ജനിതക എഡിറ്റിംഗ് നടത്തിയ കുട്ടികളില്‍ അകാലമരണസാധ്യത

ജനിതക എഡിറ്റിംഗ് നടത്തിയ കുട്ടികളില്‍ അകാലമരണസാധ്യത

ചൈനയില്‍ ജനിതക എഡിറ്റിംഗിലൂടെ സൃഷ്ടിച്ച ഇരട്ടക്കുട്ടികളില്‍ 21 ശതമാനം അകാല മരണനിരക്കിനു സാധ്യതയെന്ന് യുഎസ് ഗവേഷകര്‍

പോയ വര്‍ഷം ചൈനയിലാണ് ജനിതക എഡിറ്റിംഗിലൂടെ പ്രത്യേക പ്രതിരോധ ശേഷിയുള്ള ഇരട്ടക്കുട്ടികളെ സൃഷ്ടിച്ചത്. എച്ച് ഐ വി അണുബാധയടക്കം തടയാന്‍ കഴിവുള്ള ലോകത്തിലെ ആദ്യത്തെ ശിശുക്കളാണ് ഇവരെന്നായിരുന്ന അവകാശവാദത്തോടെയായിരുന്നു ഇത്. ഇത്തരത്തില്‍ മനുഷ്യ ശിശുക്കളില്‍ ജനിതകവ്യതിയാനം നടത്തുന്നതിനെതിരേ ഐക്യരാഷ്ട്രസഭ തന്നെ മുന്നറിയിപ്പുമായി രംഗത്തു വന്നിരുന്നു. എന്നാല്‍ ഇത്തരത്തില്‍ വികസിപ്പിച്ചെടുക്കുന്ന കുട്ടികളില്‍ അകാലമരണനിരക്കിനു സാധ്യതയേറുമെന്ന് കാലിഫോര്‍ണിയയിലെ ബെര്‍ക്ലി യൂണിവേഴ്‌സിറ്റിയിലെ ശാസ്ത്രജ്ഞര്‍ നടത്തിയ പഠനത്തില്‍ തെളിഞ്ഞു. കഴിഞ്ഞ വര്‍ഷം ചൈനീസ് ശാസ്ത്രജ്ഞന്‍ സൃഷ്ടിച്ചതെന്നു പറയപ്പെടുന്ന ഇരട്ടക്കുട്ടികളില്‍ ഭാവിയില്‍ മരണനിരക്കിന് 21 ശതമാനം വര്‍ദ്ധനവുണ്ടെന്നാണ് പഠനഫലം പറയുന്നത്.

ബ്രിട്ടീഷ് ഡാറ്റാബേസായ യുകെ ബയോബാങ്കില്‍ നിന്നുള്ള 400,000 ജനിതകഘടനകളും അനുബന്ധ ആരോഗ്യ റിപ്പോര്‍ട്ടുകളും പരിശോധിച്ചാണ് ഗവേഷകര്‍ ഇതു കണ്ടെത്തിയത്. ജനിതകമാറ്റം വരുത്തിയ കുട്ടികളില്‍ 41- 78 വയസിനിടയില്‍ മരണം സംഭവിക്കാനുള്ള സാധ്യത കൂടുതലാണെന്നു കണ്ടെത്തി. മുന്‍ പഠനങ്ങളില്‍ ജനിതകമാറ്റം വരുത്തിയവരില്‍ ഇന്‍ഫഌവെന്‍സ അണുബാധ മൂലം മരണനിരക്കില്‍ നാലു മടങ്ങ് വര്‍ദ്ധനവുണ്ടാകുമെന്നു കണ്ടെത്തിയിരുന്നു. എന്നിരുന്നാലും, ജീനുകളുടെ രണ്ട് കോപ്പികളിലുണ്ടാകുന്ന മ്യൂട്ടേഷനുമായി പ്രവര്‍ത്തിക്കുന്ന കോഡുകള്‍ക്കുള്ള പ്രോട്ടീന്‍, നിരവധി ശരീര പ്രവര്‍ത്തനങ്ങളില്‍ ഏര്‍പ്പെട്ടിരിക്കുന്നതിനാല്‍, അതേക്കുറിച്ചുള്ള വിശദീകരണങ്ങളുണ്ടെന്ന് ഗവേഷകര്‍ ചൂണ്ടിക്കാട്ടുന്നു.

