October 23, 2021

Future Kerala

Future Kerala : Daily On Business , Economy and Society | Latest Malayalam News | FK Special | Kerala | India | Politics | Sports | Movie | Lifestyle | E Paper | Malayalam News | Breaking News | Kerala News

റിയാദിൽ ഡ്രൈവ്-ഇൻ സിനിമയുമായി മൂവി സിനിമാസ്

1 min read

കോവിഡ്-19 പകർച്ചവ്യാധിയുടെ പശ്ചാത്തലത്തിലാണ് സാമൂഹിക അകല നിബന്ധനകൾ പാലിച്ച് കൊണ്ട് സ്വന്തം വണ്ടിയിലിരുന്ന് ബിഗ് സ്ക്രീനിൽ സിനിമ കാണാനുള്ള പോപ്-അപ് തീയേറ്റർ സൌകര്യം മൂവി സിനിമാസ് അവതരിപ്പിച്ചിരിക്കുന്നത്

റിയാദ്: തദ്ദേശീയ തീയേറ്റർ ചെയിനായ മൂവി സിനിമാസിന്റെ പോപ്-അപ് സിനിമ തീയേറ്റർ റിയാദിൽ പ്രവർത്തനമാരംഭിച്ചു. 2018ൽ സൌദി അറേബ്യയിൽ സിനിമയ്ക്കുള്ള വിലക്ക് പിൻവലിക്കപ്പെട്ടതിന് ശേഷം ആദ്യമായി ആരംഭിക്കുന്ന ഡ്രൈവ്-ഇൻ തീയറ്ററാണ് മൂവി സിനിമാസിന്റെ പോപ്-അപ് തീയേറ്റർ.

സാമൂഹിക അകല നിബന്ധനകൾ പാലിച്ച് കൊ‌ണ്ട് പരമാവധി 150 വാഹനങ്ങളെയാണ് പോപ്-അപ് തീയേറ്ററിൽ ഉൾക്കൊള്ളാൻ കഴിയുകയെന്ന് സംഘാടകർ അറിയിച്ചു. കോവിഡ്-19 നിർമാർജന പ്രവർത്തനങ്ങളുടെ ഭാഗമായി കാണികൾ എല്ലാവരും മുഖാവരണം ധരിച്ച് മാത്രമേ സിനിമ കാണാൻ എത്താവൂ എന്നും താപനില പരിശോധിക്കണമെന്നും സംഘാടകർ വ്യക്തമാക്കി. ജീവനക്കാരുടെയും കാണികളുടെയും സുരക്ഷ ഉറപ്പാക്കുന്നതിനായി എല്ലാവിധ മുൻകരുതലുകളും സ്വീകരിക്കുമെന്ന് മൂവിയുടെ മാർക്കറ്റിംഗ് ഡയറക്ടർ മഹ്മൂദ് മിർസ പറഞ്ഞു.

  52 -ാമത് അന്താരാഷ്ട്ര ചലച്ചിത്രമേള 2021 നവംബർ 20 മുതൽ 28 വരെ ഗോവയിൽ; കാർലോസ് സൗറ സംവിധാനം ചെയ്ത 'ദി കിംഗ് ഓഫ് ഓൾ ദി വേൾഡ്' ഓപ്പണിംഗ് ഫിലിം

ഡ്രൈവ്-ഇൻ സിനിമ സങ്കൽപ്പം രാജ്യത്ത് വൻ വിജയമാകുമെന്ന പ്രതീക്ഷയിലാണ് മൂവി സിനിമാസ്. നേരത്തെ ദുബായ്, ബെയ്റൂട്ട് അടക്കം പശ്ചിമേഷ്യയിലെ ചിലയിടങ്ങളിൽ ഡ്രൈവ്-ഇൻ സിനിമ എന്ന ആശയം പരീക്ഷിക്കപ്പെട്ടിരുന്നു. പകർച്ചവ്യാധിയുടെ സാഹചര്യത്തിൽ സ്വന്തം സുരക്ഷയും മറ്റുള്ളവരുടെ സുരക്ഷയും ഉറപ്പാക്കി കൊണ്ട് വണ്ടിയിലിരുന്ന് ബിഗ് സ്ക്രീനിൽ സിനിമ കാണാമെന്ന ഈ ആശയം പ്രേക്ഷകരെ ആകർഷിക്കുമെന്നാണ് വിലയിരുത്തൽ. അതേസമയം കാലാവസ്ഥ അടക്കം നിരവധി ഘടകങ്ങൾ അനുകൂലമായെങ്കിൽ മാത്രമേ ഡ്രൈവ്-ഇൻ സിനിമ വിജയിക്കുകയുള്ളുവെന്ന് മിർസ പറഞ്ഞു. പ്രവർത്തനം വിപുലപ്പെടുത്തുന്നതിന്റെ ഭാഗമായി ഡ്രൈവ് -ഇൻ സിനിമ പോലുള്ള പുത്തൻ അനുഭവങ്ങൾ ഇനിയും മൂവി പ്രേക്ഷകർക്കായി അവതരിപ്പിക്കുമെന്നും മിർസ കൂട്ടിച്ചേർത്തു.

  52 -ാമത് അന്താരാഷ്ട്ര ചലച്ചിത്രമേള 2021 നവംബർ 20 മുതൽ 28 വരെ ഗോവയിൽ; കാർലോസ് സൗറ സംവിധാനം ചെയ്ത 'ദി കിംഗ് ഓഫ് ഓൾ ദി വേൾഡ്' ഓപ്പണിംഗ് ഫിലിം

ഈ വർഷം സൌദിയിൽ 15 പുതിയ സിനിമാസ് ആരംഭിക്കാനാണ് മൂവിയുടെ പദ്ധതി. നിലവിൽ മൂവിക്ക് 150 സ്ക്രീനുകളാണ് രാജ്യത്തുള്ളത്.

Maintained By : Studio3