ഐസിഐസിഐ ലൈഫ് പാർട്ണർ സ്റ്റാക്ക് 2.0
കൊച്ചി, 2026 ഓഗസ്റ്റ് 31: ഐസിഐസിഐ പ്രുഡൻഷ്യൽ ലൈഫ് ഇൻഷുറൻസ് 2026-ൽ പുതിയ സവിശേഷതകളോടെ തങ്ങളുടെ പാർട്ണർ സ്റ്റാക്ക് നവീകരിച്ച് ‘ഐസിഐസിഐ ലൈഫ് പാർട്ണർ സ്റ്റാക്ക് 2.0’ ആയി പുനരവതരിപ്പിച്ചു. സെയിൽസ്, ഓൺബോർഡിംഗ്, ഉപഭോക്തൃ സേവനം എന്നിവയിലുടനീളം കമ്പനിയുടെ അഡ്വൈസർ, ഡിസ്ട്രിബ്യൂഷൻ നെറ്റ്വർക്കിനെ പിന്തുണയ്ക്കുന്നതിനായി എഐ-അധിഷ്ഠിത ടൂളുകളും, ആഴത്തിലുള്ള പാർട്ണർ-സിസ്റ്റം സംയോജനങ്ങളും ഡിജിറ്റൽ ശേഷികളും ഈ സ്റ്റാക്ക് ഒരുക്കുന്നു. അഡ്വൈസർമാർക്കും ഡിസ്ട്രിബ്യൂഷൻ പങ്കാളികൾക്കും പ്രസക്തമായ പരിഹാരങ്ങൾ കണ്ടെത്താനും കൊട്ടേഷനുകൾ സൃഷ്ടിക്കാനും ഉപഭോക്താക്കളെ ഓൺബോർഡ് ചെയ്യാനും ഡിജിറ്റലായി സേവനം നൽകാനും പ്രാപ്തരാക്കിക്കൊണ്ട് ഉപഭോക്തൃ അനുഭവം ലളിതമാക്കുന്നതിനാണ് ഈ നവീകരണം രൂപകൽപ്പന ചെയ്തിരിക്കുന്നത്. ഉപഭോക്തൃ വിഭാഗത്തിന്റെയും ജീവിത ഘട്ടത്തിന്റെയും അടിസ്ഥാനത്തിൽ അനുയോജ്യമായ ഉൽപ്പന്നങ്ങൾ നിർദ്ദേശിക്കുന്നതിനായി ‘ഇക്വോട്ട് ആപ്പ്’ എന്ന എഐ-അധിഷ്ഠിത ഉൽപ്പന്ന ശുപാർശ സംവിധാനം ഉപയോഗിക്കുന്നു, കൂടാതെ വ്യക്തിഗത കൊട്ടേഷനുകൾ സൃഷ്ടിക്കാനും പങ്കിടാനും ഇത് അഡ്വൈസർമാരെ സഹായിക്കുന്നു. എഐ-അധിഷ്ഠിത ചാറ്റ്ബോട്ടായ ‘ലിവ’, ഉപഭോക്താക്കളുമായി സംവദിക്കുമ്പോൾ ഉൽപ്പന്ന സവിശേഷതകളും കൊട്ടേഷനുകളും ആക്സസ് ചെയ്യാൻ അഡ്വൈസർമാരെ സഹായിക്കുന്ന ഒരു കോൺവെർസേഷണൽ ഇന്റർഫേസ് നൽകുന്നു. ഉപഭോക്താക്കൾക്ക് ലൈഫ് ഇൻഷുറൻസ് പരിഹാരങ്ങൾ മനസ്സിലാക്കാനും നേടാനും സഹായിക്കുന്നതിൽ ഞങ്ങളുടെ അഡ്വൈസർമാരും ഡിസ്ട്രിബ്യൂഷൻ പങ്കാളികളും ഒരു പ്രധാന പങ്ക് വഹിക്കുന്നുണ്ടെന്ന് ഐസിഐസിഐ പ്രുഡൻഷ്യൽ ലൈഫ് ഇൻഷുറൻസ് ചീഫ് ഡിസ്ട്രിബ്യൂഷൻ ഓഫീസർ അമീഷ് ബാങ്കർ പറഞ്ഞു അനുയോജ്യമായ പരിഹാരങ്ങൾ കണ്ടെത്തുന്നതും കൊട്ടേഷനുകൾ സൃഷ്ടിക്കുന്നത് മുതൽ ഓൺബോർഡിംഗും സേവനങ്ങളും വരെയുള്ള ദൈനംദിന പ്രവർത്തനങ്ങൾ ലളിതവും ഉപഭോക്തൃ സൗഹൃദവുമാക്കുന്ന ഡിജിറ്റൽ, എഐ-അധിഷ്ഠിത ടൂളുകൾ അവർക്ക് നൽകാനാണ് ഐസിഐസിഐ ലൈഫ് പാർട്ണർ സ്റ്റാക്ക് 2.0 ലക്ഷ്യമിടുന്നത്. ഈ ശേഷികൾ പാർട്ട്ണർ സിസ്റ്റങ്ങളുമായി സംയോജിപ്പിക്കുന്നതിലൂടെ, ഞങ്ങൾ പ്രക്രിയകൾ വേഗതയേറിയതും തടസ്സരഹിതവുമാക്കുന്നു, അതുവഴി ഞങ്ങളുടെ പാർട്ണർമാർക്ക് ഉപഭോക്താക്കളുടെ ആവശ്യങ്ങൾ മനസ്സിലാക്കുന്നതിലും സേവനം നൽകുന്നതിലും ശ്രദ്ധ കേന്ദ്രീകരിക്കാൻ സാധിക്കുമെന്ന് അദ്ദേഹം പറഞ്ഞു. പാർട്ണർ സ്റ്റാക്ക് 2.0 പാർട്ണർ സിസ്റ്റങ്ങളുമായി ആഴത്തിലുള്ള സംയോജനവും സാധ്യമാക്കുന്നു. പാർട്ട്ണർ സിആർഎം (CRM) പ്ലാറ്റ്ഫോമുകളുമായുള്ള ഇതിന്റെ സംയോജനം മികച്ച സിൻക്രണൈസേഷനെയും ഉപഭോക്തൃ യാത്രാ മാനേജ്മെന്റിനെയും പിന്തുണയ്ക്കുന്നു. എപിഐ സംയോജനം വഴി, പങ്കാളികൾക്ക് അവരുടെ സ്വന്തം പ്ലാറ്റ്ഫോമുകളിൽ നിന്ന് ഉപഭോക്തൃ സേവന അഭ്യർത്ഥനകൾ ഉയർത്താൻ കഴിയും; ഈ അഭ്യർത്ഥനകൾ ഐസിഐസിഐ പ്രുഡൻഷ്യൽ ലൈഫ് ഇൻഷുറൻസ് കൈകാര്യം ചെയ്യുകയും സ്റ്റാറ്റസ് അപ്ഡേറ്റുകൾ ഡിജിറ്റലായി പങ്കിടുകയും ചെയ്യുന്നു. ഗ്രൂപ്പ് പാർട്ട്ണർമാർക്ക് അംഗങ്ങളുടെ വിശദാംശങ്ങൾ അയക്കാനും ക്ലെയിമുകൾ രജിസ്റ്റർ ചെയ്യാനും സേവന ആവശ്യകതകൾ പങ്കിടാനും എപിഐ സേവനങ്ങൾ ഉപയോഗിക്കാം.