ചൈനീസ് ഗവേഷകര്‍ മനുഷ്യഭ്രൂണമുപയോഗിച്ച് നടത്തിയ പരീക്ഷണം ലോകമെങ്ങും വിമര്‍ശനമുയര്‍ത്തിയിരുന്നു. ജനിതക എഡിറ്റിംഗ് മനുഷ്യഭ്രൂണത്തില്‍ സാധ്യമാണെന്ന് കഴിഞ്ഞ വര്‍ഷം ഏപ്രിലില്‍ ചൈനയില്‍ നടന്ന പരീക്ഷണം സൂചന നല്‍കിയിരുന്നു. സണ്‍യാത്‌സെന്‍ സര്‍വകലാശാലയിലെ ജന്‍ജു ഹുവാന്‍ഗിന്റെ നേതൃത്വത്തിലുള്ള ഗവേഷകരാണ് ക്രിസ്പര്‍ -കാസ് 9 എന്ന സങ്കേതമുപയോഗിച്ച് ജനിതക എഡിറ്റിംഗ് നടത്തിയത്. ബീറ്റ തലമീസിയ എന്ന പാരമ്പര്യരോഗത്തിന് കാരണമായ ജീനുകളെ വരുംതലമുറയില്‍ നിന്ന് ഒഴിവാക്കാന്‍ കഴിയുമെന്നായിരുന്നു ചൈനീസ് ഗവേഷകരുടെ നിഗമനം. കുഞ്ഞുങ്ങളിലെ ജനിതകവ്യതിയാനം സംബന്ധിച്ച ധാര്‍മിക പ്രശ്‌നങ്ങളേക്കാള്‍, ആ മ്യൂട്ടേഷനുകള്‍ മൂലം എന്താണു സംഭവിക്കാന്‍ പോകുന്നത് എന്നതിനെക്കുറിച്ചുള്ള പൂര്‍ണ്ണമായ ഫലം അറിയാതെ അവതരിപ്പിക്കുന്നതിലെ അപകടങ്ങളാണ് ഇപ്പോള്‍ വിഷയമായിരിക്കുന്നതെന്ന് ബെര്‍ക്ലി യൂണിവേഴ്‌സിറ്റിയി പ്രൊഫസര്‍ റാസ്മാസ് നീല്‍സണ്‍ പറയുന്നു.

ഈ സാഹചര്യത്തില്‍, മിക്ക ആളുകളും ആഗ്രഹിക്കുന്ന പരിവര്‍ത്തനമാകണമെന്നില്ല സത്യത്തില്‍ ഉണ്ടാകുന്നതെന്നും അദ്ദേഹം നാല്‍സണ്‍ ചൂണ്ടിക്കാട്ടുന്നു. മറിച്ച് ഏറ്റവും മോശം കാര്യമാകും ഉണ്ടാകുകയെന്നു പ്രതീക്ഷിക്കണമെന്നും അദ്ദേഹം മുന്നറിയിപ്പു തരുന്നു. ഒരു ജീന്‍ ഒന്നിലധികം സ്വഭാവങ്ങളെ സ്വാധീനിക്കുമെന്നതിനാല്‍, പരിസ്ഥിതിയെ ആശ്രയിച്ച്, ഒരു മ്യൂട്ടേഷന്റെ പ്രഭാവം തികച്ചും വ്യത്യസ്തമാണ്, ജനിതകഎഡിറ്റിംഗില്‍ അനേകം അനിശ്ചിതത്വങ്ങളും അജ്ഞാതഫലങ്ങളും ഉണ്ടാകുമെന്നാണ് ഞാന്‍ കരുതുന്നതെന്ന് ഗവേഷകര്‍ പറയുന്നു. ജീനിലെ സിസിആര്‍ 5 പ്രോട്ടീന്‍ കോശോപരിതലത്തില്‍ കാണുന്ന രോഗപ്രതിരോധ മരുന്നുകളുടെ ഉപരിതലത്തില്‍ സാന്നിധ്യമുറപ്പിക്കുകയും എച്ച്‌ഐവി ഉള്‍പ്പെടെയുള്ള ഏറ്റവും സാധാരണമായ അണുക്കളുടെ പ്രവേശനത്തെ സഹായിക്കുന്നു.

