തെലുങ്കാനയുടെ റിഥു ബണ്ഡു സ്‌കീം: കര്‍ഷകര്‍ക്ക് ആറ് ആഴ്ചകള്‍ക്കുള്ളില്‍ 5000 കോടി രൂപ

തെലുങ്കാനയുടെ റിഥു ബണ്ഡു സ്‌കീം: കര്‍ഷകര്‍ക്ക് ആറ് ആഴ്ചകള്‍ക്കുള്ളില്‍ 5000 കോടി രൂപ

ഹൈദരാബാദ്: സംസ്ഥാനത്തെ 47.5 ലക്ഷം വരുന്ന ഭൂമി കര്‍ഷകര്‍ക്ക് 5000 കോടി രൂപ തെലുങ്കാന സര്‍ക്കാര്‍ അനുവദിച്ചു. മെയ് 10 മുതല്‍ നടപ്പാക്കിയ ക്രോപ് ഇന്‍വസ്റ്റ്‌മെന്റ് സപ്പോര്‍ട്ട് സ്‌കീം ആയ റിഥു ബണ്ഡു പദ്ധതിയുടെ ഭാഗമായാണ് ഫണ്ട് അനുവദിച്ചത്. കാര്‍ഷകര്‍ക്കുള്ള സഹായം കാര്‍ഷിക വായ്പ ഇളവ്, വാഗ്ദാനമില്ലാതെ എംഎസ്പി അധിഷ്ഠിത പെയ്മന്റുകള്‍ എന്നിവയുമായി താരതമ്യം ചെയ്യുമ്പോള്‍ ഈ പദ്ധതി നടപ്പാക്കുന്നത് ഉയര്‍ന്ന പ്രാപ്തിയും മികച്ച കാര്യക്ഷമതയും ഉണ്ടാക്കുന്നു. ഈ പദ്ധതി പ്രകാരം ആദ്യ ഘട്ടത്തില്‍ അനുവദിച്ചിരുന്ന തുക 6000 കോടി രൂപയാണ്. എന്നാല്‍ പിന്നീട് അത് 47.5 ലക്ഷം കര്‍ഷകര്‍ക്കായി 5000 കോടി രൂപയാക്കി ചുരുക്കി.

കഴിഞ്ഞ വര്‍ഷം മാര്‍ച്ചിനു ശേഷം ആറു സംസ്ഥാനങ്ങളിലായി കര്‍ഷകരുടെ 1.5 ലക്ഷം കോടി രൂപയുടെ വായ്പയാണ് എഴുതി തള്ളിയത്. പലയിടങ്ങളിലും സമാനമായ പദ്ധതികള്‍ നടപ്പാക്കിയിട്ടുണ്ട്. മാര്‍ക്കറ്റ് വിലയും എംഎസ്പിയും തമ്മിലുള്ള വ്യത്യസങ്ങള്‍ കര്‍ഷകര്‍ക്ക് ലഭിക്കുന്നുണ്ടോ എന്ന് പദ്ധതിയുടെ ഭാഗമായി ഉറപ്പുവരുത്തും.

കര്‍ഷകര്‍ക്ക് പെട്ടന്നുള്ള ആശ്വാസം നല്‍കുന്നതിനു പുറമെ റിഥു ബണ്ഡു അനുവദിക്കുന്നത് വളരെ ലളിതവുമാണ്. കര്‍ഷകരുടെ വിള തിരഞ്ഞെടുപ്പില്‍ വിലക്കയറ്റവും ലഭിക്കും.

2018-19 ബജറ്റില്‍ തെലുങ്കാന സര്‍ക്കാര്‍ 12000 കോടി രൂപ നീക്കിവച്ചു. ഭൂരിഭാഗം കര്‍ഷകരുടെയും ഭൂമിയ്ക്ക് 8000 (1 ഏക്കറിന്) രൂപ വീതം രണ്ടു വിളകള്‍ക്കായി നല്‍കും. ഈ സ്‌കീം പ്രയോജനപ്പെടുത്തുന്നതിനായി റിസര്‍വ്വ് ബാങ്ക് ഓഫ് ഇന്ത്യ 95 ശതമാനം വരെ നല്‍കി വരുന്നുണ്ട്. സ്റ്റേറ്റ് ബാങ്ക് ഓഫ് ഇന്ത്യയുടെ നേതൃത്വത്തില്‍ എട്ട് ബാങ്കുകളിലായി 59 ലക്ഷത്തിലധികം ചെക്കുകള്‍ അച്ചടിച്ച് വിതരണത്തിനായി സംസ്ഥാന സര്‍ക്കാറിന് കൈമാറി. കഴിഞ്ഞ ഏതാനും ആഴ്ചകള്‍ക്കുള്ളില്‍ ഇത് ഗുണഭോക്താക്കള്‍ക്ക് കൈമാറി. എന്നിരുന്നാലും ചില സ്ഥലങ്ങളില്‍ കൃഷിഭൂമി സംബന്ധിച്ച പ്രശ്‌നങ്ങള്‍ പരിഹരിക്കപ്പെടാതെ കിടക്കുന്നുണ്ട്.

