Future Kerala

Future Kerala : Daily On Business , Economy and Society | Latest Malayalam News | FK Special | Kerala | India | Politics | Sports | Movie | Lifestyle | E Paper | Malayalam News | Breaking News | Kerala News

കാര്‍ഷിക കയറ്റുമതി : കോവിഡിനെ അതിജീവിച്ചും രാജ്യം കുതിച്ചത് എങ്ങനെ?

1 min read

കാര്‍ഷിക അനുബന്ധ ചരക്കുകളുടെ കയറ്റുമതി 2020 ഏപ്രില്‍ മുതല്‍ 2021 ഫെബ്രുവരി വരെയുള്ള കാലയളവില്‍ 2.74 ലക്ഷം കോടി രൂപയാണ്

ന്യൂഡെല്‍ഹി: ഇന്ത്യ വര്‍ഷങ്ങളായി കാര്‍ഷിക ഉത്പന്ന മേഖലയില്‍ വ്യാപാര മിച്ചം നിലനിര്‍ത്തി വരുന്ന രാജ്യമാണെങ്കിലും കോവിഡ് കാലത്ത് മേഖല പ്രതിസന്ധി നേരിടുമെന്നാണ് കരുതിയത്. എന്നാല്‍ 2019-20 കാലയളവില്‍ ഇന്ത്യയുടെ കാര്‍ഷിക അനുബന്ധ കയറ്റുമതി 2.52 ലക്ഷം കോടി രൂപയും ഇറക്കുമതി 1.47 ലക്ഷം കോടി രൂപയുമായിരുന്നു.

കാര്‍ഷിക അനുബന്ധ ചരക്കുകളുടെ കയറ്റുമതി 2020 ഏപ്രില്‍ മുതല്‍ 2021 ഫെബ്രുവരി വരെയുള്ള കാലയളവില്‍ 2.74 ലക്ഷം കോടി രൂപയാണ്. കഴിഞ്ഞ വര്‍ഷം ഇതേ കാലയളവില്‍ ഇത് 2.31 കോടി രൂപയായിരുന്നു.18.49 ശതമാനം വര്‍ധന രേഖപ്പെടുത്തി.

  2020-21ല്‍ കാനറ ബാങ്കിന്‍റെ അറ്റാദായം 2,557 കോടി രൂപ

ഗോതമ്പ്, മറ്റ് ധാന്യങ്ങള്‍, അരി (ബസുമതി ഒഴികെയുള്ളത്), സുഗന്ധവ്യഞ്ജനങ്ങള്‍, പഞ്ചസാര, അസംസ്കൃത പരുത്തി,സംസ്ക്കരിക്കാത്ത പച്ചക്കറികള്‍, സംസ്കരിച്ച പച്ചക്കറികള്‍, ലഹരി പാനീയങ്ങള്‍ എന്നിവയാണ് കയറ്റുമതിയില്‍ ഗണ്യമായ വളര്‍ച്ച രേഖപ്പെടുത്തിയ കാര്‍ഷിക ഉത്പന്നങ്ങള്‍.

ഗോതമ്പും മറ്റ് ധാന്യങ്ങളും കഴിഞ്ഞ വര്‍ഷത്തെ അപേക്ഷിച്ച് വന്‍ വളര്‍ച്ചയാണ് രേഖപ്പെടുത്തിയത്. യഥാക്രമം 425 കോടി രൂപയില്‍ നിന്ന് 3283 കോടി രൂപയായും 1318 കോടി രൂപയില്‍ നിന്ന് 4542 കോടി രൂപയായുംവളര്‍ച്ച രേഖപ്പെടുത്തി.ഗോതമ്പ് കയറ്റുമതിയില്‍ ഇന്ത്യ 727 ശതമാനം വളര്‍ച്ച നേടി.

  ഇന്ത്യയിലെ കോവിഡ് വ്യാപനം ആഗോള വ്യാപാര പ്രതിസന്ധി സൃഷ്ടിക്കും

അരി (ബസുമതി ഇതര) കയറ്റുമതിയില്‍ രാജ്യം 132% വളര്‍ച്ച കൈവരിച്ചു. ബസുമതി ഇതര അരി കയറ്റുമതി 2019-20-ല്‍ 13,030 കോടി രൂപയായിരുന്നത് 2020-21ല്‍ 30,277 കോടി രൂപയായി ഉയര്‍ന്നു.

കാര്‍ഷിക,അനുബന്ധ ചരക്കുകളുടെ ഇറക്കുമതി 2020 ഏപ്രില്‍ മുതല്‍ 2021 ഫെബ്രുവരി വരെയുള്ള കാലയളവില്‍ 141034.25 കോടി രൂപയാണ്. കഴിഞ്ഞ വര്‍ഷം ഇതേ കാലയളവില്‍ 137014.39 കോടി രൂപയായിരുന്നു. 2.93 ശതമാനം വര്‍ദ്ധന.

2020 ഏപ്രില്‍ മുതല്‍ 2021 ഫെബ്രുവരി വരെയുള്ള കാലയളവില്‍, കോവിഡ്-19 പ്രതിസന്ധിക്കിടയിലും, കാര്‍ഷിക വ്യാപാര മിച്ചത്തില്‍ വര്‍ദ്ധന രേഖപ്പെടുത്തി.2019-20 ല്‍ ഇതേ കാലയളവില്‍ 93,907.76 കോടി രൂപയായിരുന്നത് 132,579.69 കോടി രൂപയായാണ് വര്‍ദ്ധിച്ചത്.

  കനത്തമഴ; തീരപ്രദേശങ്ങളില്‍ കനത്ത നാശം
Maintained By : Studio3