ഇന്ത്യന്‍ സ്‌പേസ് ഇക്കോണമി 100 ബില്യണ്‍ ഡോളറിലേക്ക് കുതിക്കും
ഇന്ത്യയുടെ ബഹിരാകാശ സമ്പദ്വ്യവസ്ഥ ഇന്ന് ഏകദേശം 8 ബില്യണ്‍ ഡോളറിന്റേതാണ്, എന്നാല്‍ 2040 ആകുമ്പോഴേക്കും ഇത് 40 ബില്യണ്‍ ഡോളറിലെത്തുമെന്ന് പ്രവചിക്കപ്പെടുന്നു. അതേസമയം എഡിഎല്‍ (ആര്‍തര്‍ ഡി ലിറ്റില്‍) റിപ്പോര്‍ട്ട് അനുസരിച്ച്, 2040 ആകുമ്പോഴേക്കും ഇന്ത്യന്‍ സ്‌പേസ് സമ്പദ് വ്യവസ്ഥയ്ക്ക് 100 ബില്യണ്‍ ഡോളറിലെത്താനുള്ള ശേഷിയുണ്ട്. 50,000 കോടി രൂപയിലധികം ആസ്തികള്‍ ഇന്ത്യക്ക് ബഹിരാകാശത്തുണ്ട്, ഇതില്‍ 50 പ്രവര്‍ത്തന സാറ്റലൈറ്റുകളും ഉള്‍പ്പെടും…ഇത്തരത്തില്‍ വളരെ വലിയ സാധ്യതകളാണ് ബഹിരാകാശ വ്യവസായത്തില്‍ ഇന്ത്യക്കുള്ളതെന്ന് പറയുന്നു കേന്ദ്ര സ്‌പേസ്, അറ്റോമിക് എനര്‍ജി സഹമന്ത്രി ഡോ. ജിതേന്ദ്ര സിംഗ്. ബഹിരാകാശ വ്യവസായവുമായി ബന്ധപ്പെട്ട സാധ്യതകള്‍ വിശദമായി അനാവരണം ചെയ്യുകയാണ് അദ്ദേഹം:
ആഗോളതലത്തില്‍ വളരെയധികം സ്വീകാര്യത നേടിക്കഴിഞ്ഞു ഇന്ത്യന്‍ ബഹിരാകാശ മേഖല. ആദ്യ ശ്രമത്തില്‍ തന്നെ ചൊവ്വ പേടകങ്ങള്‍ വിജയകരമായി വിക്ഷേപിക്കുകയും നൂറുകണക്കിന് വിദേശ ഉപഗ്രഹങ്ങള്‍ ബഹിരാകാശത്തേക്ക് കൊണ്ടുപോകുകയും ചെയ്തുകൊണ്ട് ചെലവ് കുറഞ്ഞ ഉപഗ്രഹങ്ങള്‍ നിര്‍മ്മിക്കുന്നതിന് ഇന്ത്യന്‍ ബഹിരാകാശ മേഖല ആഗോളതലത്തില്‍ അംഗീകരിക്കപ്പെട്ടിരിക്കുന്നു. 2020 ല്‍ ഇന്ത്യന്‍ ബഹിരാകാശ മേഖലയുടെ മൂല്യം 9.6 ബില്യണ്‍ ഡോളറായിരുന്നു. ഇതിലൂടെ ആഗോള ബഹിരാകാശ സമ്പദ്വ്യവസ്ഥയിലേക്ക് 2%-3% സംഭാവന ചെയ്യാന്‍ ഇന്ത്യക്ക് സാധിക്കുന്നു. 2025 ആകുമ്പോഴേക്കും ഈ മേഖലയുടെ വലുപ്പം 13 ബില്യണ്‍ ഡോളറിലെത്തുമെന്ന് പ്രതീക്ഷിക്കുന്നു, 2030 ആകുമ്പോഴേക്കും ആഗോള സമ്പദ്വ്യവസ്ഥയുടെ 10 ശതമാനത്തോളം വിഹിതം പിടിച്ചെടുക്കാന്‍ ഇന്ത്യക്ക് സാധിക്കുമെന്നാണ് പ്രതീക്ഷ. ഇപ്പോള്‍ ലോകത്തിലെ ആറാമത്തെ വലിയ ബഹിരാകാശ ഏജന്‍സിയാണ് ഐഎസ്ആര്‍ഒ. മാത്രമല്ല, പദ്ധതികളുടെ വിക്ഷേപണത്തില്‍ അസാധാരണമായ വിജയശതമാനവും ഉണ്ട്.
