October 21, 2021

Future Kerala

Future Kerala : Daily On Business , Economy and Society | Latest Malayalam News | FK Special | Kerala | India | Politics | Sports | Movie | Lifestyle | E Paper | Malayalam News | Breaking News | Kerala News

രാജ്യത്ത് പുതിയ കോവിഡ് കേസുകളില്‍ നേരിയ ശമനം

1 min read

ചൊവ്വാഴ്ച പുലര്‍ച്ചെ അവസാനിച്ച 24 മണിക്കൂറില്‍ 2,59,170 പുതിയ കോവിഡ്-19 കേസുകളാണ് റിപ്പോര്‍ട്ട് ചെയ്തത്

ന്യൂഡെല്‍ഹി: ചൊവ്വാഴ്ച പുലര്‍ച്ചെ അവസാനിച്ച 24 മണിക്കൂറില്‍ രാജ്യത്ത് റിപ്പോര്‍ട്ട് ചെയ്തത് 2,59,170 പുതിയ കോവിഡ്-19 കേസുകള്‍. മുന്‍ ദിവസത്തെ 2,73,810നെ അപേക്ഷിച്ച് പുതിയ കേസുകളില്‍ നേരിയ കുറവാണ് തിങ്കളാഴ്ച റിപ്പോര്‍ട്ട് ചെയ്തത്. ഇതോടെ രാജ്യത്തെ മൊത്തം കോവിഡ് കേസുകള്‍ 1,53,21,089ല്‍ എത്തിയതായി കേന്ദ്ര ആരോഗ്യ മന്ത്രാലയം അറിയിച്ചു.

തുടര്‍ച്ചയായ ആറാംദിവസമാണ് രാജ്യത്ത് പ്രതിദിന കോവിഡ്-19 കേസുകള്‍ രണ്ടുലക്ഷം കടക്കുന്നത്. കഴിഞ്ഞ വ്യാഴാഴ്ച 2,00,739ഉം വെള്ളിയാഴ്ച 2,17,353ഉം ശനിയാഴ്ച 2,34,692ഉം ഞായറാഴ്ച 2,61,500ഉം പുതിയ കോവിഡ് കേസുകളാണ് രാജ്യത്ത് രേഖപ്പെടുത്തിയത്. അതേസമയം ചൊവ്വാഴ്ച രാവിലെ അവസാനിച്ച 24 മണിക്കൂറില്‍ 1,761 പേര്‍ കോവിഡ്-19 കാരണം മരണപ്പെട്ടു. ഇതോടെ രോഗം ബാധിച്ച് രാജ്യത്ത് ഇതുവരെ മരണപ്പെട്ടവരുടെ എണ്ണം 1,80,530 ആയി. നിലവില്‍ 20,31,977 സജീവ കോവിഡ്-19 രോഗികളാണ് രാജ്യത്തുള്ളത്.

  ആഡംബര എത്നിക് വസ്ത്ര കമ്പനിയായ റിതികയുടെ ഭൂരിഭാഗം ഓഹരികളും റിലയൻസ് റീറ്റെയ്ൽ സ്വന്തവുമാക്കി

24 മണിക്കൂറിനിടെ 1,54,761 കോവിഡ്-19 ബാധിതര്‍ രോഗമുക്തരായി. പകര്‍ച്ചവ്യാധി ആരംഭിച്ചതിന് ശേഷം ഇതുവരെ 1,31,08,582 പേരാണ് കോവിഡ്-19ല്‍ നിന്നും രോഗമുക്തരായത്. 85.65 ശതമാനമാണ് നിലവില്‍ ഇന്ത്യയിലെ കോവിഡ്-19 രോഗമുക്തി നിരക്ക്. തിങ്കളാഴ്ച 15,19,486 സാമ്പിളുകളാണ് രാജ്യത്ത് ടെസ്റ്റ് ചെയ്തത്. പകര്‍ച്ചവ്യാധി ആരംഭിച്ച് ഒന്നര വര്‍ഷത്തിനിടെ 26,4,4,035 സാമ്പിളുകളിലാണ് ഇന്ത്യയില്‍ കോവിഡ്-19 പരിശോധന നടന്നത്.

അതേസമയം ജനുവരി രണ്ടാംവാരം ആരംഭിച്ച കോവിഡ് പ്രതിരോധ വാക്‌സിനേഷന്‍ പരിപാടിയിലൂടെ രാജ്യത്ത് 12,71,29,113 പേര്‍ക്ക് കോവിഡ് വാക്‌സിന്‍ ലഭിച്ചതായി സര്‍ക്കാര്‍ കണക്കുകള്‍ വ്യക്തമാക്കുന്നു. തിങ്കളാഴ്ച മാത്രം 32,76,555 പേര്‍ക്കാണ് വാക്‌സിന്‍ നല്‍കിയത്.

  100 കോടി ഡോസ് വാക്സിനേഷന്‍ പൂര്‍ത്തിയാക്കി രാജ്യം ആശങ്കയില്‍ നിന്ന് ആത്മവിശ്വാസത്തിലേക്ക്
Maintained By : Studio3