Future Kerala

Future Kerala : Daily On Business , Economy and Society | Latest Malayalam News | FK Special | Kerala | India | Politics | Sports | Movie | Lifestyle | E Paper | Malayalam News | Breaking News | Kerala News

5ജി നെറ്റ്വര്‍ക്കിനായി കൈകോര്‍ത്ത് എയര്‍ടെലും ടിസിഎസും

1 min read

5 ജി പ്രകടനം നടത്തിയ ഇന്ത്യയിലെ ആദ്യത്തെ ടെലികോം കമ്പനിയായി ഈ വര്‍ഷമാദ്യം എയര്‍ടെല്‍ മാറിയിരുന്നു


ന്യൂഡെല്‍ഹി: ഇന്ത്യയ്ക്കായി 5 ജി നെറ്റ്വര്‍ക്ക് സൊലൂഷനുകള്‍ നടപ്പിലാക്കുന്നതിനുള്ള തന്ത്രപരമായ പങ്കാളിത്തം ഭാരതി എയര്‍ടെലും ടാറ്റ ഗ്രൂപ്പും പ്രഖ്യാപിച്ചു. ടാറ്റാ ഗ്രൂപ്പ് ഒരു ഒ-റാന്‍ അധിഷ്ഠിത റേഡിയോ & എന്‍എസ്എ / എസ്എ കോര്‍ വികസിപ്പിക്കുകയും തികച്ചും തദ്ദേശീയമായ ടെലികോം സ്റ്റാക്ക് ഇതുമായി സംയോജിപ്പിക്കുകയും ചെയ്തുവെന്ന് കമ്പനികള്‍ പുറത്തിറക്കിയ വാര്‍ത്താക്കുറിപ്പില്‍ പറയുന്നു. 2022 ജനുവരി മുതല്‍ വാണിജ്യ വികസനത്തിന് ഇത് ലഭ്യമാകുമെന്ന് കമ്പനികള്‍ പറയുന്നു.

  സാങ്കേതിക പുരോഗതി യുവാക്കള്‍ നേരിടുന്ന വെല്ലുവിളി: ഇന്ത്യ എംപ്ലോയ്മെന്‍റ് റിപ്പോര്‍ട്ട് -2024

ടാറ്റാ കണ്‍സള്‍ട്ടന്‍സി സര്‍വീസസ് (ടിസിഎസ്) സിസ്റ്റം ഇന്‍റഗ്രേഷനിലുള്ള അതിന്‍റെ ആഗോള വൈദഗ്ദ്ധ്യം ഈ പങ്കാളിത്തത്തിലേക്ക് കൊണ്ടുവരും. കൂടാതെ 3 ജിപിപി, ഒ-റാന്‍ മാനദണ്ഡങ്ങള്‍ക്ക് അനുസരിച്ച് അന്തിമ സൊലൂഷന്‍ വിന്യസിക്കാന്‍ എയര്‍ടെലിനെ സഹായിക്കും. ഇന്ത്യയിലെ 5 ജി അവതരണ പദ്ധതികളുടെ ഭാഗമായി എയര്‍ടെല്‍ ഈ തദ്ദേശീയ സൊലൂഷന്‍ പരീക്ഷണാടിസ്ഥാനത്തില്‍ വിന്യസിക്കും. ഇന്ത്യന്‍ സര്‍ക്കാര്‍ രൂപീകരിച്ച മാര്‍ഗ്ഗനിര്‍ദ്ദേശങ്ങള്‍ അനുസരിച്ച് 2022 ജനുവരിയില്‍ പരീക്ഷണം ആരംഭിക്കുന്നതിനാണ് നിശ്ചയിച്ചിട്ടുള്ളത്.

