നാസ്കോം അധ്യക്ഷനായി കൃഷ്ണൻ രാമാനുജം ചുമതലയേറ്റു

കൊച്ചി: നാസ്കോമിന്‍റെ 2022-23 വർഷത്തെ ചെയർ പേഴ്സൺ ആയി കൃഷ്ണൻ രാമാനുജം ചുമതലയേറ്റു. ടാറ്റ കൺസൾട്ടൻസി സർവീസസിന്‍റെ എന്‍റർപ്രൈസസ് ഗ്രോത്ത് ബിസിനസ് പ്രസിഡന്‍റ് ആണ് അദ്ദേഹം. 2021-22 വർഷം സംഘടനയുടെ വൈസ് ചെയർമാൻ ആയിരുന്നു. രാജ്യത്തെ സാങ്കേതിക വിദ്യാ മേഖലയിലെ സ്ഥാപനങ്ങളുടെ ചേംബർ ഓഫ് കൊമേഴ്സ് ആണ് നാസ്കോം എന്ന് അറിയപ്പെടുന്ന നാഷണല്‍ അസോസിയേഷൻ ഓഫ് സോഫ്റ്റ് വെയർ ആന്‍റ് സർവീസസ് കമ്പനീസ്. 3000- ലെറെ അംഗ കമ്പനികൾ നാസ്കോമിലുണ്ട്. വളർച്ച ത്വരിതപ്പെടുത്താൻ അംഗ സ്ഥാപനങ്ങൾ, സർക്കാർ, മറ്റ് ബന്ധപ്പെട്ടവർ എന്നിവരുമായി സഹകരിച്ച് മുന്നേറുകയാണ് ലക്ഷ്യമെന്ന് ചുമതല ഏറ്റ ശേഷം കൃഷ്ണൻ രാമാനുജം പറഞ്ഞു.