December 2, 2021

Future Kerala

Future Kerala : Daily On Business , Economy and Society | Latest Malayalam News | FK Special | Kerala | India | Politics | Sports | Movie | Lifestyle | E Paper | Malayalam News | Breaking News | Kerala News

മെരുവിലെ മുഴുവന്‍ ഓഹരിയും മഹീന്ദ്ര വാങ്ങും

1 min read

നിലവില്‍ 43.20 ശതമാനം ഓഹരികളാണ് മഹീന്ദ്ര കയ്യാളുന്നത്  

മുംബൈ: മെരു ട്രാവല്‍ സൊലൂഷന്‍സ് പ്രൈവറ്റ് ലിമിറ്റഡിന്റെ (മെരു) മറ്റ് ഓഹരി ഉടമകളുമായി കരാറില്‍ ഏര്‍പ്പെടുമെന്ന് മഹീന്ദ്ര ആന്‍ഡ് മഹീന്ദ്ര പ്രഖ്യാപിച്ചു. റൈഡ് ഷെയറിംഗ് കമ്പനിയിലെ മുഴുവന്‍ ഓഹരികളും ഏറ്റെടുക്കുന്നതിനാണ് ഇന്ത്യന്‍ വാഹന നിര്‍മാതാക്കള്‍ തയ്യാറെടുക്കുന്നത്.

ട്രൂ നോര്‍ത്ത് എന്ന പ്രൈവറ്റ് ഇക്വിറ്റി നിക്ഷേപകരുടെയും മറ്റുള്ളവരുടെയും 44.14 ശതമാനം ഓഹരികള്‍ 76.03 കോടി രൂപ നല്‍കിയും നീരജ് ഗുപ്ത, ഫര്‍ഹാത്ത് ഗുപ്ത എന്നിവരുടെ കൈവശമുള്ള 12.66 ശതമാനം ഓഹരികള്‍ 21.63 കോടി രൂപ നല്‍കിയുമാണ് ഏറ്റെടുക്കുന്നത്. ഇതോടെ മെരുവിന്റെ മുഴുവന്‍ ഓഹരികളും മഹീന്ദ്രയുടെ കൈകളിലാകും. നിലവില്‍ 43.20 ശതമാനം ഓഹരികളാണ് മഹീന്ദ്ര കയ്യാളുന്നത്.

  യു എസ് ടിക്ക് മികച്ച തൊഴിലിടമെന്ന ബഹുമതി

പുതിയ ഏറ്റെടുക്കല്‍ വഴി മൊബിലിറ്റി സര്‍വീസ് ബിസിനസില്‍ സാന്നിധ്യം ശക്തമാക്കുകയാണ് ഇന്ത്യന്‍ വാഹന നിര്‍മാതാക്കളുടെ ലക്ഷ്യം. മെരുവിന്റെ പുതിയ ചീഫ് എക്‌സിക്യൂട്ടീവ് ഓഫീസറായി പ്രവീണ്‍ ഷാ ചുമതലയേല്‍ക്കും. 2017 മാര്‍ച്ച് വരെ മഹീന്ദ്ര ഓട്ടോമോട്ടീവ് വിഭാഗം പ്രസിഡന്റായിരുന്നു അദ്ദേഹം. മെരു സ്ഥാപകനും ചീഫ് എക്‌സിക്യൂട്ടീവ് ഓഫീസറുമായ നീരജ് ഗുപ്ത ഏപ്രില്‍ 30 ന് സ്ഥാനമൊഴിഞ്ഞു. എന്നാല്‍ ജൂണ്‍ 30 വരെ ജീവനക്കാരനായി ജോലി ചെയ്യും. 2006 ലാണ് മെരു കാബ്‌സ് സ്ഥാപിച്ചത്.

  കേരളം ആസ്ഥാനമായുള്ള മെഡിക്കല്‍ ടെക്നോളജി സ്റ്റാര്‍ട്ടപ്പ് സസ്‌കാന്‍ മെഡിടെക്ക് 'സ്റ്റാര്‍ട്ടപ്പ് ഇന്ത്യ ഗ്രാന്‍ഡ് ചലഞ്ച് 2021'-ൽ വിജയിയായി
Maintained By : Studio3