October 19, 2021

Future Kerala

Future Kerala : Daily On Business , Economy and Society | Latest Malayalam News | FK Special | Kerala | India | Politics | Sports | Movie | Lifestyle | E Paper | Malayalam News | Breaking News | Kerala News

ഓക്സിജന്‍ ടാങ്കറുകള്‍ എത്തിക്കാന്‍ വ്യോമസേന

1 min read

ന്യൂഡെല്‍ഹി: രാജ്യത്തുടനീളമുള്ള കോവിഡ് -19 ആശുപത്രികളിലെ ഓക്സിജന്‍ ക്ഷാമം പരിഹരിക്കുന്നതിന് വ്യോമസേനയും രംഗത്ത്. വിദേശ രാജ്യങ്ങളില്‍നിന്ന് ഓക്സിജന്‍ കണ്ടൈയ്നറുകള്‍ എത്തിക്കുന്ന നടപടികള്‍ക്ക് ഇതോടെ വേഗതയേറി. സിംഗപ്പൂരില്‍ നിന്ന് നാല് കണ്ടൈയ്നറുകള്‍ ശനിയാഴ്ച വൈകിട്ട് പശ്ചിമ ബംഗാളിലെ പനഗഡില്‍ എത്തി. യുഎഇയില്‍ ഇന്ത്യയിലേക്ക് ഓക്സിജന്‍ എത്തുന്നുണ്ട്. രാവിലെ 7.45നു തന്നെ വ്യോമസേനാ വിമാനം സിംഗപ്പൂരിലെ ചാംഗി വിമാനത്താവളത്തിലെത്തിയിരുന്നു.ക്രയോജനിക് ഓക്സിജന്‍ ടാങ്കുകളുടെ 4 കണ്ടെയ്നറുകള്‍ ലോഡ് ചെയ്ത ശേഷം അത് സിംഗപ്പൂരില്‍ നിന്ന് പുറപ്പെട്ട് പനഗഡില്‍ എത്തി.

സിംഗപ്പൂര്‍ കൂടാതെ രാജ്യത്ത് ഓക്സിജന്‍ വിതരണം കൂടുതല്‍ വര്‍ദ്ധിപ്പിക്കുന്നതിനായി വ്യോമസേന തങ്ങളുടെ ഗതാഗത വിമാനം യുഎഇയിലേക്ക് അയക്കുന്നതായും സേനാവൃത്തങ്ങള്‍ പറഞ്ഞു.ഓക്സിജന്‍ ലഭ്യമാണെങ്കിലും ഗതാഗതം ഒരു പ്രശ്നമാണ്, അത് കൊണ്ടുപോകാന്‍ ഉപയോഗിക്കുന്ന കണ്ടെയ്നറുകളുടെ കടുത്ത കുറവ് വിതരണത്തെ തടസപ്പെടുത്തുന്നുണ്ട്.

  രത്നആഭരണങ്ങളുടെ കയറ്റുമതിമേഖല 136.95 ശതമാനം വളർച്ച നേടി

ജര്‍മനിയില്‍ നിന്നും ഇന്ത്യയിലേക്ക് ഓക്സിജന്‍ ട്രാന്‍സ്പോര്‍ട്ട് ടാങ്കുകള്‍ എത്തുന്നുണ്ട്. ജര്‍മ്മന്‍ കമ്പനിയായ ലിന്‍ഡെയുമായുള്ള ടാറ്റാ ഗ്രൂപ്പിന്‍റെ സഹകരണത്തിലൂടെ ഇവ 24 ട്രാന്‍സ്പോര്‍ട്ട് ടാങ്കുകള്‍ ഉല്‍പാദന സൈറ്റുകളില്‍ നിന്ന് കോവിഡ് -19 ആശുപത്രികളിലേക്ക് എത്തിക്കും. ഇത് ഓക്സിജന്‍ ഗതാഗത ശേഷി വര്‍ദ്ധിപ്പിക്കുന്നതിന് സഹായിക്കും. ഇക്കാര്യം ഇന്ത്യയിലെ ജര്‍മ്മന്‍ എംബസി ഒരു സോഷ്യല്‍ മീഡിയ പ്ലാറ്റ്ഫോമില്‍ സ്ഥിരീകരിച്ചിട്ടുണ്ട്.കോവിഡ് പ്രതിസന്ധിയെ നേരിടാന്‍ രാജ്യത്ത് ഓക്സിജന്‍ വിതരണം വര്‍ദ്ധിപ്പിക്കുന്നതിന് കൂടുതല്‍ ഓക്സിജന്‍ ടാങ്കറുകള്‍ അനിവാര്യമായ ഘട്ടത്തിലാണ് ഈ നടപടികള്‍.