വലിയ സാധ്യതകള്‍
പൊതു, സ്വകാര്യ മേഖലകളില്‍ വലിയ കുതിപ്പാണ് ബഹിരാകാശരംഗത്തുണ്ടായിക്കൊണ്ടി
നാസയുടെ ആര്‍ട്ടെമിസ് പ്രോഗ്രാമില്‍ പങ്കെടുക്കുന്ന രാജ്യങ്ങള്‍ക്കിടയില്‍ ബഹിരാകാശ പര്യവേക്ഷണ സഹകരണം നയിക്കുന്നതിനുള്ള പ്രായോഗിക തത്വങ്ങള്‍ സ്ഥാപിക്കുന്ന ആര്‍ട്ടിമിസ് കരാറില്‍ ഒപ്പുവെക്കുന്ന 27-ാമത്തെ രാജ്യമാണ് ഇന്ത്യ. 2021-2023 കാലയളവില്‍ വിദേശ ഉപഗ്രഹങ്ങള്‍ വിക്ഷേപിക്കുന്നതിന് നാല് രാജ്യങ്ങളുമായി ആറ് കരാറുകളില്‍ ഐഎസ്ആര്‍ഒ ഒപ്പുവച്ചു. വാണിജ്യ കാഴ്ചപ്പാടില്‍ നോക്കുകയാണെങ്കില്‍ ഈ ലോഞ്ചുകള്‍ക്ക് 141 മില്യണ്‍ ഡോളര്‍ വരുമാനം നേടാനുള്ള ശേഷിയുണ്ട്.
വാണിജ്യസാധ്യതകളും മുതലെടുക്കണം
ബഹിരാകാശ മേഖലയില്‍ നിന്ന് വരുമാനമുണ്ടാക്കുന്നത് ശക്തിപ്പെടുത്തുകയെന്ന ലക്ഷ്യത്തിലാണ് തങ്ങളുടെ വാണിജ്യ വിഭാഗമെന്ന നിലയില്‍ ന്യൂസ്‌പേസ് ഇന്ത്യ ലിമിറ്റഡിന്(എന്‍എസ്‌ഐഎല്‍) ഐഎസ്ആര്‍ഒ തുടക്കമിട്ടത്. ടെക്നോളജി ട്രാന്‍സ്ഫര്‍, അഗ്രഗേറ്റര്‍ ഇക്കോണമി മോഡലുകള്‍ എന്നിവയിലൂടെ സ്വകാര്യ സംരംഭങ്ങളില്‍ നിന്ന് ഡിമാന്‍ഡ് സൃഷ്ടിച്ച് ബഹിരാകാശ മേഖലയുടെ വാണിജ്യ വശം ഐഎസ്ആര്‍ഒയില്‍ നിന്ന് അകറ്റി, സ്ഥാപനത്തെ ഗവേഷണ വികസന പ്രവര്‍ത്തനങ്ങളില്‍ കൂടുതല്‍ ശ്രദ്ധ പതിപ്പിക്കുന്ന തലത്തിലേക്ക് ഉയര്‍ത്തുകയെന്നതാണ് അതിന്റെ ലക്ഷ്യം. വാണിജ്യാടിസ്ഥാനത്തില്‍ സാറ്റലൈറ്റ് അധിഷ്ഠിത ആപ്ലിക്കേഷനുകള്‍ വാഗ്ദാനം ചെയ്യുന്നതുള്‍പ്പെടെ ബഹിരാകാശ ആസ്തികളുടെയും സേവനങ്ങളുടെയും ആവശ്യത്തിനും വിതരണത്തിനുമുള്ള എക്സ്‌ക്ലൂസീവ് പൊതുമേഖലാ അഗ്രഗേറ്ററായി പ്രവര്‍ത്തിക്കുകയാണ് എന്‍എസ്‌ഐഎല്‍. പിഎഎസ്എല്‍വിയുടെയും മറ്റ് ലോഞ്ച് വെഹിക്കിള്‍സിന്റെയും