അതേസമയം, റിഥു ബണ്ഡു സ്‌കീമിനെക്കുറിച്ച് വിശദമായി പഠിക്കാനും സര്‍ക്കാര്‍ എംഐടി യെ ചുമതലപ്പെടുത്തിയിട്ടുണ്ട്. കാര്‍ഷിക ഉല്‍പ്പാദന ക്ഷമത വര്‍ദ്ധിപ്പിക്കുന്നതിനും പദ്ധതി നടപ്പാക്കുന്നതിനും കൃഷിക്കാരുടെ വിള വിഹിതം എങ്ങനെ പ്രയോജനപ്പെടുത്തുവെന്നും പഠനത്തിലൂടെ വ്യക്തമാവും.

ഈ പദ്ധതി പ്രകാരം ഓരോ വര്‍ഷവും 12000 കോടി രൂപ സര്‍ക്കാര്‍ ചെലവഴിക്കുമെന്ന് മുഖ്യമന്ത്രി കെ ചന്ദ്രശേഖര്‍ റാവു പറഞ്ഞു. ഈ സാമ്പത്തിക വര്‍ഷത്തെ ആദ്യ ഘട്ടം ഒക്ടോബറില്‍ അവസാനിക്കും. രണ്ടാം ഘട്ടം നവംബര്‍ മുതല്‍ തുടങ്ങും.

യഥാര്‍ഥ കര്‍ഷകര്‍ക്ക് ഈ പദ്ധതി പ്രയോജനപ്പെടുന്നതിനേക്കാള്‍ സമ്പന്ന ഭൂവുടമകള്‍ക്ക് ഇത് പ്രയോജനം ചെയ്യുമെന്ന് ഈ പദ്ധതിയുടെ വിമര്‍ശകര്‍ പറയുന്നു. 2011 ലെ സെന്‍സസ് പ്രകാരം തെലുങ്കാനയിലെ 9.1 ദശലക്ഷം കര്‍ഷകരില്‍ 3.15 ദശലക്ഷം കൃഷിക്കാരും 5.9 ദശലക്ഷം കാര്‍ഷിക തൊഴിലാളികളുമാണ്. എന്നാല്‍ റിഥു ബണ്ഡു സബ്‌സിഡി കര്‍ഷകര്‍ക്ക് മാത്രമാണ് ലഭിക്കുന്നത്, കര്‍ഷക തൊഴിലാളികള്‍ക്ക് ലഭിക്കുന്നില്ല. 91 ശതമാനം കര്‍ഷകരും 5 ഏക്കറില്‍ താഴെ ഭൂമി ഉളളവരാണ്. അവര്‍ക്ക് ഈ തുകയുടെ 66 ശതമാനം മാത്രമാണ് ലഭിക്കുന്നത്.

2014 ജൂണ്‍ മാസത്തില്‍ തെലങ്കാന ഗവണ്‍മെന്റ് കാര്‍ഷിക വായ്പ എഴുതിത്തള്ളല്‍ പദ്ധതിയിലൂടെ തെരഞ്ഞെടുപ്പ് പ്രചാരണ പരിപാടി വന്നു തുടങ്ങി. 16,124 കോടി രൂപയുടെ പാക്കേജ് 35 ലക്ഷം കര്‍ഷകര്‍ക്ക് കടം നല്‍കിയതായി സര്‍ക്കാര്‍ വൃത്തങ്ങള്‍ അവകാശപ്പെടുന്നു. വായ്പ അച്ചടക്കലംഘനത്തെ പ്രതികൂലമായി ബാധിക്കുന്ന ഇത്തരം ബാങ്കുകള്‍ക്കെതിരെ ബാങ്കര്‍മാര്‍ സംസാരിച്ചിരുന്നു.

സംസ്ഥാനത്തെ 2.9 കോടി ഏക്കര്‍ സ്ഥലത്ത് 1.4 കോടി ഏക്കര്‍ കൃഷിഭൂമി കണ്ടെത്തി. ഈ സീസണില്‍ 58 ലക്ഷം അര്‍ഹരായ കര്‍ഷകര്‍ക്ക് സര്‍ക്കാര്‍ ചെക്ക് നല്‍കും റാവു പറഞ്ഞു. സംസ്ഥാനത്തുടനീളം നടത്തിയ സമഗ്ര ഭൂമി സര്‍വ്വെയുടെ ഭാഗമായാണ് ഈ നടപടികള്‍.

 

Comments

comments

Tags: Rythu Bandu