December 3, 2021

Future Kerala

Future Kerala : Daily On Business , Economy and Society | Latest Malayalam News | FK Special | Kerala | India | Politics | Sports | Movie | Lifestyle | E Paper | Malayalam News | Breaking News | Kerala News

ഇടക്കാല തെരഞ്ഞെടുപ്പിന് പദ്ധതികളുണ്ടോ എന്ന് കോണ്‍ഗ്രസിനോട് ശിവസേന

1 min read

മുംബൈ: മഹാരാഷ്ട്രയില്‍ ഒരു ഇടക്കാല നിയമസഭാ തെരഞ്ഞെടുപ്പിന് പദ്ധതികളുണ്ടോ എന്ന് ശിവസേന കോണ്‍ഗ്രസിനോട് ചോദിക്കുന്നു.അടുത്ത തെരഞ്ഞെടുപ്പില്‍ സംസ്ഥാനത്ത് കോണ്‍ഗ്രസ് സ്വന്തമായി മത്സരിക്കണമെന്ന് ആഗ്രഹം പ്രകടിപ്പിച്ചതോടെയാണ് ശിവസേനയുടെ മറുചോദ്യമെത്തിയത്. 2024 ലെ തിരഞ്ഞെടുപ്പ് ഇനിയും അകലെയാണെന്നും ഭരണകക്ഷിയായ ശിവസേന അഭിപ്രായപ്പെട്ടു.പാര്‍ട്ടി മുഖപത്രമായ സാമ്നയിലെ മുഖപ്രസംഗത്തില്‍ എല്ലാ പ്രധാന രാഷ്ട്രീയ പാര്‍ട്ടികളും ഒറ്റയ്ക്ക് പോകുന്നതിനെക്കുറിച്ച് സംസാരിച്ചുതുടങ്ങിയാല്‍ മഹാരാഷ്ട്രയുടെ താല്‍പ്പര്യാര്‍ത്ഥം സേനയും എന്‍സിപിയുംമാത്രം ചേര്‍ന്ന് അടുത്ത തെരഞ്ഞെടുപ്പില്‍ മത്സരിക്കേണ്ടിവരുമെന്നും പറയുന്നു.മഹാ വികാസ് അഗദി (എംവിഎ) സര്‍ക്കാരിന്‍റെ പ്രധാന ഘടകമാണ് കോണ്‍ഗ്രസ് എങ്കിലും അത് മൂന്നാം സ്ഥാനത്താണെന്ന് ശിവസേന ഓര്‍മ്മിപ്പിക്കുന്നു.

ബിജെപിയുടെ ഏറ്റവും പഴയ സഖ്യകക്ഷികളിലൊന്നായ ശിവസേന, എം.വി.എ സര്‍ക്കാര്‍ രൂപീകരിക്കുന്നതിനായി എന്‍സിപിയുമായും കോണ്‍ഗ്രസുമായും സഖ്യമുണ്ടാക്കിയിരുന്നു. അടുത്ത നിയമസഭാ തെരഞ്ഞെടുപ്പില്‍ പാര്‍ട്ടി സ്വയം പോരാടുമെന്നും കോണ്‍ഗ്രസ് മുഖ്യമന്ത്രിയെ നിയമിക്കുമെന്നും മഹാരാഷ്ട്ര കോണ്‍ഗ്രസ് മേധാവി നാനാ പട്ടോലെയാണ് പ്രഖ്യാപിച്ചത്. പാര്‍ട്ടി അനുവദിച്ചാല്‍ അടുത്ത മുഖ്യമന്ത്രി മുഖമായിരിക്കും താനും എന്നും അദ്ദേഹം പറയുകയുണ്ടായി. ഇത് സഖ്യത്തിലെ അസ്വാരസ്യതകളാണ് പുറത്തുകൊണ്ടുവരുന്നത്.

285 അംഗ നിയമസഭയില്‍ 145 എംഎല്‍എമാരുടെ പിന്തുണ ലഭിക്കുന്നവര്‍ അടുത്ത സര്‍ക്കാര്‍ രൂപീകരിക്കുമെന്നും അവര്‍ മുഖ്യമന്ത്രിയെ തീരുമാനിക്കുമെന്നും ഉപമുഖ്യമന്ത്രി അജിത് പവാര്‍ പറഞ്ഞു. പാര്‍ലമെന്‍ററി ജനാധിപത്യം ഭൂരിപക്ഷ കണക്കുകളുടേതാണ്. അതില്‍ വിജയിക്കുന്നവര്‍ക്ക് സിംഹാസനം കൈവരിക്കാന്‍ കഴിയും. രാഷ്ട്രീയ അഭിലാഷങ്ങള്‍ സംരക്ഷിക്കുന്നതില്‍ തെറ്റൊന്നുമില്ല, പക്ഷേ അവയുടെ പൂര്‍ത്തീകരണത്തിന് അക്കങ്ങള്‍ ആവശ്യമാണ്. കഴിഞ്ഞ നിയമസഭാ തെരഞ്ഞെടുപ്പിന് മുന്നോടിയായി താന്‍ അധികാരത്തില്‍ തിരിച്ചെത്തുമെന്ന് ബിജെപി നേതാവ് ദേവേന്ദ്ര ഫഡ്നാവിസ് പറഞ്ഞിരുന്നു.പക്ഷെ അദ്ദേഹത്തിന് അങ്ങനെ ചെയ്യാന്‍ കഴിഞ്ഞില്ല. ബി.ജെ.പി 105 സീറ്റുകള്‍ നേടിയിട്ടും മറ്റ് മൂന്ന് പാര്‍ട്ടികള്‍ ചേര്‍ന്നാണ് അധികാരത്തിലെത്തിയത്.

പാര്‍ട്ടി പ്രവര്‍ത്തകരുടെ മനോവീര്യം വര്‍ദ്ധിപ്പിക്കുന്നതിനായി ഒറ്റയ്ക്ക് പോകുന്നതിനെക്കുറിച്ച് പട്ടോലെ സംസാരിച്ചു. ഈ പ്രസ്താവനയ്ക്ക് തൊട്ടുപിന്നാലെ, ബിജെപി-ശിവസേന സഖ്യം അസാധ്യമാണെന്ന് ചൂണ്ടിക്കാട്ടി ബിജെപി മുതിര്‍ന്ന നേതാവ് റാവു സാഹേബ് ഡാന്‍വെ അടുത്ത തിരഞ്ഞെടുപ്പില്‍ സ്വന്തമായി മത്സരിക്കുമെന്ന് പ്രഖ്യാപിച്ചു. മഹാരാഷ്ട്രയില്‍ ബിജെപിയുമായി സഖ്യമുണ്ടാക്കുന്ന ഒരു പാര്‍ട്ടിയും ഇല്ലെന്നും അതിനാല്‍ തെരഞ്ഞെടുപ്പില്‍ ഒറ്റയ്ക്ക് മാത്രം മത്സരിക്കേണ്ടിവരുമെന്നും സേനയും പറഞ്ഞു.

Maintained By : Studio3