നിര്‍മാണവും ലോഞ്ചുമെല്ലാം ഇതില്‍ ഉള്‍പ്പെടും. സ്വകാര്യ മേഖലയുടെ പങ്കാളിത്തം പ്രോല്‍സാഹിപ്പിച്ചാണ് അവരുടെ പ്രവര്‍ത്തനം. ഈ മേഖലയിലെ വ്യവസായ പങ്കാളിത്തവും വാണിജ്യ പ്രവര്‍ത്തനങ്ങളും ശക്തിപ്പെടുത്തുന്നതിനായി എന്‍എസ്‌ഐഎല്‍ അടുത്ത 5 വര്‍ഷത്തിനുള്ളില്‍ 1.2 ബില്യണ്‍ ഡോളറിന്റെ മൊത്തം നിക്ഷേപമാണ് പ്രഖ്യാപിച്ചിരിക്കുന്നത്. സാറ്റലൈറ്റ് കമ്മ്യൂണിക്കേഷന്‍ മേഖലകളിലെയും ജിയോസ്‌പേഷ്യല്‍ ഡാറ്റാ അധിഷ്ഠിത സേവനങ്ങള്‍ ഉള്‍പ്പെടെയുള്ള ആപ്ലിക്കേഷന്റെ മറ്റ് മേഖലകളിലെയും പുതിയ കണ്ടുപിടുത്തങ്ങള്‍ക്കൊപ്പം, ബഹിരാകാശ അധിഷ്ഠിത സേവനങ്ങള്‍ക്ക് വര്‍ദ്ധിച്ച ഡിമാന്‍ഡുണ്ട്, അതുവഴി വാണിജ്യ സാധ്യതകള്‍ ഉപയോഗപ്പെടുത്തുന്നതിന് കൂടുതല്‍ സംരംഭങ്ങള്‍ ബഹിരാകാശത്ത് അപ്സ്ട്രീം, ഡൗണ്‍സ്ട്രീം മേഖലകളിലേക്ക് കടക്കേണ്ടതുണ്ട്.
സ്‌പേസ് ഉന്നമിട്ട് സ്റ്റാര്‍ട്ടപ്പുകളും
ഇന്ത്യയിലെ സ്റ്റാര്‍ട്ടപ്പുകള്‍ ബഹിരാകാശ വിപണിയില്‍ ഇപ്പോള്‍ സജീവ താല്‍പ്പര്യം കാണിക്കുന്നുവെന്നതും ശ്രദ്ധേയമാണ്. 2012-ല്‍ ബഹിരാകാശ മേഖലയില്‍ വെറും 1 സ്റ്റാര്ട്ടപ്പാണുണ്ടായിരുന്
ബഹിരാകാശ മേഖലയുടെ ബജറ്റിന്റെ 48% വരുന്ന ബഹിരാകാശ സ്‌പേസ് ക്രാഫ്റ്റുകള്‍ക്കായുള്ള ഗ്രൗണ്ട് സ്റ്റേഷനുകള്‍ സ്ഥാപിക്കുന്നതില്‍ സ്വകാര്യ കമ്പനികള്‍ക്ക് ഇപ്പോള്‍ പങ്കെടുക്കാം. ബഹിരാകാശ സമ്പദ്വ്യവസ്ഥയുടെ 45% സംഭാവന ചെയ്യുന്ന ബഹിരാകാശ സാങ്കേതികവിദ്യയുടെ പ്രയോഗങ്ങളിലും അവര്‍ക്ക് സംരംഭങ്ങള്‍ തുടങ്ങാനാകും. കൂടാതെ, ചെറിയ ഉപഗ്രഹ വിഭാഗവും ഘടക നിര്‍മ്മാണവും സ്വകാര്യ പങ്കാളിത്തത്തിനുള്ള ഉയര്‍ന്നുവരുന്ന മേഖലകളാകുമെന്ന് പ്രവചിക്കപ്പെടുന്നു.
