ജാതിക്ക അച്ചാര്‍ ഉണ്ടാക്കുന്നതെങ്ങനെ?

ജാതിക്ക അച്ചാര്‍ ഉണ്ടാക്കുന്നതെങ്ങനെ?

വയറ് സംബന്ധമായ പ്രശ്‌നങ്ങള്‍ക്ക് നല്ലൊരു ഔഷധമാണ് ജാതി. ജാതിക്കയുടെ പുറം തോടും ജാതി പത്രിയും അതിനുള്ളിലെ കായും എല്ലാം ഉപയോഗ യോഗ്യമാണ്. ദഹന സംബന്ധമായ അസുഖങ്ങള്‍ക്കും ഉദര രോഗങ്ങള്‍ക്കും പണ്ട് മുതലേ ജായിക്ക ഉപയോഗിച്ചു വരുന്നു. ജാതിക്കയുടെ പുറംതോട് ഉപയോഗിച്ച് തയ്യാറാക്കുന്ന അച്ചാര്‍ സ്വാദിഷ്ടമാണ്. ഇത് എങ്ങനെ തയ്യാറാക്കുന്നുവെന്ന് നോക്കാം

ചേരുവകള്‍

ജാതിക്ക- 12
വെളുത്തുള്ളി- 12 അല്ലി
മുളകുപ്പൊടി- 4 ടേബിള്‍സ്പൂണ്‍
ഇഞ്ചി- 1 ചെറിയ കഷണം
ഉലുവാപ്പൊടി- 1 ടീസ്പൂണ്‍
കായപ്പൊടി -അര ടീസ്പൂണ്‍
വിനാഗിരി -2 ടീസ്പൂണ്‍
കറിവേപ്പില -2 കതിര്‍പ്പ്
കടുക് -അര ടീസ്പൂണ്‍
ഉപ്പ് -പാകത്തിന്
എണ്ണ -2 ടേബിള്‍സ്പൂണ്‍
പഞ്ചസാര- 1 ടേബിള്‍സ്പൂണ്‍

പാകം ചെയ്യുന്ന വിധം

കഴുകിയ ജാതിക്ക ചെറുതായി അരിയുക. ഇതില്‍ ഉപ്പ് പുരട്ടി ഒന്നര മണിക്കൂര്‍ വെയ്ക്കണം. ചീനച്ചട്ടിയില്‍എണ്ണ ചൂടാകുമ്പോള്‍ അരിഞ്ഞ ഇഞ്ചിയും വെളുത്തുള്ളിയും ഇട്ടു മൂപ്പിക്കുക.മുളകുപൊടി,കായപ്പൊടി,ഉലുവാപ്പൊടി ഇവ പ്രത്യേകം മൂപ്പിച്ചു അരച്ചു വെയ്ക്കുക. കടുകിട്ട് പൊട്ടുമ്പോള്‍ കറിവേപ്പിലയും ,വിനാഗിരിയും ഉപ്പും ഇഞ്ചിയും വെളുത്തുള്ളിയും പഞ്ചസാരയും അല്പം വെള്ളവും ചേര്‍ത്ത് ചെറുതായി ചൂടാക്കുക. അതില്‍ ജാതിക്കയുടെ തോട് ഇട്ട് പാകമാകുമ്പോള്‍ അരച്ച ചേരുവകളും ചേര്‍ത്ത് ഒന്ന് കൂടി ചൂടാക്കി വാങ്ങി വെയ്ക്കുക. സ്വാദിഷ്ടമായ ജാതിക്ക അച്ചാര്‍ തയ്യാര്‍.

 

Comments

comments

Categories: Health, Women