Future Kerala

Future Kerala : Daily On Business , Economy and Society | Latest Malayalam News | FK Special | Kerala | India | Politics | Sports | Movie | Lifestyle | E Paper | Malayalam News | Breaking News | Kerala News

സൗജന്യ വാക്സിന്‍: മോദിയുടെ പ്രഖ്യാപനത്തില്‍ ആന്ധ്രാമുഖ്യമന്ത്രി നന്ദി അറിയിച്ചു

1 min read

അമരാവതി: 18 വയസ്സിന് മുകളിലുള്ള എല്ലാവര്‍ക്കും സൗജന്യ കോവിഡ് വാക്സിനുകള്‍ നല്‍കാനുള്ള പ്രധാനമന്ത്രി നരേന്ദ്ര മോദിയുടെ തീരുമാനത്തില്‍ ആന്ധ്രപ്രദേശ് മുഖ്യമന്ത്രി വൈ എസ് ജഗന്‍ മോഹന്‍ റെഡ്ഡി സന്തോഷം പ്രകടിപ്പിച്ചു. വാക്സിനുകള്‍ സൗജന്യമായി നല്‍കുന്നതിന് എല്ലാ സംസ്ഥാനങ്ങള്‍ക്കും കോവിഡ് വാക്സിനുകള്‍ വിതരണം ചെയ്യുന്നതിനുള്ള ഉത്തരവാദിത്തം കേന്ദ്രം ഏറ്റെടുക്കുന്നുവെന്ന് തിങ്കളാഴ്ച രാജ്യത്തെ അഭിസംബോധന ചെയ്തുകൊണ്ട് പ്രധാനമന്ത്രി പ്രഖ്യാപിച്ചിരുന്നു.

പ്രധാനമന്ത്രിയുടെ പ്രഖ്യാപനത്തെ സ്വാഗതം ചെയ്ത് തിങ്കളാഴ്ച രാത്രി തന്നെ അദ്ദേഹം ട്വീറ്റുചെയ്തിരുന്നു. ‘കോവിഡ് -19 നെതിരായ ഈ പോരാട്ടത്തിനെതിരായ ഒരേയൊരു ആയുധമാണ് പ്രതിരോധ കുത്തിവയ്പ്പ്. ഈ അനിശ്ചിതത്വം നീക്കി വാക്സിനേഷനെ ഏറ്റവും മുന്‍ഗണനയുള്ള ദേശീയ അജണ്ടയാക്കിയതിന് പ്രധാനമന്ത്രി നരേന്ദ്ര മോദിയോട് ആത്മാര്‍ത്ഥമായ നന്ദി’ റെഡ്ഡി ട്വീറ്റ് ചെയ്തു.

  ശിവസേനയുടെ സംഭാവനകളിലൂടെയുള്ള വരുമാനത്തില്‍ വന്‍ ഇടിവ്

വാക്സിനേഷന്‍ ഡ്രൈവിന്‍റെ ചുമതലയും ഉത്തരവാദിത്തവും ഏറ്റെടുക്കണമെന്ന് കേന്ദ്ര സര്‍ക്കാരിനോട് ആന്ധ്രാപ്രദേശ് മുഖ്യമന്ത്രി വ്യാഴാഴ്ച ആവശ്യപ്പെട്ടിരുന്നു. ആന്ധ്രപ്രദേശ് വാക്സിനായി ആഗോള ടെന്‍ഡറിന് തയ്യാറെടുത്തിരുന്നു. എന്നാല്‍ ഇത് നടപ്പായില്ല. കമ്പിനികള്‍ ദേശീയ സര്‍ക്കാരിനു മാത്രമാണ് വാക്സിന്‍ വില്‍ക്കുക എന്നാണ് അറിയിച്ചത്. മറ്റ് പലസംസ്ഥാനങ്ങളും സമാന രീതിയില്‍ ശ്രമം ആരംഭിച്ചിരുന്നു.

Maintained By : Studio3