January 29, 2023

Future Kerala

Future Kerala : Daily On Business , Economy and Society | Latest Malayalam News | FK Special | Kerala | India | Politics | Sports | Movie | Lifestyle | E Paper | Malayalam News | Breaking News | Kerala News

അമേരിക്ക ഇന്ത്യയുടെ ഏറ്റവും വലിയ വ്യാപാര പങ്കാളി; ചൈനയെ മറികടന്ന് വളർച്ച

1 min read
ഡൽഹി: 2021 ആദ്യ ഒമ്പത് മാസങ്ങളിലെ ദ്രുതഗതിയിലുള്ള ഉഭയകക്ഷി വ്യാപാര വളർച്ചയിൽ, ചൈനയെ മറികടന്ന് അമേരിക്ക ഇന്ത്യയുടെ ഏറ്റവും വലിയ വ്യാപാര പങ്കാളിയായി. ജനുവരി മുതൽ സെപ്റ്റംബർ വരെ, ഇന്ത്യയും അമേരിക്കയും തമ്മിലുള്ള ഉഭയകക്ഷി വ്യാപാരം 50% വർദ്ധിച്ച് 28 ബില്യൺ ഡോളറിലെത്തിയതായി വാണിജ്യ വകുപ്പ് ശേഖരിച്ച ഡാറ്റയിൽ പറയുന്നു. ചൈനയുമായുള്ള ഉഭയകക്ഷി വ്യാപാരം 46% മാത്രം വർദ്ധിച്ചു 25.3 ബില്യൺ ഡോളറായി ഉയർന്നു.

നടപ്പു സാമ്പത്തിക വർഷത്തിന്റെ ആദ്യ നാല് മാസങ്ങളിൽ: ഏപ്രിലിനും ജൂലൈക്കുമിടയിൽ, ചൈനയുമായുള്ള ഇന്ത്യയുടെ വ്യാപാരം 36.6 ബില്യൺ ഡോളറായിരുന്നു, അമേരിക്കയുമായുള്ളത് 36.5 ഡോളർ. 2021 ലെ ആദ്യ ഒൻപത് മാസങ്ങളിൽ, ഇന്ത്യയുടെ മൊത്തത്തിലുള്ള ആഗോള വ്യാപാര ഇടപാടുകൾ 50% വർധിച്ച് 231 ബില്യൺ ഡോളറിലെത്തി. ഓസ്ട്രേലിയ, യുണൈറ്റഡ് അറബ് എമിറേറ്റ്സ്, ബെൽജിയം തുടങ്ങിയ രാജ്യങ്ങളുമായുള്ള വളർച്ചയിൽ വർധന ഉണ്ടായിട്ടുണ്ട്.

  പൊതുമരാമത്ത്, ടൂറിസം വകുപ്പുകളുടെ നിര്‍മ്മിതികള്‍ കാല്‍നട യാത്രാ സൗഹൃദമായി രൂപകല്‍പ്പന ചെയ്യാനുള്ള നിര്‍ദേശം മുന്നോട്ടുവച്ച് ഡിസൈന്‍ പോളിസി ശില്‍പ്പശാല

വാണിജ്യ വകുപ്പിന്റെ കണക്കുകൾ പ്രകാരം; 91.4% വളർച്ചയോടെ ദക്ഷിണാഫ്രിക്ക ഇന്ത്യയുടെ അതിവേഗം വളരുന്ന പ്രധാന വ്യാപാര പങ്കാളിയായി. ഓസ്ട്രേലിയയുമായുള്ള, ഉഭയകക്ഷി വ്യാപാരം 85% വളർന്ന് 6.4 ബില്യൺ ഡോളറിലെത്തി. ബെൽജിയവുമായുള്ള വ്യാപാരം ഏകദേശം 80% വർദ്ധിച്ച് 6 ബില്യൺ ഡോളറിലെത്തി, അതേസമയം യുഎഇ-യുമായുള്ള ഉഭയകക്ഷി വ്യാപാരം 67% വർദ്ധിച്ച് 20 ബില്യൺ ഡോളറിലെത്തി.

Maintained By : Studio3