February 26, 2024

Future Kerala

Future Kerala : Daily On Business , Economy and Society | Latest Malayalam News | FK Special | Kerala | India | Politics | Sports | Movie | Lifestyle | E Paper | Malayalam News | Breaking News | Kerala News

ഇന്ത്യയുടെ ബഹിരാകാശ ഇതിഹാസത്തിൽ പുതിയ അധ്യായം: ചന്ദ്രയാൻ-3

1 min read

ന്യൂഡൽഹി: “ഇന്ത്യയുടെ ബഹിരാകാശ മേഖലയെ സംബന്ധിച്ചിടത്തോളം 2023 ജൂലൈ 14 എപ്പോഴും സുവർണ ലിപികളിൽ പതിഞ്ഞിരിക്കും. നമ്മുടെ മൂന്നാമത്തെ ചാന്ദ്ര ദൗത്യമായ ചന്ദ്രയാൻ -3 അതിന്റെ യാത്ര ആരംഭിക്കും. ഈ ശ്രദ്ധേയമായ ദൗത്യം നമ്മുടെ രാജ്യത്തിന്റെ പ്രതീക്ഷകളും സ്വപ്നങ്ങളും വഹിക്കും. ഭ്രമണപഥം ഉയർത്തലുകൾക്ക് ശേഷം, ചന്ദ്രയാൻ-3നെ ഭ്രമണപഥത്തിൽ എത്തിക്കും. 300,000 കിലോമീറ്റർ പിന്നിട്ട ശേഷം ഇത് വരും ആഴ്ചകളിൽ ചന്ദ്രനിലെത്തും. പേടകത്തിലുള്ള ശാസ്ത്രീയ ഉപകരണങ്ങൾ ചന്ദ്രന്റെ ഉപരിതലത്തെ പഠിക്കുകയും നമ്മുടെ അറിവ് വർദ്ധിപ്പിക്കുകയും ചെയ്യും. പ്രധാനമന്ത്രി ഒരു ട്വീറ്റിൽ പറഞ്ഞു.

  കൊച്ചിൻ ഷിപ്പ്‌യാർഡ് നിർമ്മിച്ച ഇലക്ട്രിക്ക്-ഹൈബ്രിഡ് വാട്ടർ മെട്രോ യാനം കൊച്ചി വാട്ടർ മെട്രോയ്ക്ക് കൈമാറി

നമ്മുടെ ശാസ്ത്രജ്ഞരുടെ ശ്രമഫലമായി, ബഹിരാകാശ മേഖലയിൽ ഇന്ത്യയ്ക്ക് വളരെ സമ്പന്നമായ നേട്ടങ്ങൾ കൈവരിക്കാൻ സാധിച്ചിട്ടുണ്ട്. ചന്ദ്രനിൽ ജല തന്മാത്രകളുടെ സാന്നിധ്യം സ്ഥിരീകരിച്ചതിനാൽ ആഗോള ചാന്ദ്ര ദൗത്യങ്ങളിൽ ഒരു സവിശേഷ ദൗത്യമായി ചന്ദ്രയാൻ -1 കണക്കാക്കപ്പെടുന്നു. ലോകമെമ്പാടുമുള്ള 200-ലധികം ശാസ്ത്ര പ്രസിദ്ധീകരണങ്ങളിൽ ഇത് പരാമർശിക്കപ്പെട്ടു . ചന്ദ്രയാൻ-1 വരെ, ചന്ദ്രൻ, ഭൂമിശാസ്ത്രപരമായി നിർജ്ജീവവും,നിർജ്ജലവും, വാസയോഗ്യമല്ലാത്തതുമായ ആകാശഗോളമാണെന്നാണ് വിശ്വസിച്ചിരുന്നത്. ഇപ്പോൾ, ജലത്തിന്റെയും ഉപരിതല പാളികൾക്കിടയിൽ ഹിമത്തിന്റെയും സാന്നിധ്യമുള്ള ചലനാത്മകവും ഭൂമിശാസ്ത്രപരമായി സജീവവുമായ ഒരു ഗ്രഹമായി ഇത് കണക്കാക്കപ്പെടുന്നു. ഒരുപക്ഷേ ഭാവിയിൽ, അത് ജനവാസത്തിന് വരെ സാധ്യതയുള്ളതും ! ചന്ദ്രയാൻ-2ഉം ഇത് പോലെ തന്നെ വഴിത്തിരിവുള്ളതായിരുന്നു, കാരണം അതുമായി ബന്ധപ്പെട്ട ഓർബിറ്ററിൽ നിന്ന് റിമോട്ട് സെൻസിംഗിലൂടെ ലഭിച്ച ഡാറ്റ ആദ്യമായി ക്രോമിയം, മാംഗനീസ്, സോഡിയം എന്നിവയുടെ സാന്നിധ്യം കണ്ടെത്തി. ഇത് ചന്ദ്രന്റെ ദ്രവശിലാ പരിണാമത്തെക്കുറിച്ച് കൂടുതൽ ഉൾക്കാഴ്ചകൾ നൽകി. ചന്ദ്രയാൻ 2-ൽ നിന്നുള്ള പ്രധാന ശാസ്ത്രീയ ഫലങ്ങൾ, ചാന്ദ്ര ലവണത്തിനായുള്ള ആദ്യത്തെ ആഗോള ഭൂപടം, ഗർത്തത്തിന്റെ വലുപ്പ വിതരണത്തെക്കുറിച്ചുള്ള അറിവ് വർധിപ്പിക്കൽ, ഐഐആർഎസ് ഉപകരണം ഉപയോഗിച്ച് ചന്ദ്രന്റെ ഉപരിതല ജലത്തിന്റെ മഞ്ഞ് വ്യക്തമായി കണ്ടെത്തൽ എന്നിവയും അതിലേറെയും ഉൾപ്പെടുന്നു. ഈ ദൗത്യം ഏകദേശം 50 പ്രസിദ്ധീകരണങ്ങളിൽ ഇടം പിടിച്ചിട്ടുണ്ട്.

  ആത്മനിര്‍ഭര്‍ ഭാരതിന്റെ പിന്നിലെ പ്രചോദനമാണ് അമുല്‍: പ്രധാനമന്ത്രി
Maintained By : Studio3