ത്രികക്ഷി സഖ്യത്തില്‍ പവാര്‍ നിശബ്ദമായി പിടിമുറുക്കുന്നു
1 min read
എല്ലാ മന്ത്രാലയങ്ങളും തങ്ങളുടെ പ്രമേയങ്ങളും സര്‍ക്കുലറുകളും അറിയിപ്പുകളും ഡെപ്യൂട്ടി മുഖ്യമന്ത്രിയുടെ ഓഫീസിലേക്കും കൈമാറണമെന്ന് വീണ്ടും നിര്‍ദ്ദേശിക്കപ്പെട്ടു. പല വകുപ്പുകളുടെയും തീരുമാനങ്ങള്‍ ഉപമുഖ്യമന്ത്രി അറിയുന്നില്ല
മുംബൈ: മഹാരാഷ്ട്രയിലെ ഭരണതലത്തില്‍ ഉപമുഖ്യമന്ത്രി അജിത് പവാറിനെ അവഗണിക്കുന്നതായി പരാതി. ഇതു സംബന്ധിച്ച് മുഖ്യമന്ത്രിയുടെ ഓഫീസിനെ അദ്ദേഹം രേഖാമൂലം അറിയിച്ചു.ഭരണതലത്തിലുള്ള ഏകോപനമില്ലായ്മ മഹാരാഷ്ട്രയിലെ ത്രികക്ഷി സഖ്യഭരണത്തില്‍ വിലങ്ങുതടിയാകുന്നു എന്ന വാര്‍ത്ത പുറത്തുവന്നിട്ട് ദിവസങ്ങള്‍ മാത്രമെ ആയിട്ടുള്ളു. വിവിധ പാര്‍ട്ടികളിലെ മന്ത്രിമാര്‍ അവര്‍ക്കിഷ്ടമുള്ള പദ്ധതികള്‍ അനുമതിയില്ലാതെ പ്രഖ്യാപിക്കുന്ന നിലയിലേക്ക് വരെ കാര്യങ്ങള്‍ എത്തിയിരുന്നു. പിന്നീട് പല ഉത്തരവുകളും മുഖ്യമന്ത്രിയുടെ ഓഫീസിന് പിന്‍വലിക്കുകയോ അതിലെ അപാകത പരിഹരിക്കുകയോ ചെയ്യേണ്ടിവന്നു. ഈ സാഹചര്യത്തില്‍ സംസ്ഥാന ഉപമുഖ്യമന്ത്രികൂടി പരാതി ഉന്നയിച്ചത് ഗൗരമേറിയ കാര്യമായി രാഷ്ട്രീയ നിരീക്ഷകര്‍ വിലയിരുത്തുന്നു.
സര്‍ക്കാര്‍ പ്രമേയങ്ങള്‍, അറിയിപ്പുകള്‍, സര്‍ക്കുലറുകള്‍ എന്നിവയുടെ പകര്‍പ്പുകള്‍ എന്നിവ ഉപമുഖ്യമന്ത്രിയുടെ ഓഫീസിലെത്തുന്നില്ലെന്നും അവ അറിയുന്നില്ലെന്നുമാണ് എന്‍സിപി നേതാവുകൂടിയായ അജിതിന്‍റെ പരാതി. അവ സാധാരണയായി മുഖ്യമന്ത്രി ഉദ്ധവ് താക്കറെയുടെ ഓഫീസിലേക്കാണ് എത്തുക. ഡെപ്യൂട്ടി മുഖ്യമന്ത്രിയുടെ പരാതിയില്‍ താക്കറെയുടെ ഓഫീസ് സ്റ്റേറ്റ് ജനറല്‍ അഡ്മിനിസ്ട്രേഷന്‍ ഡിപ്പാര്‍ട്ട്മെന്‍റിന് (ജിഎഡി) കത്തെഴുതിയിട്ടുണ്ട്. ഇതിനെത്തുടര്‍ന്ന് മഹാരാഷ്ട്ര സര്‍ക്കാരിന്‍റെ എല്ലാ വകുപ്പുകള്‍ക്കും അവരുടെ പ്രമേയങ്ങളും സര്‍ക്കുലറുകളും അറിയിപ്പുകളും ഡെപ്യൂട്ടി മുഖ്യമന്ത്രി ഓഫീസിലേക്കും അയയ്ക്കാന്‍ നിര്‍ദ്ദേശിക്കപ്പെട്ടു.