ഇന്ത്യയിലെ ബഹിരാകാശ ആവാസവ്യവസ്ഥയ്ക്ക് അനുകൂലമായുണ്ടാകുന്ന നയപരമായ മാറ്റങ്ങള്‍ ആഗോളതലത്തില്‍ രാജ്യത്തിന്റെ നേതൃത്വപരമായ പങ്ക് കൂടി അടയാളപ്പെടുത്തുകയാണ്. ബഹിരാകാശ നയം 2023, ഇന്ത്യന്‍ ബഹിരാകാശ ആവാസവ്യവസ്ഥയെക്കുറിച്ചുള്ള സദ്ഉദ്ദേശ്യങ്ങളെയും കാഴ്ചപ്പാടിനെയും പ്രതിഫലിപ്പിക്കുന്ന സമഗ്ര രേഖയാണ്. ബഹിരാകാശ സമ്പദ്വ്യവസ്ഥയുടെ മുഴുവന്‍ മൂല്യ ശൃംഖലയിലും സ്വകാര്യമേഖല ഒരു നിര്‍ണായക പങ്കാളിയാണെന്ന് ഇത് സൂചിപ്പിക്കുന്നു. സ്വകാര്യ ബഹിരാകാശ പ്രവര്‍ത്തനങ്ങള്‍ക്ക് ആവശ്യമായ നിയന്ത്രണ ചട്ടക്കൂടും നടപടിക്രമ മാര്‍ഗ്ഗനിര്‍ദ്ദേശങ്ങളും പ്രദാനം ചെയ്യുന്ന ബഹിരാകാശ പ്രവര്‍ത്തന ബില്ലും 10 കരട് നയങ്ങളും തയാറായി വരികയാണ്. ഇത് മേഖലയിലെ നിക്ഷേപങ്ങള്‍ക്കും സാങ്കേതിക പിന്തുണയ്ക്കുമെല്ലാം പുതിയ വാതായനങ്ങള്‍ തുറന്നിടും.
തന്റെ ദീര്‍ഘവീക്ഷണത്തിലൂടെയും ബഹിരാകാശ ഗവേഷണത്തിനുള്ള വിഹിതം വര്‍ധിപ്പിച്ചതിലൂടെയും പ്രധാനമന്ത്രി ശ്രീ നരേന്ദ്ര മോദി ചന്ദ്രയാന്‍-3 ദൗത്യം പ്രാപ്തമാക്കി. അവര്‍ക്ക് ആവശ്യമുള്ളപ്പോള്‍ ഞങ്ങള്‍ ഫണ്ട് വാഗ്ദാനം ചെയ്യുന്നു, അവര്‍ക്ക് ആവശ്യമുള്ളപ്പോള്‍ ഞങ്ങള്‍ അവര്‍ക്ക് മികച്ച ഗവേഷണ അന്തരീക്ഷം വാഗ്ദാനം ചെയ്യുന്നു, അവര്‍ക്ക് ആവശ്യമുള്ളപ്പോള്‍ ഞങ്ങള്‍ അവര്‍ക്ക് സ്വാതന്ത്ര്യം വാഗ്ദാനം ചെയ്യുന്നു, അവര്‍ക്ക് ആവശ്യമുള്ളപ്പോള്‍ ഞങ്ങള്‍ അവര്‍ക്ക് സമന്വയം വാഗ്ദാനം ചെയ്യുന്നു, സ്വയം അടിച്ചേല്‍പ്പിച്ച ചങ്ങലകളില്‍ നിന്ന് ഞങ്ങള്‍ അവരെ മോചിപ്പിച്ചു. കഴിഞ്ഞ ഒമ്പത് വര്‍ഷമായി ഇതാണ് സംഭവിച്ചത്.
