ഹോക്കി ലോകകപ്പ്: ഇന്ത്യയെ മന്‍പ്രീത് സിംഗ് നയിക്കും

ഹോക്കി ലോകകപ്പ്: ഇന്ത്യയെ മന്‍പ്രീത് സിംഗ് നയിക്കും

ഭുവനേശ്വര്‍: ഹോക്കി ലോകകപ്പിനുള്ള ഇന്ത്യന്‍ ടീമിനെ പ്രഖ്യാപിച്ചു. മലയാളി ഗോള്‍കീപ്പര്‍ പി.ആര്‍.ശ്രീജേഷ് ഉള്‍പ്പെട്ട 18 അംഗ ടീമിനെയാണ് ഹോക്കി ഇന്ത്യ പ്രഖ്യാപിച്ചിരിക്കുന്നത്. മന്‍പ്രീത് സിംഗാണ് ഇന്ത്യയെ നയിക്കുന്നത്.

ഇന്ത്യ ആതിഥ്യം വഹിക്കുന്ന ലോകകപ്പ് നവംബര്‍ 28ന് ഒഡീഷ തലസ്ഥാനമായ ഭുവനേശ്വറിലെ കലിംഗ സ്റ്റേഡിയത്തിലാണ് തുടങ്ങുന്നത്.

ശ്രീജേഷിന് പുറമേ കൃഷ്ണ ബഹദൂര്‍ പഥക്കിനെയും ഗോള്‍കീപ്പറായി ടീമില്‍ ഉള്‍പ്പെടുത്തിയിട്ടുണ്ട്. ഉദ്ഘാടന ദിവസത്തില്‍ ഇന്ത്യ ദക്ഷിണാഫ്രിക്കയ്‌ക്കെതിരേ ഏറ്റുമുട്ടും. ബെല്‍ജിയം, കാനഡ, ദക്ഷിണാഫ്രിക്ക എന്നീ രാജ്യങ്ങള്‍ ഉള്‍പ്പെടുന്ന പൂള്‍ സിയിലാണ് ഇന്ത്യ.

16 ടീമുകളാണ് നാല് ഗ്രൂപ്പുകളിലായി ഏറ്റുമുട്ടുന്നത്. ഗ്രൂപ്പ് ഘട്ടത്തില്‍ ഒന്ന്, രണ്ടു സ്ഥാനങ്ങളില്‍ വരുന്ന ടീമുകള്‍ ക്വാര്‍ട്ടറിലേക്ക് യോഗ്യത നേടും.

Comments

comments

Categories: Sports