കടുത്ത ക്ഷാമം നേരിടുമ്പോള്‍ രാജ്യത്ത് ഓക്സിജന്‍ വിതരണം വര്‍ദ്ധിപ്പിക്കുന്നതിന് പ്രതിരോധ മന്ത്രാലയം നടത്തുന്ന കോവിഡ് ആശുപത്രികളിലും മറ്റ് സൈനിക ആശുപത്രികളിലും ജര്‍മ്മനിയില്‍ നിന്ന് വിമാനം കയറ്റുന്ന ഓക്സിജന്‍ പ്ലാന്‍റുകള്‍ ഉപയോഗിക്കും.

  ഇന്ത്യയിലെ ബിരുദധാരികൾക്കായി ഒരുങ്ങുന്നത് ഒരു ലക്ഷത്തോളം തൊഴിൽ അവസരങ്ങൾ

’23 മൊബീല്‍ ഓക്സിജന്‍ ഉത്പാദന പ്ലാന്‍റുകള്‍ ജര്‍മ്മനിയില്‍ നിന്ന് വിമാനമാര്‍ഗ്ഗം എത്തിക്കും. ക്ഷാമം പരിഹരിക്കുന്നതിനായി ജര്‍മ്മനിയില്‍ നിന്ന് ഓക്സിജന്‍ ഉത്പാദന പ്ലാന്‍റും കണ്ടൈയ്നറുകളും ഇറക്കുമതി ചെയ്യാന്‍ സായുധ സേന മെഡിക്കല്‍ സര്‍വീസ് തീരുമാനിച്ചു,’ പ്രതിരോധ മന്ത്രാലയത്തിന്‍റെ പ്രസ്താവനയില്‍ പറയുന്നു. കോവിഡ് -19 ന്‍റെ രണ്ടാം തരംഗം ഇന്ത്യയെ ബാധിക്കുമ്പോള്‍, ഓക്സിജന്‍ സിലിണ്ടറുകള്‍, റെഗുലേറ്ററുകള്‍, അവശ്യ മരുന്നുകള്‍ എന്നിവ എയര്‍ലിഫ്റ്റ് ചെയ്യാന്‍ വ്യോമസേന കേന്ദ്രത്തെ സഹായിക്കുന്നു. ദേശീയ തലസ്ഥാനവും ഓക്സിജന്‍ സിലിണ്ടറുകളുടെയും മരുന്നുകളുടെയും കുറവ് നേരിടുന്നു.

  ഇന്ത്യയിലെ പാസഞ്ചർ വാഹന വിപണിയിൽ വിറ്റഴിയുന്ന കാറുകളിൽ 70%-വും 10 ലക്ഷം രൂപയിൽ താഴെ വിലയുള്ളവ

ഈ ആഴ്ച ആദ്യം പ്രതിരോധമന്ത്രി രാജ്നാഥ് സിംഗ് എല്ലാ പ്രതിരോധ സ്ഥാപനങ്ങള്‍ക്കും കൂടുതല്‍ കോവിഡ് -19 ആശുപത്രികള്‍ സ്ഥാപിക്കാനും അടിയന്തര അധികാരങ്ങള്‍ ഉപയോഗിക്കാനും പ്രതിസന്ധി പരിഹരിക്കാന്‍ വിരമിച്ച ഉദ്യോഗസ്ഥരെ നിയോഗിക്കാനും നിര്‍ദ്ദേശം നല്‍കിയിരുന്നു.കോവിഡ് -19 നെതിരായ പോരാട്ടം ശക്തമാക്കാന്‍ സൈനിക അടിസ്ഥാന സൗകര്യങ്ങള്‍ എങ്ങനെ ഉപയോഗിക്കാമെന്നതിനെക്കുറിച്ചുള്ള ഒരു റോഡ് മാപ്പും മന്ത്രി അധ്യക്ഷനായ കോവിഡ് തയ്യാറെടുപ്പ് അവലോകന യോഗത്തില്‍ ചര്‍ച്ച ചെയ്തു. നിലവിലെ സാഹചര്യം നേരിടാന്‍ സിവില്‍ ഭരണകൂടത്തെയും സംസ്ഥാന സര്‍ക്കാരുകളെയും സഹായിക്കുന്നതിന് വിരമിച്ച സായുധ സേനാംഗങ്ങളുടെ സേവനം ഉപയോഗപ്പെടുത്താനും മന്ത്രി നിര്‍ദ്ദേശിച്ചിരുന്നു.

Maintained By : Studio3