“ഡെപ്യൂട്ടി മുഖ്യമന്ത്രിയുടെ ഓഫീസ് ഈ പകര്‍പ്പുകള്‍ മാന്യ ഡെപ്യൂട്ടി മുഖ്യമന്ത്രിയുടെ ഓഫീസിലേക്ക് കൈമാറുന്നില്ലെന്ന് ഈ വകുപ്പിനെ അറിയിച്ചിട്ടുണ്ട്. അതനുസരിച്ച്, എല്ലാ മന്ത്രാലയ വകുപ്പുകളും തങ്ങളുടെ സര്‍ക്കാര്‍ പ്രമേയങ്ങളും സര്‍ക്കുലറുകളും അറിയിപ്പുകളും ഡെപ്യൂട്ടി മുഖ്യമന്ത്രിയുടെ ഓഫീസിലേക്ക് കൈമാറുന്നതില്‍ ജാഗ്രത പാലിക്കണമെന്ന് വീണ്ടും നിര്‍ദ്ദേശിക്കുന്നു’എന്നാണ് സ്റ്റേറ്റ് ജനറല്‍ അഡ്മിനിസ്ട്രേഷന്‍ ഡിപ്പാര്‍ട്ട്മെന്‍റിന്‍റെ കത്തിലുള്ളത്. നിര്‍ദ്ദേശം സൂചിപ്പിക്കുന്നത് പോലെ, ജിഎഡി അത്തരമൊരു കത്ത് നല്‍കുന്നത് ഇതാദ്യമല്ല. എല്ലാ തീരുമാനങ്ങളിലും അറിയിപ്പുകളിലും സര്‍ക്കുലറുകളിലും മുഖ്യമന്ത്രിയെ മാത്രമാണ് അഭിസംബോധന ചെയ്തിരുന്നത്. ഇതിനെതിരെ പവാര്‍ ശബ്ദമുയര്‍ത്തിയിരുന്നു. ഉപമുഖ്യമന്ത്രി എന്നനിലയില്‍ താന്‍ എവിടെയും അടയാളപ്പെടുത്താതെ പോകുന്നു എന്ന തോന്നല്‍ അദ്ദേഹത്തിനുണ്ടായി.
ഇക്കാര്യത്തില്‍ വ്യക്തത ഉറപ്പുവരുത്താന്‍ ധനകാര്യ ആസൂത്രണ വകുപ്പുകള്‍ വഹിക്കുന്ന പവാര്‍ വകുപ്പിനോട് ആവശ്യപ്പെട്ടതിനെത്തുടര്‍ന്ന് 2020 ഒക്ടോബറിലാണ് അഡ്മിനിസ്ട്രേഷന്‍ വിഭാഗം ആദ്യമായി ഇത്തരം നിര്‍ദ്ദേശങ്ങള്‍ പുറപ്പെടുവിച്ചത്.
എല്ലാ വകുപ്പുകളിലേക്കുമുള്ള ജിഎഡി നോട്ടീസില്‍ അവരുടെ എല്ലാ സര്‍ക്കുലറുകളും അറിയിപ്പുകളും സര്‍ക്കാര്‍ പ്രമേയങ്ങളും പവാറിന്‍റെ ഓഫീസിലേക്കോ നിര്‍ദ്ദിഷ്ടമായവയിലേക്കോ എന്ന് അടയാളപ്പെടുത്തണെന്ന് പരാമര്‍ശിക്കുന്നില്ല.’ഡെപ്യൂട്ടി മുഖ്യമന്ത്രിക്ക് ഇതിനകം തന്നെ ധനകാര്യ, ആസൂത്രണ വകുപ്പുകളുമായി ബന്ധപ്പെട്ട എല്ലാ അറിയിപ്പുകളും പ്രമേയങ്ങളും സര്‍ക്കുലറുകളും ലഭിക്കുന്നുണ്ടെങ്കിലും എല്ലാ അറിയിപ്പുകളും പ്രമേയങ്ങളും സര്‍ക്കുലറുകളും ലഭിക്കണമെന്ന് അദ്ദേഹം വാശി പിടിക്കുന്നു. ഇത് സാധാരണയായി