പ്രധാനമന്ത്രി മോദി ബഹിരാകാശ ബജറ്റില്‍ വന്‍ വര്‍ധനയാണ് വരുത്തിയത്. ബഹിരാകാശ മേഖല സ്വകാര്യ മേഖലയ്ക്ക് തുറന്ന് കൊടുക്കുകയും ചെയ്തു, അതിന്റെ ഫലമായി 2014 ല്‍ വെറും 4 ബഹിരാകാശ സ്റ്റാര്ട്ടപ്പുകളുണ്ടായിരുന്
പ്രധാനമന്ത്രിയുടെ വിഷന്‍
ബഹിരാകാശ മേഖലയില്‍ ഇന്ത്യയുടെ കുതിച്ചുചാട്ടം സാധ്യമായത് പ്രധാനമന്ത്രി ശ്രീ നരേന്ദ്ര മോദി ഈ മേഖലയെ ‘രഹസ്യത്തിന്റെ മൂടുപടത്തില്‍’ നിന്ന് ‘അണ്‍ലോക്ക്’ ചെയ്യാനുള്ള ധീരമായ തീരുമാനമെടുത്തതിന് ശേഷമാണ്… അതിന്റെ ഫലം വലുതായിരുന്നു. ബഹുമുഖ നിക്ഷേപമാണുണ്ടായത്. ഗവേഷണം, അക്കാഡമിക് ലോകം, സ്റ്റാര്‍ട്ടപ്പുകള്‍, ഇന്‍ഡസ്ട്രി എന്നിവയ്ക്കിടയില്‍ ഇപ്പോള്‍ വലിയൊരു സമന്വയമുണ്ട്.
വലിയ നേട്ടങ്ങള്‍
1990കള്‍ക്ക് ശേഷം 430 വിദേശ സാറ്റലൈറ്റുകളാണ് ഐഎസ്ആര്‍ഒ ലോഞ്ച് ചെയ്തത്. ഇതില്‍ 90 ശതമാനത്തിലധികവും, അതായത് 389 എണ്ണം കഴിഞ്ഞ ഒമ്പത് വര്‍ഷത്തിനിടെയാണ് വിക്ഷേപിച്ചത്. വിദേശ സാറ്റലൈറ്റുകള്‍ വിക്ഷേപിച്ചതിലൂടെ 174 മില്യണ്‍ ഡോളറിന്റെ വരുമാനമാണ് ഇന്ത്യ നേടിയത്. ഇതില്‍ 157 മില്യണ്‍ ഡോളര്‍ നേടിയത് അവസാന ഒമ്പത് വര്‍ഷത്തിലാണ്. 30 വര്‍ഷത്തിനിടെ ഇന്ത്യ വിക്ഷേപിച്ച യൂറോപ്യന്‍ സാറ്റലൈറ്റുകളില്‍ നിന്നുള്ള വരുമാനം 290 മില്യണ്‍ ഡോളറാണ്. ഇതില്‍ 257 മില്യണ്‍ ഡോളര്‍, അതായത് 90 ശതമാനത്തോളം നേടിയത് കഴിഞ്ഞ ഒമ്പത് വര്‍ഷത്തിനിടയിലാണെന്നതും ശ്രദ്ധേയമാണ്. വലിയ കുതിപ്പാണുണ്ടായിക്കൊണ്ടിരിക്കു
