Future Kerala

Future Kerala : Daily On Business , Economy and Society | Latest Malayalam News | FK Special | Kerala | India | Politics | Sports | Movie | Lifestyle | E Paper | Malayalam News | Breaking News | Kerala News

6 മാസങ്ങള്‍ കൂടി ഇ-പോളിസി അനുവദിക്കാമെന്ന് ഐആര്‍ഡിഎഐ

1 min read

ന്യൂഡെല്‍ഹി: കോവിഡ് -19 പാന്‍ഡെമിക്കിന്‍റെ പശ്ചാത്തലത്തില്‍ ലൈഫ് ഇന്‍ഷുറന്‍സ് കമ്പനികള്‍ക്ക് സെപ്റ്റംബര്‍ 30 വരെയുള്ള 6 മാസം കൂടി ഇലക്ട്രോണിക് പോളിസികള്‍ നല്‍കാമെന്ന് ഇന്‍ഷുറന്‍സ് റെഗുലേറ്ററി ആന്‍ഡ് ഡെവലപ്മെന്‍റ് അതോറിറ്റി ഓഫ് ഇന്ത്യ (ഇര്‍ഡായ്) അറിയിച്ചു. 2020-21 സാമ്പത്തിക വര്‍ഷം അവസാനിക്കുന്നതുവരെ എല്ലാ ലൈഫ് ഇന്‍ഷുറന്‍സ് പോളിസികളും പോളിസി ഹോള്‍ഡറുടെ ഇ-മെയില്‍ ഐഡിയിലേക്ക് ഇലക്ട്രോണിക് ആയി അയയ്ക്കാന്‍ ഇന്‍ഷുറന്‍സ് റെഗുലേറ്റര്‍ ഓഗസ്റ്റില്‍ അനുവദിച്ചിരുന്നു. അതാണ് ഇപ്പോള്‍ നീട്ടി നല്‍കിയിരിക്കുന്നത്.

മുമ്പ്, ഒരു പോളിസിക്കായി ഇലക്ട്രോണിക് രീതിയില്‍ അഭ്യര്‍ത്ഥിച്ചിട്ടുണ്ടെങ്കില്‍പ്പോലും കമ്പനികള്‍ക്ക് പ്രമാണത്തിന്‍റെ ഹാര്‍ഡ് കോപ്പി അയയ്ക്കേണ്ടി വന്നു. കോവിഡ് -19ന്‍റെയും ലോക്ക്ഡൗണിന്‍റെയും പശ്ചാത്തലത്തില്‍ ലൈഫ് ഇന്‍ഷുറന്‍സ് പോളിസി പ്രമാണങ്ങള്‍ അച്ചടിക്കുന്നതിനും അയയ്ക്കുന്നതിനും ബുദ്ധിമുട്ട് നേരിട്ടിരുന്നു. ഈ സാഹചര്യത്തിലാണ് ഐആര്‍ഡിഎഐ ഇളവ് അനുവദിച്ചിരുന്നത്. എന്നിരുന്നാലും, ഒരു പോളിസി ഉടമ ഹാര്‍ഡ് കോപ്പി ആവശ്യപ്പെടുകയാണെങ്കില്‍, കമ്പനികള്‍ യാതൊരു നിരക്കും കൂടാതെ അത് നല്‍കണം.

  ഫാഷന്‍- ലൈഫ്സ്റ്റൈല്‍ ബ്രാന്‍ഡുകളുടെ ഇ-വില്‍പ്പനയില്‍ 20-30% ഇടിവ്

വാങ്ങല്‍ പ്രക്രിയ ലളിതമാക്കുന്നത് കൂടുതല്‍ ആളുകളെ ലൈഫ് ഇന്‍ഷുറന്‍സ് വാങ്ങാന്‍ പ്രേരിപ്പിച്ചേക്കുമെന്ന് ഇന്‍ഷുറര്‍മാര്‍ പറഞ്ഞു. കൂടാതെ, പുതുക്കിയ സമയപരിധി അവസാനിക്കുന്നതുവരെ ഫ്രീ-ലുക്ക് കാലയളവ് 30 ദിവസമായി തുടരും. ഈ കാലയളവ് മുമ്പ് 15 ദിവസം ആയിരുന്നു. ഇലക്ട്രോണിക് പോളിസ് ലഭിച്ചതിനു ശേഷവും പോളിസിയെ കുറിച്ച് മനസിലാക്കാനും ആവശ്യമെങ്കില്‍ പിഴയില്ലാതെ പോളസി റദ്ദ് ചെയ്യുന്നതിനും പോളിസി ഉടമയ്ക്ക് നല്‍കുന്ന കാലയളവാണ് ഫ്രീ ലുക്ക് പിരീഡ്.

Maintained By : Studio3