” ഈ ‘മെയ്ഡ് ഇന്‍ ഇന്ത്യ’ 5 ജി ഉല്‍പ്പന്നവും പരിഹാരങ്ങളും ആഗോള മാനദണ്ഡങ്ങളുമായി ചേര്‍ന്നുപോകുന്നതാണ. കൂടാതെ സ്റ്റാന്‍ഡേര്‍ഡ് ഓപ്പണ്‍ ഇന്‍റര്‍ഫേസുകളെ അടിസ്ഥാനമാക്കുന്നതും ഒ-റാന്‍ അലയന്‍സ് നിര്‍വ്വചിക്കുകയും ചെയ്തിട്ടുള്ള മറ്റ് ഉല്‍പ്പന്നങ്ങളുമായി ഇടപഴകാനുമാകും . എയര്‍ടെല്ലിന്‍റെ വൈവിധ്യമാര്‍ന്ന ബ്രൗണ്‍ഫീല്‍ഡ് നെറ്റ്വര്‍ക്കില്‍ ഈ 5 ജി സൊലൂഷനുകള്‍ വാണിജ്യപരമായി തെളിയിക്കപ്പെട്ടാല്‍ ഇന്ത്യയ്ക്ക് പുതിയ കയറ്റുമതി അവസരങ്ങള്‍ തുറക്കും,” വാര്‍ത്താക്കുറിപ്പില്‍ പറയുന്നു.

  ചെറുകിട വ്യവസായ സംരംഭങ്ങളുടെ ഓഹരിവിപണി പ്രവേശനം കേരളത്തിൽ മികച്ച സാധ്യതകള്‍

ടാറ്റ ഗ്രൂപ്പുമായി ചേര്‍ന്ന് ഇന്ത്യയെ 5 ജി, അനുബന്ധ സാങ്കേതികവിദ്യകള്‍ എന്നിവയില്‍ ആഗോള കേന്ദ്രമാക്കി മാറ്റുന്നതില്‍ സന്തോഷമുണ്ടെന്ന് ഭാരതി എയര്‍ടെല്‍ എംഡിയും സിഇഒയുമായ ഗോപാല്‍ വിത്തല്‍ പറഞ്ഞു. ലോകോത്തരമായ സാങ്കേതിക പരിതസ്ഥിതിയും പ്രതിഭാ ലഭ്യതയും ഉപയോഗിച്ച്, അത്യാധുനിക സൊലൂഷനുകളും ആപ്ലിക്കേഷനുകളും നിര്‍മ്മിക്കുന്നതില്‍ ഇന്ത്യക്ക് നല്ല സ്ഥാനമുണ്ടെന്നും അദ്ദേഹം കൂട്ടിച്ചേര്‍ത്തു.

ഒ-റാന്‍ അലയന്‍സ് ബോര്‍ഡ് അംഗമാണ് എയര്‍ടെല്‍. ഇന്ത്യയില്‍ ഒ-റാന്‍ അധിഷ്ഠിത നെറ്റ്വര്‍ക്കുകള്‍ സംബന്ധിച്ച സാധ്യതകള്‍ പരിശോധിക്കാനും നടപ്പാക്കാനും എയര്‍ടെല്‍ ശ്രമിക്കുന്നു. ഈ വര്‍ഷം ആദ്യം ഹൈദരാബാദ് നഗരത്തിലെ ലൈവ് നെറ്റ്വര്‍ക്കിലൂടെ, 5 ജി പ്രകടനം നടത്തിയ ഇന്ത്യയിലെ ആദ്യത്തെ ടെലികോം കമ്പനിയായി എയര്‍ടെല്‍ മാറി. ടെലികോം വകുപ്പ് അനുവദിച്ച സ്പെക്ട്രം ഉപയോഗിച്ച് കമ്പനി പ്രധാന നഗരങ്ങളില്‍ 5 ജി ട്രയലുകള്‍ ആരംഭിച്ചിട്ടുണ്ട്. ടിസിഎസും ഒ-റാന്‍ അലയന്‍സ് അംഗമാണ്.

  നിഫ്റ്റി നെക്സ്റ്റ് 50 ഇന്‍ഡക്സിലെ ഡെറിവേറ്റീവിന് ഏപ്രില്‍ 24 മുതല്‍ തുടക്കം
Maintained By : Studio3