ഇന്ത്യയുടെ ബഹിരാകാശ സമ്പദ്വ്യവസ്ഥ ഇന്ന് ഏകദേശം 8 ബില്യണ്‍ ഡോളറിന്റേതാണ്, എന്നാല്‍ 2040 ആകുമ്പോഴേക്കും ഇത് 40 ബില്യണ്‍ ഡോളറിലെത്തുമെന്ന് പ്രവചിക്കപ്പെടുന്നു. അതേസമയം എഡിഎല്‍ (ആര്‍തര്‍ ഡി ലിറ്റില്‍) റിപ്പോര്‍ട്ട് അനുസരിച്ച്, 2040 ആകുമ്പോഴേക്കും ഇന്ത്യയുടെ ബഹിരാകാശ സമ്പദ് വ്യവസ്ഥ 100 ബില്യണ്‍ ഡോളറിലെത്തുമെന്നാണ് കണക്കാക്കപ്പെടുന്നത്. ഇന്ത്യയുടെ ബഹിരാകാശ ദൗത്യങ്ങളെല്ലാം രൂപകല്‍പ്പന ചെയ്തിരിക്കുന്നത് ചെലവ് കുറഞ്ഞ മാതൃകയിലാണെന്നതാണ് ഏറ്റവും വലിയ സവിശേഷത.
മാതൃകയാകുന്ന ഇന്ത്യ
റഷ്യയുടെ ചാന്ദ്രദൗത്യത്തിന് 16,000 കോടി രൂപ ചെലവ് വന്നപ്പോള്‍ നമ്മുടെ ചന്ദ്രയാന്‍-3 ദൗത്യത്തിന് ഏകദേശം 600 കോടി രൂപ മാത്രമാണ് ചെലവായത്. വലിയ പണത്തെ നമ്മുടെ കഴിവുകളിലൂടെ പകരം വെച്ചതുകൊണ്ട് സംഭവിച്ചതാണത്. 1969ല്‍ നീല്‍ ആംസ്ട്രോങ് ചന്ദ്രനില്‍ കാലുകുത്തിയെങ്കിലും ചന്ദ്രോപരിതലത്തില്‍ ജലത്തിന്റെ സാന്നിധ്യത്തെക്കുറിച്ചുള്ള തെളിവുകള്‍ കൊണ്ടുവന്നത് നമ്മുടെ ചന്ദ്രയാന്‍ ആയിരുന്നു.
കാലാവസ്ഥാ പ്രവചനവും ദുരന്തനിവാരണവും, സ്മാര്‍ട്ട് സിറ്റി പദ്ധതി, ഇന്‍ഫ്രാസ്ട്രക്ചര്‍ ഡെവലപ്മെന്റ്, റെയില്‍വേ ട്രാക്കുകളും ആളില്ലാ റെയില്‍വേ ക്രോസിംഗുകളുടെ മാനേജ്മെന്റ്, റോഡുകളും കെട്ടിടങ്ങളും, ടെലിമെഡിസിന്‍, ഗവേണന്‍സ്, ‘സ്വാമിത്വ’ ജിപിഎസ് ലാന്‍ഡ് മാപ്പിംഗ് തുടങ്ങി മിക്കവാറും എല്ലാ മേഖലകളിലും ഇന്ത്യ ബഹിരാകാശ ആപ്ലിക്കേഷനുകള്‍ ഉപയോഗിക്കുന്നു. പ്രധാനമന്ത്രി മോദിയുടെ ഒമ്പത് വര്‍ഷത്തെ ഭരണകാലത്ത്, ഇന്ത്യയുടെ ദുരന്തനിവാരണ സംവിധാനങ്ങള്‍ ലോകനിലവാരമുള്ളതായി മാറി, അയല്‍ രാജ്യങ്ങള്‍ക്കും ഈ മേഖലയില്‍ രാജ്യം സഹായം നല്‍കുന്നു. ഇന്ത്യ നടത്തിയ വമ്പന്‍ കുതിച്ചുചാട്ടം ലോകം ഇന്ന് തിരിച്ചറിഞ്ഞിരിക്കുന്നു.