മുഖ്യമന്ത്രിയുടെ ഓഫീസീലേക്കാണ് പോകുന്നത്’ പേര് വെളിപ്പെടുത്താന്‍ ആഗ്രഹിക്കാത്ത പവാറിന്‍റെ ഓഫീസില്‍ നിന്നുള്ള ഒരു ഉദ്യോഗസ്ഥന്‍ പറയുന്നു. മുഖ്യമന്ത്രിയുടെ ഓഫീസിലേക്ക് പോകുന്ന അറിയിപ്പുകളും സര്‍ക്കുലറുകളും മറ്റ് ആശയവിനിമയങ്ങളും ഡെപ്യൂട്ടി മുഖ്യമന്ത്രി സ്വയം അറിയിക്കാന്‍ ആഗ്രഹിക്കുന്നുണ്ടെങ്കില്‍ പ്രശ്നമില്ലെന്നും അദ്ദേഹം കൂട്ടിച്ചേര്‍ത്തു. ഇതില്‍ മുഖ്യമന്ത്രി വഹിക്കുന്ന നിരവധി വകുപ്പുകളുടെ തീരുമാനങ്ങളും ഉള്‍പ്പെടും. അജിത് പവാര്‍ ഉപമുഖ്യമന്ത്രിയാണെന്നും ഒരു സാധാരണ മന്ത്രിയല്ലെന്നും ഉള്ള തോന്നലാണ് ഈ നീക്കത്തിനു കാരണമെന്ന് വിമര്‍ശകര്‍ പറയുന്നു. ചുരുക്കത്തില്‍ മുഖ്യമന്ത്രി എന്തറിയുന്നുവോ അത് താനും അറിഞ്ഞിരിക്കണം എന്ന നിലപാടിലേക്കാണ് അദ്ദേഹമെത്തുന്നത്.
സംസ്ഥാന പൊതുമരാമത്ത് വകുപ്പില്‍ നിന്നുള്ള സര്‍ക്കാര്‍പ്രമേയം പവാര്‍ അറിഞ്ഞിരുന്നില്ല .മെയ് 20 ലെ പ്രമേയം സംസ്ഥാന പൊതുമരാമത്ത് വകുപ്പിന് 10 ലക്ഷം രൂപ വരെ സാധാരണ ടെന്‍ഡറുകളും അതിനുമപ്പുറം ഇ-ടെന്‍ഡറുകളും നല്‍കാന്‍ അനുവദിക്കുന്നു. ഈ പരിധി നേരത്തെ മൂന്ന് ലക്ഷം രൂപയായിരുന്നു. ഇതാണ് എല്ലാ തീരുമാനങ്ങളും സര്‍ക്കുലറുകളും നിര്‍ദേശങ്ങളും തനിക്ക് ലഭ്യമാകണമെന്ന് ആവശ്യപ്പെട്ടത്. അതായത് ഉപമുഖ്യമന്ത്രി എന്ന നിലയില്‍ തനിക്കായി അതിന്‍റെ കോപ്പി ലഭ്യമാകണം എന്നുചുരുക്കം. “ഞങ്ങളുടെ ഉദ്യോഗസ്ഥരോട് അദ്ദേഹത്തിന് ഇതിനെക്കുറിച്ച് ദേഷ്യമുണ്ടായിരുന്നു. എല്ലാ സര്‍ക്കാര്‍ പ്രമേയങ്ങളും മുഖ്യമന്ത്രിയുടെ ഓഫീസിലേക്ക് അടയാളപ്പെടുത്തിയ അറിയിപ്പുകളും ഞങ്ങളുടെ അടുത്ത് വരണമെന്ന് പവാര്‍ ആവശ്യപ്പെടാറുണ്ട്.
എന്നാല്‍ പല വകുപ്പുകളും ഇത് പാലിക്കുന്നില്ല. അതിനാല്‍, ഞങ്ങള്‍ ഇതിനെക്കുറിച്ച് വീണ്ടും കത്തെഴുതി “പവാറിന്‍റെ ഓഫീസിലെ ഉദ്യോഗസ്ഥന്‍ പറയുന്നു.
