‍ട്ടി ആദ്യമായി സഖ്യത്തിന്‍റെ ഭാഗമാകുന്നത് ഇതാദ്യമാണ്. ഒരു റൊട്ടേഷന്‍ കരാര്‍ അനുസരിച്ച്, ബെന്നറ്റ് തുടക്കത്തില്‍ പ്രധാനമന്ത്രിയാകും. രണ്ട് വര്‍ഷത്തിന് ശേഷം ലാപിഡിന് പകരക്കാരനാകും.

12 വര്‍ഷത്തിനിടെ ഇതാദ്യമായാണ് വലതുപക്ഷ യാഥാസ്ഥിതിക തലവന്‍ നെതന്യാഹു ഇല്ലാതെ ഒരു സര്‍ക്കാര്‍ രൂപീകരിക്കുന്നത്. അസാധാരണമായ ഈ സഖ്യം അതിന്‍റെ പ്രവര്‍ത്തനം ആരംഭിക്കുന്നതിന്, 120 നിയമസഭാംഗങ്ങളില്‍ ഭൂരിപക്ഷം പേരും അനുകൂലമായി വോട്ട് ചെയ്യണം. മൂന്ന് വ്യത്യസ്ത കേസുകളില്‍ അഴിമതി ആരോപണത്തില്‍ ക്രിമിനല്‍ വിചാരണ നേരിടുന്ന ഏറ്റവും കൂടുതല്‍ കാലം ഇസ്രയേല്‍ പ്രധാനമന്ത്രിയായിരുന്ന നെതന്യാഹുവിന്‍റെ ഭരണം അവസാനിപ്പിക്കാന്‍ ഈ സഖ്യം പരിശ്രമിക്കുകയാണ്.

Maintained By : Studio3