ഗവേഷണ-വികസന പ്രവര്‍ത്തനങ്ങളില്‍ സ്വകാര്യ മേഖലയെ പങ്കാളികളാക്കുന്നതിനായി, പ്രധാനമന്ത്രി ശ്രീ നരേന്ദ്ര മോദി ‘അനുസന്ധന്‍ നാഷണല്‍ റിസര്‍ച്ച് ഫൗണ്ടേഷന്‍’ ബില്‍ കൊണ്ടുവന്നു. സര്‍ക്കാരിതര സ്രോതസ്സുകളില്‍ നിന്നുള്ള ഭൂരിഭാഗം ഫണ്ടിംഗും ഇതിന് ഉണ്ടായിരിക്കും. അഞ്ച് വര്‍ഷം കൊണ്ട് 50,000 കോടി രൂപ ഇതിനായി നീക്കിവെക്കുകയായാണ് ലക്ഷ്യം. ഇതില്‍ 36,000 കോടി, ഏകദേശം 80%, വ്യവസായ ലോകത്ത് നിന്നും ഫിലാന്‍ത്രോപിസ്റ്റുകളില്‍ നിന്നുമായുമെല്ലാം സമാഹരിക്കനാണ് ഉദ്ദേശ്യം.
വിക്രം സാരാഭായിയുടെ സ്വപ്നം
ഐഎസ്ആര്‍ഒയുടെ ആദ്യ ചെയര്‍മാനും ഇന്ത്യയുടെ ബഹിരാകാശ പദ്ധതിയുടെ സ്ഥാപക നേതാവുമായ ഡോ. വിക്രം സാരാഭായ്, ഐഎസ്ആര്‍ഒ ദേശീയതലത്തില്‍ അര്‍ത്ഥവത്തായ പങ്ക് വഹിക്കണമെന്ന് എപ്പോഴും ആഗ്രഹിച്ചിരുന്നു. പ്രധാനമന്ത്രി മോദിയുടെ നേതൃത്വത്തിലുള്ള സര്‍ക്കാരിന്റെ ഒമ്പത് വര്‍ഷത്തെ പ്രവര്‍ത്തനങ്ങളിലൂടെ പര്യവേക്ഷണത്തിനായി കാത്തിരുന്ന ഇന്ത്യയ്ക്ക് പുതിയ ചിറകുകള്‍ ലഭിച്ചിരിക്കുന്നു.
വളരെ അര്‍ത്ഥവത്തായ ലക്ഷ്യങ്ങളാണ് ഇന്ത്യന്‍ സ്‌പേസ് രംഗത്തിനുള്ളത്. ചന്ദ്രയാന്‍-3 ദൗത്യത്തിന്റെ നേട്ടങ്ങള്‍ നമ്മള്‍ ആഘോഷിക്കുന്നതുപോലെ, ലാഗ്രാഞ്ച് പോയിന്റ് 1-ല്‍ സൗരാന്തരീക്ഷത്തെക്കുറിച്ച് പഠിക്കാനുള്ള കൊറോണഗ്രാഫി ബഹിരാകാശ പേടകമായ ആദിത്യ എല്‍ 1 സ്ഥാപിച്ച് ഐഎസ്ആര്‍ഒ മറ്റൊരു നാഴികക്കല്ല് കൂടി പിന്നിട്ടു. ഭൂമിയില്‍ നിന്ന് ഏകദേശം 1.5 ദശലക്ഷം കിലോമീറ്റര്‍ അകലെയുള്ള ഒരു അതുല്യമായ പോയിന്റില്‍ നിന്ന്, സൂര്യനെ കുറിച്ച് തുടര്‍ച്ചയായതും തടസ്സമില്ലാത്തതുമായ പഠനം സാധ്യമാക്കുന്നു ഇത്. ഈ ദൗത്യത്തിലൂടെ, നമ്മുടെ ഏറ്റവും അടുത്തുള്ള നക്ഷത്രമായ സൂര്യനെക്കുറിച്ചുള്ള പഠനത്തിനായി സമര്‍പ്പിച്ചിരിക്കുന്ന രാജ്യങ്ങളുടെ പ്രത്യേക ഗ്രൂപ്പില്‍ ചേരാന്‍ ഇന്ത്യ ഒരുങ്ങുകയാണ്.