‘ഡെപ്യൂട്ടി മുഖ്യമന്ത്രിയുടെ ഭരണതലത്തിലെ പങ്കിനെക്കുറിച്ച് വ്യക്തതയില്ല, അതിനാല്‍ ഇത് സംഭവിക്കുന്നു’മുതിര്‍ന്ന രാഷ്ട്രീയ നിരീക്ഷകന്‍ അഭിപ്രായപ്പെട്ടു. ഡെപ്യൂട്ടി മുഖ്യമന്ത്രിയുടെ ഓഫീസ് ഒരു ഭരണഘടനാ തസ്തികയല്ലാത്തതിനാലും അതിന്‍റെ അവകാശങ്ങള്‍ക്കും ഉത്തരവാദിത്തങ്ങള്‍ക്കും രേഖാമൂലമുള്ള നിയമങ്ങളില്ലാത്തതിനാലും, ഈ സ്ഥാനം വഹിക്കുന്ന വ്യക്തിയെ ആശ്രയിച്ചാകും നിലപാടുകള്‍ സ്വീകരിക്കപ്പെടുക. “ഒരു ഡെപ്യൂട്ടി മുഖ്യമന്ത്രിയുടെ പോസ്റ്റ് ഒരു സഖ്യ സര്‍ക്കാരിലെ പ്രോട്ടോക്കോള്‍ പദവി മാത്രമാണ്. രേഖാമൂലമുള്ള നിയമങ്ങളുള്ള ഒരു ഭരണഘടനാ ഓഫീസല്ല ഇത്, “പേര് വെളിപ്പെടുത്താന്‍ ആഗ്രഹിക്കാത്ത ഒരു നേതാവ് അഭിപ്രായപ്പെട്ടു.”മുഖ്യമന്ത്രിയുടെ അഭാവത്തില്‍ അദ്ദേഹത്തിന് ചുമതല വഹിക്കാന്‍ കഴിയും, എന്നാല്‍ അദ്ദേഹത്തിന്‍റെ പങ്ക് എന്താണെന്നതിനെക്കുറിച്ച് വ്യക്തതയില്ല, തുല്യരില്‍ ആദ്യത്തെയാളാണോ അദ്ദേഹം?,ഒരു സര്‍ക്കാരിനുള്ളിലെ ബിസിനസ്സ് നിയമങ്ങളുടെ ഇടപാട് പോലും ഒരു ഡെപ്യൂട്ടി മുഖ്യമന്ത്രി എന്തുചെയ്യണമെന്ന് പറയുന്നില്ല. അതിനാല്‍, ആ വ്യക്തിക്ക് എത്രമാത്രം ഭാരം വഹിക്കാമെന്നതിനെ ആശ്രയിച്ച് പദവിയുടെ മഹത്വം വികസിക്കും” നേതാവ് കൂട്ടിച്ചേര്‍ത്തു.
എന്നാല്‍ ഈ സ്ഥിതി അഭൂതപൂര്‍വമല്ലെന്ന് മുന്നണിയുടെ രാഷ്ട്രീയ വ്യാഖ്യാതാവ് പ്രതാപ് അസ്ബെ പറഞ്ഞു. “ഇത്തരം കാര്യങ്ങള്‍ പലപ്പോഴും സംഭവിക്കാറുണ്ട്. 1978 ല്‍ അന്നത്തെ ഡെപ്യൂട്ടി മുഖ്യമന്ത്രി നാസിക്റാവു തിര്‍പുഡെ മുഖ്യമന്ത്രിയുടെ അടുത്തേക്ക് പോകുന്ന എല്ലാ ഫയലുകളും തന്നിലേക്ക് വരണമെന്ന് നിര്‍ബന്ധം പിടിച്ചിരുന്നു. തന്‍റെ പാര്‍ട്ടിയുടെ മന്ത്രിമാരുടെ മാത്രം പ്രത്യേക കാബിനറ്റ് മീറ്റിംഗുകള്‍ നടത്താനുള്ള പരിശീലനവും അദ്ദേഹം ആരംഭിച്ചു, “അസ്ബെ കൂട്ടിച്ചേര്‍ത്തു. ‘ഉപമുഖ്യമന്ത്രിയെന്ന നിലയില്‍ രാംറാവു ആദിക്കും സമാനമായ ആവശ്യം ഉന്നയിച്ചിരുന്നു. അദ്ദേഹത്തിന് ധനകാര്യ പോര്‍ട്ട്ഫോളിയോ ഉണ്ടായിരുന്നു, മിക്ക സര്‍ക്കാര്‍ തീരുമാനങ്ങള്‍ക്കും സാമ്പത്തിക പ്രത്യാഘാതങ്ങളുണ്ട്, അതിനാല്‍ ധനകാര്യ ചുമതലയുള്ള മന്ത്രി അവയെക്കുറിച്ച് അറിയേണ്ടതുണ്ട്. പവാറിന്‍റെ കാര്യത്തിലും ഇതുതന്നെയാകാം’ അദ്ദേഹം പറഞ്ഞു.