സ്വാഭാവികമായും സംഭവിക്കുന്ന ജനിതകവ്യതിയാനങ്ങള്‍ പ്രോട്ടീനെ ഇല്ലാതാക്കുകയെന്നത് ഏഷ്യന്‍ രാജ്യങ്ങളില്‍ വളരെ അപൂര്‍വമാണ്. എന്നാല്‍ വടക്കന്‍ യൂറോപ്യന്‍ ജനതയില്‍ കണ്ട 11% വ്യതിയാനം എച്ച് ഐ വി അണുബാധയ്‌ക്കെതിരെ അവര്‍ക്കു സംരക്ഷണം നല്‍കുന്നതായി കാണാം. സിസിആര്‍ 5 ജീനുകളില്‍ വന്ന ഡെല്‍റ്റാ 32 എന്ന മ്യൂട്ടേഷനില്‍ 32 അടിസ്ഥാന വിഭാഗം ജോടികളുടെ അഭാവം കാണാനായി. ഈ പരിവര്‍ത്തനത്തിന് പ്രോട്ടീന്റെ കോശോപരിതലത്തില്‍ പ്രാദേശികവല്‍ക്കരണവുമായി ഇടപെടുന്നു. ഇതിനായി സിസിആര്‍5 കോഡുകള്‍ എച്ച് ഐ വി അണുബാധയ്ക്കു തടസ്സം സൃഷ്ടിക്കുന്നു.

സ്വാഭാവിക മ്യൂട്ടേഷന്‍ പകര്‍ത്താന്‍ സാധിച്ചില്ലെങ്കിലും പ്രോട്ടീനെ നിര്‍ജ്ജീവമാക്കും വിധം ഇല്ലാതാക്കലിനു സധ്യമായതായി ഗവേഷകര്‍ ചൂണ്ടിക്കാട്ടുന്നു. ഇരട്ടശിശുക്കളില്‍ ഒരു സിസിആര്‍ 5 ന്റെ ഒരു പകര്‍പ്പ് ക്രിസ്പര്‍ -കാസ് 9 ഉപയോഗിച്ചുള്ള ജീന്‍ എഡിറ്റിംഗിലൂടെ പരിഷ്‌കരിച്ചിരുന്നു, മറ്റ് കുട്ടിക്ക് രണ്ട് കോപ്പി എഡിറ്റുകളും ഉണ്ടായിരുന്നു. അതേസമയം, മനുഷ്യരിലും മറ്റ് മൃഗങ്ങളിലുമായി കണ്ടുവരുന്ന ഒരു പ്രോട്ടീന്‍ നെഗറ്റീവ് ഇഫക്റ്റുകള്‍ ഉണ്ടാക്കാന്‍ സാധ്യതയുണ്ട്, പ്രത്യേകിച്ച് ജീനുകളുടെ രണ്ട് കോപ്പികളുടെ ഗണിതശാസ്ത്രപരമായ പരിവര്‍ത്തനത്തില്‍ ഇതു കാണാം.

മനുഷ്യന്റെയും മൃഗങ്ങളുടെയും, സസ്യങ്ങളുടെയും സ്വഭാവം മനസ്സിലാക്കുന്നതിനായി ജനിതക വ്യതിയാനത്തെക്കുറിച്ച് പഠിക്കുന്നതിന് ബ്രിട്ടീഷ് ബയോബാങ്കില്‍ നിന്നുള്ള ലഭിച്ച വിവരങ്ങള്‍ ഉപയോഗിച്ച് സി സിആര്‍ 5 ഡെല്‍റ്റാ 32 മ്യൂട്ടേഷന്റെ സ്വാധീനം അന്വേഷിക്കാന്‍ തീരുമാനിച്ചു. ജനികത വ്യതിയാനം വരുത്തിയ രണ്ടു ജാതീയ ജീനുകളുള്ളവരില്‍ ഉയര്‍ന്ന മരണനിരക്ക് കാണിക്കുന്നതായും കണ്ടെത്തി.

Comments

comments

Categories: Health
Tags: Gene edit