അവാര്‍ഡ് തിളക്കത്തില്‍ ഹോണ്ട സിബിആര്‍1000ആര്‍ആര്‍- ആര്‍ ഫയര്‍ബ്ലേഡ് എസ്പി

അവാര്‍ഡ് തിളക്കത്തില്‍ ഹോണ്ട സിബിആര്‍1000ആര്‍ആര്‍- ആര്‍ ഫയര്‍ബ്ലേഡ് എസ്പി

ഈ വര്‍ഷത്തെ റെഡ് ഡോട്ട് ഡിസൈന്‍ അവാര്‍ഡ് കരസ്ഥമാക്കി

ബെര്‍ലിന്‍: 2020 മോഡല്‍ ഹോണ്ട സിബിആര്‍1000ആര്‍ആര്‍- ആര്‍ ഫയര്‍ബ്ലേഡ് എസ്പി മോട്ടോര്‍സൈക്കിളിന് അവാര്‍ഡ് തിളക്കം. മോട്ടോര്‍സൈക്കിള്‍ വിഭാഗത്തില്‍ ഹോണ്ടയുടെ ഫ്‌ളാഗ്ഷിപ്പ് സിബിആര്‍ ഈ വര്‍ഷത്തെ റെഡ് ഡോട്ട് ഡിസൈന്‍ അവാര്‍ഡ് കരസ്ഥമാക്കി. പുതിയ ഫയര്‍ബ്ലേഡിന് പിറകില്‍ പ്രവര്‍ത്തിച്ച സംഘം പുരസ്‌കാരം ഏറ്റുവാങ്ങി. ലോകത്ത് ഏറ്റവും ആഗ്രഹിക്കപ്പെടുന്ന ഡിസൈന്‍ പുരസ്‌കാരങ്ങളിലൊന്നാണ് റെഡ് ഡോട്ട് അവാര്‍ഡ്.

ക്ലബ്ബ് റേസിംഗ് മുതല്‍ അന്താരാഷ്ട്ര മത്സരങ്ങള്‍ വരെ ജയിക്കാന്‍ കഴിയുന്നവിധമാണ് ഹോണ്ട സിബിആര്‍1000ആര്‍ആര്‍- ആര്‍ ഫയര്‍ബ്ലേഡ് എസ്പി വികസിപ്പിച്ചത്. ഡിസൈന്‍, സ്‌റ്റൈലിംഗ് എന്നിവ നിര്‍വഹിക്കുമ്പോള്‍ ഇക്കാര്യം കണക്കിലെടുത്തു. വേഗത, പ്രകടനമികവ്, എയ്‌റോഡൈനാമിക് ശേഷി എന്നിവയില്‍ ശ്രദ്ധയൂന്നിയാണ് ഓരോ ഭാഗവും രൂപകല്‍പ്പന ചെയ്തത്. ഇത്തരമൊരു അവാര്‍ഡ് ലഭിച്ചതോടെ തങ്ങള്‍ ആദരിക്കപ്പെട്ടതായി ഹോണ്ട മോട്ടോര്‍സൈക്കിള്‍ ഡിസൈന്‍ വിഭാഗം ജനറല്‍ മാനേജര്‍ സതോഷി കവാവ പ്രതികരിച്ചു.

999 സിസി, ഇന്‍ ലൈന്‍ 4 സിലിണ്ടര്‍ എന്‍ജിനാണ് 2020 ഹോണ്ട സിബിആര്‍1000ആര്‍ആര്‍- ആര്‍ ഫയര്‍ബ്ലേഡ് എസ്പി മോട്ടോര്‍സൈക്കിളിന് കരുത്തേകുന്നത്. ഈ മോട്ടോര്‍ 14,500 ആര്‍പിഎമ്മില്‍ 212 ബിഎച്ച്പി പരമാവധി കരുത്തും 12,500 ആര്‍പിഎമ്മില്‍ 113 എന്‍എം പരമാവധി ടോര്‍ക്കും ഉല്‍പ്പാദിപ്പിക്കും. കഴിഞ്ഞ വര്‍ഷത്തെ മിലാന്‍ മോട്ടോര്‍സൈക്കിള്‍ ഷോയിലാണ് 2020 മോഡല്‍ ഹോണ്ട സിബിആര്‍1000ആര്‍ആര്‍- ആര്‍ അനാവരണം ചെയ്തത്. ഹോണ്ട റേസിംഗ് കോര്‍പ്പറേഷന്റെ സവിശേഷ കളര്‍ സ്‌കീമായ ചുവപ്പും വെളുപ്പും നീലയും ഉള്‍പ്പെടുന്ന പെയിന്റ് സ്‌കീമിലാണ് പുതിയ ഹോണ്ട സിബിആര്‍1000ആര്‍ആര്‍- ആര്‍ ഫയര്‍ബ്ലേഡ് വരുന്നത്.

Comments

comments

Categories: Auto