സൂര്യനെയും ചന്ദ്രനെയും പര്യവേക്ഷണം ചെയ്യാനുള്ള വിജയകരമായ ദൗത്യങ്ങള്‍ക്ക് ശേഷം, ഐഎസ്ആര്‍ഒയ്ക്ക് ആവേശകരമായ ഭാവി ശ്രമങ്ങളുടെ ഒരു നിര തന്നെയുണ്ട്. നമ്മുടെ സൗരയൂഥത്തിലെ ഏറ്റവും കത്തുന്ന രണ്ടാമത്തെ ഗ്രഹമായ ശുക്രനിലേക്കും ഐഎസ്ആര്‍ഒ നോട്ടമിടുന്നു. ഐഎസ്ആര്‍ഒയുടെ വരാനിരിക്കുന്ന ബഹിരാകാശ പേടകമായ ശുക്രയാന്‍-1, 2024 ഡിസംബര്‍ അവസാനത്തോടെ വിക്ഷേപിക്കും. നമ്മുടെ ശാസ്ത്രജ്ഞരും എഞ്ചിനീയര്‍മാരും ശുക്രയാന്‍-1 നെ അതിസൂക്ഷ്മമായി തയ്യാറാക്കിയത് ശുക്രന്റെ തീവ്ര സാഹചര്യങ്ങളെ ചെറുക്കാനും ഏറ്റവും വെല്ലുവിളി നിറഞ്ഞ സാഹചര്യങ്ങളില്‍ പ്രവര്‍ത്തിക്കാനുമാണ്. ഗഗന്‍യാന്‍ മനുഷ്യ ബഹിരാകാശ ദൗത്യവും ഒരു പ്രധാന ശ്രദ്ധാകേന്ദ്രമാണ്. പരീക്ഷണ പറക്കല്‍ പരീക്ഷണം ഇതിനകം നടത്തിക്കഴിഞ്ഞു. 2025 ആകുമ്പോഴേക്കും മനുഷ്യനെ ബഹിരാകാശത്തേക്ക് അയച്ച് സുരക്ഷിതമായ തിരിച്ചുവരവ് ഉറപ്പാക്കുകയാണ് ഇന്ത്യയുടെ ലക്ഷ്യം. ‘ഗഗന്‍യാന്‍ ദൗത്യത്തിന് മുമ്പ്, അടുത്ത വര്‍ഷം ഒരു പരീക്ഷണ പറക്കല്‍ ഉണ്ടാകും, അത് വനിതാ റോബോട്ട് ബഹിരാകാശയാത്രികയായ ‘വ്യോമിത്ര’യെ രംഗത്തിറക്കിയാകും ചെയ്യുക. 400 കിലോമീറ്റര്‍ ഭ്രമണപഥത്തില്‍ മനുഷ്യസംഘത്തെ വിക്ഷേപിക്കുകയും അവരെ സുരക്ഷിതമായി ഭൂമിയിലേക്ക് തിരികെ കൊണ്ടുവരികയും ചെയ്യുന്ന ഗഗന്‍യാന്‍ പദ്ധതി ആഗോളതലത്തില്‍ ശ്രദ്ധനേടിക്കഴിഞ്ഞിട്ടുണ്ട്.
