December 4, 2021

Future Kerala

Future Kerala : Daily On Business , Economy and Society | Latest Malayalam News | FK Special | Kerala | India | Politics | Sports | Movie | Lifestyle | E Paper | Malayalam News | Breaking News | Kerala News

ജപ്പാന്‍ പ്രധാനമന്ത്രിയുടെ ഇന്ത്യാ സന്ദര്‍ശനം മാറ്റിവെച്ചു

1 min read

ടോക്കിയോ: ഇന്ത്യയിലെ കോവിഡ് വ്യാപനം കണക്കിലെടുത്ത് ജപ്പാന്‍ പ്രധാനമന്ത്രി യോഷിഹിതെ സുഗ തന്‍റെ ഇന്ത്യാ സന്ദര്‍ശനം മാറ്റിവെച്ചു.കൊറോണ വൈറസ് കേസുകളില്‍ അടുത്തിടെയുണ്ടായ കുതിച്ചുചാട്ടം കൈകാര്യം ചെയ്യുന്നതിലാണ് സുഗ ഇപ്പോള്‍ ശ്രദ്ധ കേന്ദ്രീകരിക്കുന്നതെന്ന് റോയിട്ടേഴ്സ് റിപ്പോര്‍ട്ട് ചെയ്യുന്നു.

കോവിഡ് -19 പാന്‍ഡെമിക്കിന്‍റെ രണ്ടാം തരംഗത്തിന് കീഴില്‍ ഇന്ത്യ പിന്നോട്ട് നീങ്ങുന്ന സമയത്താണ് സുഗയുടെ തീരുമാനം പുറത്തുവന്നത്. ഒരു ദിവസത്തിലെ ഏറ്റവും ഉയര്‍ന്ന കേസായ 2.95 ലക്ഷം കോവിഡ് പോസിറ്റീവ് അണുബാധകള്‍ ബുധനാഴ്ച രാജ്യത്ത് റിപ്പോര്‍ട്ട് ചെയ്യപ്പെട്ടു. പല സംസ്ഥാനങ്ങളും ജനങ്ങളുടെ നീക്കത്തിന് നിയന്ത്രണങ്ങള്‍ ഏര്‍പ്പെടുത്തിയിട്ടുണ്ടെങ്കിലും പ്രധാനമന്ത്രി നരേന്ദ്ര മോദി തങ്ങളുടെ അവസാന ആശ്രയമായി മാത്രം ലോക്ക്ഡൗണ്‍ തെരഞ്ഞെടുക്കാന്‍ ആവശ്യപ്പെട്ടു.കോവിഡ് -19 സാഹചര്യം കാരണം തിങ്കളാഴ്ച യുകെ പ്രധാനമന്ത്രി ബോറിസ് ജോണ്‍സണും ഇന്ത്യ സന്ദര്‍ശനം റദ്ദാക്കിയിരുന്നു.പകര്‍ച്ചവ്യാധി മൂലം ഈ വര്‍ഷം ഇത് രണ്ടാം തവണയാണ് അദ്ദേഹം ഇന്ത്യയിലേക്കുള്ള യാത്ര മാറ്റിവച്ചത്.

  ഇന്ത്യയുടെ കോവിഡ്-19 വാക്സിനേഷനുകളുടെ എണ്ണം 124.96 കോടി പിന്നിട്ടു

നിലവിലെ കൊറോണ വൈറസ് സാഹചര്യത്തില്‍ പ്രധാനമന്ത്രി ബോറിസ് ജോണ്‍സന് അടുത്തയാഴ്ച ഇന്ത്യയിലേക്ക് പോകാന്‍ കഴിയില്ല. പകരം, പ്രധാനമന്ത്രിമാരായ നരേന്ദ്ര മോദിയും ജോണ്‍സണും ഈ മാസാവസാനം ചര്‍ച്ച നടത്തും. യുകെയും ഇന്ത്യയും തമ്മിലുള്ള ഭാവി പങ്കാളിത്തത്തിനായുള്ള തങ്ങളുടെ പദ്ധതികള്‍ ചര്‍ച്ചയില്‍ വിഷയമാകുമെന്ന് യുകെ പ്രധാനമന്ത്രിയുടെ ഓഫീസ് വക്താവ് പറഞ്ഞു.

അടുത്ത മാസം നടക്കുന്ന ഇന്ത്യ-യൂറോപ്യന്‍ യൂണിയന്‍ ഉച്ചകോടിയില്‍ പങ്കെടുക്കാനുള്ള പോര്‍ച്ചുഗല്‍ യാത്രയും പ്രധാനമന്ത്രി മോദി റദ്ദാക്കി. പകരം ഈ യോഗം വെര്‍ച്വല്‍ ഫോര്‍മാറ്റില്‍ മെയ് എട്ടിന് നടത്താന്‍ തീരുമാനിച്ചിട്ടുണ്ട്.

  ടൂറിസ്റ്റ് കാരവനുകള്‍ക്കും പാര്‍ക്കുകള്‍ക്കും അഞ്ചുകോടി രൂപവരെ വായ്പയുമായി കെഎസ്ഐഡിസി
Maintained By : Studio3