ഡെപ്യൂട്ടി മുഖ്യമന്ത്രി എന്ന നിലയില്‍ പവാറിന്‍റെ നാലാം ഊഴമാണിത്. മൂന്നാമത്തേത് ഭാരതീയ ജനതാ പാര്‍ട്ടിയുടെ (ബിജെപി) ദേവേന്ദ്ര ഫഡ്നാവിസുമായി 72 മണിക്കൂര്‍ മാത്രം നീണ്ടുനിന്നതായിരുന്നു.’പവാര്‍ മുഖ്യമന്ത്രിയുമായി നല്ല ബന്ധം പുലര്‍ത്തുന്നയാളാണെന്ന് അറിയപ്പെട്ടിരുന്നു, എന്നാല്‍ ചില സമയങ്ങളില്‍ മുഖ്യമന്ത്രിയുടെ കാല്‍വിരലുകളില്‍ കാലുകുത്താന്‍ ശ്രമിക്കും’ 2009-14 ലെ കോണ്‍ഗ്രസ്-എന്‍സിപി സര്‍ക്കാരില്‍ മന്ത്രിയായിരുന്ന ഒരു മുതിര്‍ന്ന കോണ്‍ഗ്രസ് നേതാവ് പറഞ്ഞു .
നിലവിലെ എംവിഎ ഭരണകൂടത്തിലെ വൃത്തങ്ങള്‍ പറയുന്നത്, മുഖ്യമന്ത്രി താക്കറെയുടെ ഡെപ്യൂട്ടി ആയി, പവാര്‍,അമിതമായി ശബ്ദമുയര്‍ത്തിയിട്ടില്ല എന്നാണ്. അദ്ദേഹം പത്രസമ്മേളനങ്ങളെയും അഭിസംബോധന ചെയ്തിട്ടില്ല, മുഖ്യമന്ത്രിയുടെ അധികാരത്തെ നേരിട്ട് വെല്ലുവിളിക്കാന്‍ ശ്രമിച്ചിട്ടില്ല. എന്നിരുന്നാലും, ചില സമയങ്ങളില്‍ നിഗൂഢ സിഗ്നലുകളിലൂടെ പവാര്‍ തന്‍റെ സ്ഥാനം കൂടുതല്‍ ഉറപ്പിക്കുകയാണ്. ഉദാഹരണത്തിന്, കഴിഞ്ഞ വര്‍ഷം ജൂലൈയില്‍ പവാര്‍ അദ്ദേഹത്തിന്‍റെയും മുഖ്യമന്ത്രിയുടെയും ഓപ്പണ്‍ ടോപ്പ് കാറില്‍ ഇരിക്കുന്ന ഫോട്ടോ ട്വീറ്റ് ചെയ്തിരുന്നു. താക്കറെ പാസഞ്ചര്‍ സീറ്റിലിരിക്കുമ്പോള്‍ കാറിന്‍റെ സ്റ്റിയറിംഗ് വീലിന് പിന്നില്‍ പവാറായിരുന്നു. ശിവസേനയുടെ മുഖപത്രമായ സാമ്ന താക്കറെയുമായുള്ള ഒരു അഭിമുഖം പ്രസിദ്ധീകരിച്ചതിന് മണിക്കൂറുകള്‍ക്ക് ശേഷമാണ് ട്വീറ്റ് വന്നത് എന്ന പ്രത്യേകതയുമുണ്ട്. ചുരുക്കത്തില്‍ പ്രത്യക്ഷത്തിലല്ലെങ്കിലും മഹാരാഷ്ട്രയിലെ ത്രികക്ഷി സഖ്യത്തില്‍ നിശബ്ദമായ ഒരു അധികാര വടംവലി നടക്കുന്നുണ്ട്.
